6. අතීතානාගතවාරො
(ක) අනුලොමං
475. (ක) යො චක්ඛුන්ද්‍රියං පරිජානිත්ථ සො දොමනස්සින්ද්‍රියං පජහිස්සතීති? නො.
(ඛ) යො වා පන දොමනස්සින්ද්‍රියං පජහිස්සති සො චක්ඛුන්ද්‍රියං පරිජානිත්ථාති? නො.
(ක) යො චක්ඛුන්ද්‍රියං පරිජානිත්ථ සො අනඤ්ඤාතඤ්ඤස්සාමීතින්ද්‍රියං භාවෙස්සතීති? නො.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවෙස්සති සො චක්ඛුන්ද්‍රියං පරිජානිත්ථාති? නො.
(ක) යො චක්ඛුන්ද්‍රියං පරිජානිත්ථ සො අඤ්ඤින්ද්‍රියං භාවෙස්සතීති? නො.
(ඛ) යො වා පන අඤ්ඤින්ද්‍රියං භාවෙස්සති සො චක්ඛුන්ද්‍රියං පරිජානිත්ථාති? නො.
(ක) යො චක්ඛුන්ද්‍රියං පරිජානිත්ථ සො අඤ්ඤාතාවින්ද්‍රියං සච්ඡිකරිස්සතීති? නො.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො චක්ඛුන්ද්‍රියං පරිජානිත්ථාති? නො. (චක්ඛුන්ද්‍රියමූලකං)
476. (ක) යො දොමනස්සින්ද්‍රියං පජහිත්ථ සො අනඤ්ඤාතඤ්ඤස්සාමීතින්ද්‍රියං භාවෙස්සතීති? නො.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවෙස්සති සො දොමනස්සින්ද්‍රියං පජහිත්ථාති? නො.
(ක) යො දොමනස්සින්ද්‍රියං පජහිත්ථ සො අඤ්ඤින්ද්‍රියං භාවෙස්සතීති?
ද්වෙ පුග්ගලා දොමනස්සින්ද්‍රියං පජහිත්ථ, නො ච අඤ්ඤින්ද්‍රියං භාවෙස්සන්ති. අනාගාමී දොමනස්සින්ද්‍රියඤ්ච පජහිත්ථ අඤ්ඤින්ද්‍රියඤ්ච භාවෙස්සති.
(ඛ) යො වා පන අඤ්ඤින්ද්‍රියං භාවෙස්සති සො දොමනස්සින්ද්‍රියං පජහිත්ථාති?
ඡ පුග්ගලා අඤ්ඤින්ද්‍රියං භාවෙස්සන්ති, නො ච දොමනස්සින්ද්‍රියං පජහිත්ථ. අනාගාමී අඤ්ඤින්ද්‍රියඤ්ච භාවෙස්සති දොමනස්සින්ද්‍රියඤ්ච පජහිත්ථ.
(ක) යො දොමනස්සින්ද්‍රියං පජහිත්ථ සො අඤ්ඤාතාවින්ද්‍රියං සච්ඡිකරිස්සතීති?
අරහා දොමනස්සින්ද්‍රියං පජහිත්ථ, නො ච අඤ්ඤාතාවින්ද්‍රියං සච්ඡිකරිස්සති. ද්වෙ පුග්ගලා දොමනස්සින්ද්‍රියඤ්ච පජහිත්ථ අඤ්ඤාතාවින්ද්‍රියඤ්ච සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො දොමනස්සින්ද්‍රියං පජහිත්ථාති?
ඡ පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච දොමනස්සින්ද්‍රියං පජහිත්ථ. ද්වෙ පුග්ගලා අඤ්ඤාතාවින්ද්‍රියඤ්ච සච්ඡිකරිස්සන්ති දොමනස්සින්ද්‍රියඤ්ච පජහිත්ථ. (දොමනස්සින්ද්‍රියමූලකං)
477. (ක) යො අනඤ්ඤාතඤ්ඤස්සාමීතින්ද්‍රියං භාවිත්ථ සො අඤ්ඤින්ද්‍රියං භාවෙස්සතීති?
ද්වෙ පුග්ගලා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච අඤ්ඤින්ද්‍රියං භාවෙස්සන්ති. පඤ්ච පුග්ගලා අනඤ්ඤාතඤ්ඤස්සාමීතින්ද්‍රියඤ්ච භාවිත්ථ අඤ්ඤින්ද්‍රියඤ්ච භාවෙස්සන්ති.
(ඛ) යො වා පන අඤ්ඤින්ද්‍රියං භාවෙස්සති. සො අනඤ්ඤාතඤ්ඤස්සාමීතින්ද්‍රියං භාවිත්ථාති?
ද්වෙ පුග්ගලා අඤ්ඤින්ද්‍රියං භාවෙස්සන්ති නො ච අනඤ්ඤාතඤ්ඤස්සාමීතින්ද්‍රියං භාවිත්ථ. තයො පුග්ගලා අඤ්ඤින්ද්‍රියඤ්ච භාවෙස්සන්ති අනඤ්ඤාතඤ්ඤස්සාමීතින්ද්‍රියඤ්ච භාවිත්ථ.
(ක) යො අනඤ්ඤාතඤ්ඤස්සාමීතින්ද්‍රියං භාවිත්ථ සො අඤ්ඤාතාවින්ද්‍රියං සච්ඡිකරිස්සතීති?
අරහා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච අඤ්ඤාතාවින්ද්‍රියං සච්ඡිකරිස්සති. ඡ පුග්ගලා අනඤ්ඤාතඤ්ඤස්සාමීතින්ද්‍රියඤ්ච භාවිත්ථ අඤ්ඤාතාවින්ද්‍රියඤ්ච සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො අනඤ්ඤාතඤ්ඤස්සාමීතින්ද්‍රියං භාවිත්ථාති?
ද්වෙ පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච අනඤ්ඤාතඤ්ඤස්සාමීතින්ද්‍රියං භාවිත්ථ. ඡ පුග්ගලා අඤ්ඤාතාවින්ද්‍රියඤ්ච සච්ඡිකරිස්සන්ති අනඤ්ඤාතඤ්ඤස්සාමීතින්ද්‍රියඤ්ච භාවිත්ථ. (අනඤ්ඤාතඤ්ඤස්සාමීතින්ද්‍රියමූලකං)
478. (ක) යො අඤ්ඤින්ද්‍රියං භාවිත්ථ සො අඤ්ඤාතාවින්ද්‍රියං සච්ඡිකරිස්සතීති? නො.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො අඤ්ඤින්ද්‍රියං භාවිත්ථාති? නො. (අඤ්ඤින්ද්‍රියමූලකං)
(ඛ) පච්චනීකං
479. (ක) යො චක්ඛුන්ද්‍රියං න පරිජානිත්ථ සො දොමනස්සින්ද්‍රියං නප්පජහිස්සතීති?
පඤ්ච පුග්ගලා චක්ඛුන්ද්‍රියං න පරිජානිත්ථ, නො ච දොමනස්සින්ද්‍රියං නප්පජහිස්සන්ති. චත්තාරො පුග්ගලා චක්ඛුන්ද්‍රියඤ්ච න පරිජානිත්ථ දොමනස්සින්ද්‍රියඤ්ච නප්පජහිස්සන්ති.
(ඛ) යො වා පන දොමනස්සින්ද්‍රියං නප්පජහිස්සති සො චක්ඛුන්ද්‍රියං න පරිජානිත්ථාති?
අරහා දොමනස්සින්ද්‍රියං නප්පජහිස්සති, නො ච චක්ඛුන්ද්‍රියං න පරිජානිත්ථ. චත්තාරො පුග්ගලා දොමනස්සින්ද්‍රියඤ්ච නප්පජහිස්සන්ති චක්ඛුන්ද්‍රියඤ්ච න පරිජානිත්ථ.
(ක) යො චක්ඛුන්ද්‍රියං න පරිජානිත්ථ සො අනඤ්ඤාතඤ්ඤස්සාමීතින්ද්‍රියං න භාවෙස්සතීති?
යෙ පුථුජ්ජනා මග්ගං පටිලභිස්සන්ති තෙ චක්ඛුන්ද්‍රියං න පරිජානිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවෙස්සන්ති. අට්ඨ පුග්ගලා චක්ඛුන්ද්‍රියඤ්ච න පරිජානිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවෙස්සති සො චක්ඛුන්ද්‍රියං න පරිජානිත්ථාති?
අරහා අනඤ්ඤාතඤ්ඤස්සාමීතින්ද්‍රියං න භාවෙස්සති, නො ච චක්ඛුන්ද්‍රියං න පරිජානිත්ථ. අට්ඨ පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති චක්ඛුන්ද්‍රියඤ්ච න පරිජානිත්ථ.
(ක) යො චක්ඛුන්ද්‍රියං න පරිජානිත්ථ සො අඤ්ඤින්ද්‍රියං න භාවෙස්සතීති?
සත්ත පුග්ගලා චක්ඛුන්ද්‍රියං න පරිජානිත්ථ, නො ච අඤ්ඤින්ද්‍රියං න භාවෙස්සන්ති. ද්වෙ පුග්ගලා චක්ඛුන්ද්‍රියඤ්ච න පරිජානිත්ථ අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො චක්ඛුන්ද්‍රියං න පරිජානිත්ථාති?
අරහා අඤ්ඤින්ද්‍රියං න භාවෙස්සති, නො ච චක්ඛුන්ද්‍රියං න පරිජානිත්ථ. ද්වෙ පුග්ගලා අඤ්ඤින්ද්‍රියඤ්ච න භාවෙස්සන්ති චක්ඛුන්ද්‍රියඤ්ච න පරිජානිත්ථ.
(ක) යො චක්ඛුන්ද්‍රියං න පරිජානිත්ථ සො අඤ්ඤාතාවින්ද්‍රියං න සච්ඡිකරිස්සතීති?
අට්ඨ පුග්ගලා චක්ඛුන්ද්‍රියං න පරිජානිත්ථ, නො ච අඤ්ඤාතාවින්ද්‍රියං න සච්ඡිකරිස්සන්ති. යෙ පුථුජ්ජනා මග්ගං න පටිලභිස්සන්ති තෙ චක්ඛුන්ද්‍රියඤ්ච න පරිජානිත්ථ අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො චක්ඛුන්ද්‍රියං න පරිජානිත්ථාති?
අරහා අඤ්ඤාතාවින්ද්‍රියං න සච්ඡිකරිස්සති, නො ච චක්ඛුන්ද්‍රියං න පරිජානිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤාතාවින්ද්‍රියඤ්ච න සච්ඡිකරිස්සන්ති චක්ඛුන්ද්‍රියඤ්ච න පරිජානිත්ථ. (චක්ඛුන්ද්‍රියමූලකං)
480. (ක) යො දොමනස්සින්ද්‍රියං නප්පජහිත්ථ සො අනඤ්ඤාතඤ්ඤස්සාමීතින්ද්‍රියං න භාවෙස්සතීති?
යෙ පුථුජ්ජනා මග්ගං පටිලභිස්සන්ති තෙ දොමනස්සින්ද්‍රියං නප්පජහිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවෙස්සන්ති. ඡ පුග්ගලා දොමනස්සින්ද්‍රියඤ්ච නප්පජහිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවෙස්සති සො දොමනස්සින්ද්‍රියං නප්පජහිත්ථාති?
තයො පුග්ගලා අනඤ්ඤාතඤ්ඤස්සාමීතින්ද්‍රියං න භාවෙස්සන්ති, නො ච දොමනස්සින්ද්‍රියං නප්පජහිත්ථ. ඡ පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති දොමනස්සින්ද්‍රියඤ්ච නප්පජහිත්ථ.
(ක) යො දොමනස්සින්ද්‍රියං නප්පජහිත්ථ සො අඤ්ඤින්ද්‍රියං න භාවෙස්සතීති?
ඡ පුග්ගලා දොමනස්සින්ද්‍රියං නප්පජහිත්ථ, නො ච අඤ්ඤින්ද්‍රියං න භාවෙස්සන්ති. යෙ පුථුජ්ජනා මග්ගං න පටිලභිස්සන්ති තෙ දොමනස්සින්ද්‍රියඤ්ච නප්පජහිත්ථ අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො දොමනස්සින්ද්‍රියං නප්පජහිත්ථාති?
ද්වෙ පුග්ගලා අඤ්ඤින්ද්‍රියං න භාවෙස්සන්ති, නො ච දොමනස්සින්ද්‍රියං නප්පජහිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤින්ද්‍රියඤ්ච න භාවෙස්සන්ති දොමනස්සින්ද්‍රියඤ්ච නප්පජහිත්ථ.
(ක) යො දොමනස්සින්ද්‍රියං නප්පජ්ජහිත්ථ සො අඤ්ඤාතාවින්ද්‍රියං න සච්ඡිකරිස්සතීති?
ඡ පුග්ගලා දොමනස්සින්ද්‍රියං නප්පජහිත්ථ, නො ච අඤ්ඤාතාවින්ද්‍රියං න සච්ඡිකරිස්සන්ති. යෙ පුථුජ්ජනා මග්ගං න පටිලභිස්සන්ති තෙ දොමනස්සින්ද්‍රියඤ්ච නප්පජහිත්ථ අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො දොමනස්සින්ද්‍රියං නප්පජහිත්ථාති?
අරහා අඤ්ඤාතාවින්ද්‍රියං න සච්ඡිකරිස්සති, නො ච දොමනස්සින්ද්‍රියං නප්පජහිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤාතාවින්ද්‍රියඤ්ච න සච්ඡිකරිස්සන්ති දොමනස්සින්ද්‍රියඤ්ච නප්පජහිත්ථ. (දොමනස්සින්ද්‍රියමූලකං)
481. (ක) යො අනඤ්ඤාතඤ්ඤස්සාමීතින්ද්‍රියං න භාවිත්ථ සො අඤ්ඤින්ද්‍රියං න භාවෙස්සතීති?
ද්වෙ පුග්ගලා අනඤ්ඤාතඤ්ඤස්සාමීතින්ද්‍රියං න භාවිත්ථ, නො ච අඤ්ඤින්ද්‍රියං න භාවෙස්සන්ති. යෙ පුථුජ්ජනා මග්ගං න පටිලභිස්සන්ති තෙ අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
ද්වෙ පුග්ගලා අඤ්ඤින්ද්‍රියං න භාවෙස්සන්ති, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤින්ද්‍රියඤ්ච න භාවෙස්සන්ති අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ.
(ක) යො අනඤ්ඤාතඤ්ඤස්සාමීතින්ද්‍රියං න භාවිත්ථ සො අඤ්ඤාතාවින්ද්‍රියං න සච්ඡිකරිස්සතීති?
ද්වෙ පුග්ගලා අනඤ්ඤාතඤ්ඤස්සාමීතින්ද්‍රියං න භාවිත්ථ, නො ච අඤ්ඤාතාවින්ද්‍රියං න සච්ඡිකරිස්සන්ති. යෙ පුථුජ්ජනා මග්ගං න පටිලභිස්සන්ති තෙ අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
අරහා අඤ්ඤාතාවින්ද්‍රියං න සච්ඡිකරිස්සති, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤාතාවින්ද්‍රියඤ්ච න සච්ඡිකරිස්සන්ති අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ. (අනඤ්ඤාතඤ්ඤස්සාමීතින්ද්‍රියමූලකං)
482. (ක) යො අඤ්ඤින්ද්‍රියං න භාවිත්ථ සො අඤ්ඤාතාවින්ද්‍රියං න සච්ඡිකරිස්සතීති?
අට්ඨ පුග්ගලා අඤ්ඤින්ද්‍රියං න භාවිත්ථ, නො ච අඤ්ඤාතාවින්ද්‍රියං න සච්ඡිකරිස්සන්ති. යෙ පුථුජ්ජනා මග්ගං න පටිලභිස්සන්ති තෙ අඤ්ඤින්ද්‍රියඤ්ච න භාවිත්ථ අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො අඤ්ඤින්ද්‍රියං න භාවිත්ථාති?
අරහා අඤ්ඤාතාවින්ද්‍රියං න සච්ඡිකරිස්සති, නො ච අඤ්ඤින්ද්‍රියං න භාවිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤාතාවින්ද්‍රියඤ්ච න සච්ඡිකරිස්සන්ති අඤ්ඤින්ද්‍රියඤ්ච න භාවිත්ථ. (අඤ්ඤින්ද්‍රියමූලකං).
පරිඤ්ඤාවාරො.
ඉන්ද්‍රියයමකං නිට්ඨිතං.
යමකපකරණං නිට්ඨිතං.