9. රූපං රූපාවචරාරූපාවචරන්තිකථාවණ්ණනා
768-770. ඉදානි රූපං රූපාවචරාරූපාවචරන්තිකථා නාම හොති. තත්ථ යං කාමාවචරකම්මස්ස කතත්තා රූපං, තං යස්මා කාමාවචරං, තස්මා රූපාවචරාරූපාවචරකම්මානම්පි කතත්තා රූපෙන රූපාවචරාරූපාවචරෙන භවිතබ්බන්ති යෙසං ලද්ධි, සෙය්‍යථාපි අන්ධකානං; තෙ සන්ධාය අත්ථි රූපං රූපාවචරාරූපාවචරන්ති පුච්ඡා සකවාදිස්ස, පටිඤ්ඤා ඉතරස්ස. සෙසමෙත්ථ හෙට්ඨා වුත්තනයමෙවාති.
රූපං රූපාවචරාරූපාවචරන්තිකථාවණ්ණනා.