7-8. පච්චොරොහණීසුත්තද්වයවණ්ණනා

119-120. සත්තමෙ පච්චොරොහණීති පාපස්ස පච්චොරොහණං. පත්ථරිත්වාති සන්ථරිත්වා. අන්තරා ච වෙලං අන්තරා ච අග්‍යාගාරන්ති වාලිකාරාසිස්ස ච අග්ගිඅගාරස්ස ච අන්තරෙ. අට්ඨමං භික්ඛුසඞ්ඝස්ස දෙසිතං. සෙසං සබ්බත්ථ උත්තානත්ථමෙවාති.

පච්චොරොහණිවග්ගො දුතියො.

(13) 3. පරිසුද්ධවග්ගවණ්ණනා

123. තතියස්ස පඨමෙ පරිසුද්ධාති නිම්මලා. පරියොදාතාති පභස්සරා. දුතියාදීනි උත්තානත්ථානෙවාති.

පරිසුද්ධවග්ගො තතියො.

(14) 4. සාධුවග්ගවණ්ණනා

134. චතුත්ථස්ස පඨමෙ සාධුන්ති භද්දකං සිලිට්ඨකං. දුතියාදීනි උත්තානත්ථානෙවාති. අරියමග්ගවග්ගො උත්තානත්ථොයෙවාති.

සාධුවග්ගො චතුත්ථො.

තතියපණ්ණාසකං නිට්ඨිතං.