1. නිග්ගහකථාවණ්ණනා

743-744. ඉදානි නිග්ගහකථා නාම හොති. තත්ථ යෙ ලොකෙ බලප්පත්තා වසීභූතා, තෙ යදි පරස්ස චිත්තං නිග්ගණ්හිතුං න සක්කුණෙය්‍යුං, කා තෙසං බලප්පත්ති, කො වසීභාවො. බලප්පත්තියා පන වසීභාවෙන ච අද්ධා තෙ පරස්ස චිත්තං නිග්ගණ්හන්තීති යෙසං ලද්ධි, සෙය්‍යථාපි මහාසඞ්ඝිකානං; තෙ සන්ධාය පරො පරස්සාති පුච්ඡා සකවාදිස්ස, පටිඤ්ඤා ඉතරස්ස. තත්ථ නිග්ගණ්හාතීති සංකිලෙසාපත්තිතො නිවාරෙති. සෙසමෙත්ථ යථාපාළිමෙව නිය්‍යාතීති. පග්ගහකථායපි එසෙව නයො.

නිග්ගහකථාවණ්ණනා.