5. පච්චුප්පන්නානාගතවාරො
(ක) අනුලොමං
467. (ක) යො චක්ඛුන්ද්‍රියං පරිජානාති සො දොමනස්සින්ද්‍රියං පජහිස්සතීති? නො.
(ඛ) යො වා පන දොමනස්සින්ද්‍රියං පජහිස්සති සො චක්ඛුන්ද්‍රියං පරිජානාතීති? නො.
(ක) යො චක්ඛුන්ද්‍රියං පරිජානාති සො අනඤ්ඤාතඤ්ඤස්සාමීතින්ද්‍රියං භාවෙස්සතීති? නො.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවෙස්සති සො චක්ඛුන්ද්‍රියං පරිජානාතීති? නො.
(ක) යො චක්ඛුන්ද්‍රියං පරිජානාති සො අඤ්ඤින්ද්‍රියං භාවෙස්සතීති? නො.
(ඛ) යො වා පන අඤ්ඤින්ද්‍රියං භාවෙස්සති සො චක්ඛුන්ද්‍රියං පරිජානාතීති? නො.
(ක) යො චක්ඛුන්ද්‍රියං පරිජානාති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො චක්ඛුන්ද්‍රියං පරිජානාතීති?
සත්ත පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච චක්ඛුන්ද්‍රියං පරිජානන්ති. අග්ගමග්ගසමඞ්ගී අඤ්ඤාතාවින්ද්‍රියඤ්ච සච්ඡිකරිස්සති චක්ඛුන්ද්‍රියඤ්ච පරිජානාති. (චක්ඛුන්ද්‍රියමූලකං)
468. (ක) යො දොමනස්සින්ද්‍රියං පජහති සො අනඤ්ඤාතඤ්ඤස්සාමීතින්ද්‍රියං භාවෙස්සතීති? නො.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවෙස්සති සො දොමනස්සින්ද්‍රියං පජහතීති? නො.
(ක) යො දොමනස්සින්ද්‍රියං පජහති සො අඤ්ඤින්ද්‍රියං භාවෙස්සතීති? ආමන්තා.
(ඛ) යො වා පන අඤ්ඤින්ද්‍රියං භාවෙස්සති සො දොමනස්සින්ද්‍රියං පජහතීති?
ඡ පුග්ගලා අඤ්ඤින්ද්‍රියං භාවෙස්සන්ති, නො ච දොමනස්සින්ද්‍රියං පජහන්ති අනාගාමිමග්ගසමඞ්ගි අඤ්ඤින්ද්‍රියඤ්ච භාවෙස්සන්ති, දොමනස්සින්ද්‍රියඤ්ච පජහන්ති.
(ක) යො දොමනස්සින්ද්‍රියං පජහති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො දොමනස්සින්ද්‍රියං පජහතීති?
සත්ත පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච දොමනස්සින්ද්‍රියං පජහන්ති. අනාගාමිමග්ගසමඞ්ගී අඤ්ඤාතාවින්ද්‍රියඤ්ච සච්ඡිකරිස්සති දොමනස්සින්ද්‍රියඤ්ච පජහති. (දොමනස්සින්ද්‍රියමූලකං)
469. (ක) යො අනඤ්ඤාතඤ්ඤස්සාමීතින්ද්‍රියං භාවෙති සො අඤ්ඤින්ද්‍රියං භාවෙස්සතීති? ආමන්තා.
(ඛ) යො වා පන අඤ්ඤින්ද්‍රියං භාවෙස්සති සො අනඤ්ඤාතඤ්ඤස්සාමීතින්ද්‍රියං භාවෙතීති?
ඡ පුග්ගලා අඤ්ඤින්ද්‍රියං භාවෙස්සන්ති, නො ච අනඤ්ඤාතඤ්ඤස්සාමීතින්ද්‍රියං භාවෙන්ති. අට්ඨමකො අඤ්ඤින්ද්‍රියඤ්ච භාවෙස්සති අනඤ්ඤාතඤ්ඤස්සාමීතින්ද්‍රියඤ්ච භාවෙති.
(ක) යො අනඤ්ඤාතඤ්ඤස්සාමීතින්ද්‍රියං භාවෙති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො අනඤ්ඤාතඤ්ඤස්සාමීතින්ද්‍රියං භාවෙතීති?
සත්ත පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච අනඤ්ඤාතඤ්ඤස්සාමීතින්ද්‍රියං භාවෙන්ති. අට්ඨමකො අඤ්ඤාතාවින්ද්‍රියඤ්ච සච්ඡිකරිස්සති අනඤ්ඤාතඤ්ඤස්සාමීතින්ද්‍රියඤ්ච භාවෙති. (අනඤ්ඤාතඤ්ඤස්සාමීතින්ද්‍රියමූලකං)
470. (ක) යො අඤ්ඤින්ද්‍රියං භාවෙති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො අඤ්ඤින්ද්‍රියං භාවෙතීති?
පඤ්ච පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච අඤ්ඤින්ද්‍රියං භාවෙන්ති. තයො මග්ගසමඞ්ගිනො අඤ්ඤාතාවින්ද්‍රියඤ්ච සච්ඡිකරිස්සන්ති අඤ්ඤින්ද්‍රියඤ්ච භාවෙන්ති. (අඤ්ඤින්ද්‍රියමූලකං)
(ඛ) පච්චනීකං
471. (ක) යො චක්ඛුන්ද්‍රියං න පරිජානාති සො දොමනස්සින්ද්‍රියං නප්පජහිස්සතීති?
පඤ්ච පුග්ගලා චක්ඛුන්ද්‍රියං න පරිජානන්ති, නො ච දොමනස්සින්ද්‍රියං නප්පජහිස්සන්ති. චත්තාරො පුග්ගලා චක්ඛුන්ද්‍රියඤ්ච න පරිජානන්ති දොමනස්සින්ද්‍රියඤ්ච නප්පජහිස්සන්ති.
(ඛ) යො වා පන දොමනස්සින්ද්‍රියං නප්පජහිස්සති සො චක්ඛුන්ද්‍රියං න පරිජානාතීති?
අග්ගමග්ගසමඞ්ගී දොමනස්සින්ද්‍රියං නප්පජහිස්සති, නො ච චක්ඛුන්ද්‍රියං න පරිජානාති. චත්තාරො පුග්ගලා දොමනස්සින්ද්‍රියඤ්ච නප්පජහිස්සන්ති චක්ඛුන්ද්‍රියඤ්ච න පරිජානන්ති.
(ක) යො චක්ඛුන්ද්‍රියං න පරිජානාති සො අනඤ්ඤාතඤ්ඤස්සාමීතින්ද්‍රියං න භාවෙස්සතීති?
යෙ පුථුජ්ජනා මග්ගං පටිලභිස්සන්ති තෙ චක්ඛුන්ද්‍රියං න පරිජානන්ති, නො ච අනඤ්ඤාතඤ්ඤස්සාමීතින්ද්‍රියං න භාවෙස්සන්ති. අට්ඨ පුග්ගලා චක්ඛුන්ද්‍රියඤ්ච න පරිජානන්ති අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවෙස්සති සො චක්ඛුන්ද්‍රියං න පරිජානාතීති?
අග්ගමග්ගසමඞ්ගී අනඤ්ඤාතඤ්ඤස්සාමීතින්ද්‍රියං න භාවෙස්සති, නො ච චක්ඛුන්ද්‍රියං න පරිජානාති. අට්ඨ පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති චක්ඛුන්ද්‍රියඤ්ච න පරිජානන්ති.
(ක) යො චක්ඛුන්ද්‍රියං න පරිජානාති සො අඤ්ඤින්ද්‍රියං න භාවෙස්සතීති?
සත්ත පුග්ගලා චක්ඛුන්ද්‍රියං න පරිජානන්ති, නො ච අඤ්ඤින්ද්‍රියං න භාවෙස්සන්ති. ද්වෙ පුග්ගලා චක්ඛුන්ද්‍රියඤ්ච න පරිජානන්ති අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො චක්ඛුන්ද්‍රියං න පරිජානාතීති?
අග්ගමග්ගසමඞ්ගී අඤ්ඤින්ද්‍රියං න භාවෙස්සති, නො ච චක්ඛුන්ද්‍රියං න පරිජානාති. ද්වෙ පුග්ගලා අඤ්ඤින්ද්‍රියඤ්ච න භාවෙස්සන්ති චක්ඛුන්ද්‍රියඤ්ච න පරිජානන්ති.
(ක) යො චක්ඛුන්ද්‍රියං න පරිජානාති සො අඤ්ඤාතාවින්ද්‍රියං න සච්ඡිකරිස්සතීති?
සත්ත පුග්ගලා චක්ඛුන්ද්‍රියං න පරිජානන්ති, නො ච අඤ්ඤාතාවින්ද්‍රියං න සච්ඡිකරිස්සන්ති. ද්වෙ පුග්ගලා චක්ඛුන්ද්‍රියඤ්ච න පරිජානන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො චක්ඛුන්ද්‍රියං න පරිජානාතීති? ආමන්තා. (චක්ඛුන්ද්‍රියමූලකං)
472. (ක) යො දොමනස්සින්ද්‍රියං නප්පජහති සො අනඤ්ඤාතඤ්ඤස්සාමීතින්ද්‍රියං න භාවෙස්සතීති?
යෙ පුථුජ්ජනා මග්ගං පටිලභිස්සන්ති තෙ දොමනස්සින්ද්‍රියං නප්පජහන්ති, නො ච අනඤ්ඤාතඤ්ඤස්සාමීතින්ද්‍රියං න භාවෙස්සන්ති. අට්ඨ පුග්ගලා දොමනස්සින්ද්‍රියඤ්ච නප්පජහන්ති අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවෙස්සති සො දොමනස්සින්ද්‍රියං නප්පජහතීති?
අනාගාමිමග්ගසමඞ්ගී අනඤ්ඤාතඤ්ඤස්සාමීතින්ද්‍රියං න භාවෙස්සති, නො ච දොමනස්සින්ද්‍රියං නප්පජහති. අට්ඨ පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති දොමනස්සින්ද්‍රියඤ්ච නප්පජහන්ති.
(ක) යො දොමනස්සින්ද්‍රියං නප්පජහති සො අඤ්ඤින්ද්‍රියං න භාවෙස්සතීති?
ඡ පුග්ගලා දොමනස්සින්ද්‍රියං නප්පජහන්ති, නො ච අඤ්ඤින්ද්‍රියං න භාවෙස්සන්ති. තයො පුග්ගලා දොමනස්සින්ද්‍රියඤ්ච නප්පජහන්ති අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො දොමනස්සින්ද්‍රියං නප්පජහතීති? ආමන්තා.
(ක) යො දොමනස්සින්ද්‍රියං නප්පජහති සො අඤ්ඤාතාවින්ද්‍රියං න සච්ඡිකරිස්සතීති?
සත්ත පුග්ගලා දොමනස්සින්ද්‍රියං නප්පජහන්ති, නො ච අඤ්ඤාතාවින්ද්‍රියං න සච්ඡිකරිස්සන්ති. ද්වෙ පුග්ගලා දොමනස්සින්ද්‍රියඤ්ච නප්පජහන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො දොමනස්සින්ද්‍රියං නප්පජහතීති? ආමන්තා. (දොමනස්සින්ද්‍රියමූලකං)
473. (ක) යො අනඤ්ඤාතඤ්ඤස්සාමීතින්ද්‍රියං න භාවෙති සො අඤ්ඤින්ද්‍රියං න භාවෙස්සතීති?
ඡ පුග්ගලා අනඤ්ඤාතඤ්ඤස්සාමීතින්ද්‍රියං න භාවෙන්ති, නො ච අඤ්ඤින්ද්‍රියං න භාවෙස්සන්ති. තයො පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙන්ති අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො අනඤ්ඤාතඤ්ඤස්සාමීතින්ද්‍රියං න භාවෙතීති? ආමන්තා.
(ක) යො අනඤ්ඤාතඤ්ඤස්සාමීතින්ද්‍රියං න භාවෙති සො අඤ්ඤාතාවින්ද්‍රියං න සච්ඡිකරිස්සතීති?
සත්ත පුග්ගලා අනඤ්ඤාතඤ්ඤස්සාමීතින්ද්‍රියං න භාවෙන්ති, නො ච අඤ්ඤාතාවින්ද්‍රියං න සච්ඡිකරිස්සන්ති. ද්වෙ පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො අනඤ්ඤාතඤ්ඤස්සාමීතින්ද්‍රියං න භාවෙතීති? ආමන්තා. (අනඤ්ඤාතඤ්ඤස්සාමීතින්ද්‍රියමූලකං)
474. (ක) යො අඤ්ඤින්ද්‍රියං න භාවෙති සො අඤ්ඤාතාවින්ද්‍රියං න සච්ඡිකරිස්සතීති?
පඤ්ච පුග්ගලා අඤ්ඤින්ද්‍රියං න භාවෙන්ති, නො ච අඤ්ඤාතාවින්ද්‍රියං න සච්ඡිකරිස්සන්ති. ද්වෙ පුග්ගලා අඤ්ඤින්ද්‍රියඤ්ච න භාවෙන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො අඤ්ඤින්ද්‍රියං න භාවෙතීති? ආමන්තා. (අඤ්ඤින්ද්‍රියමූලකං)