4. පච්චුප්පන්නාතීතවාරො
(ක) අනුලොමං
459. (ක) යො චක්ඛුන්ද්‍රියං පරිජානාති සො දොමනස්සින්ද්‍රියං පජහිත්ථාති? ආමන්තා.
(ඛ) යො වා පන දොමනස්සින්ද්‍රියං පජහිත්ථ සො චක්ඛුන්ද්‍රියං පරිජානාතීති?
ද්වෙ පුග්ගලා දොමනස්සින්ද්‍රියං පජහිත්ථ, නො ච චක්ඛුන්ද්‍රියං පරිජානන්ති. අග්ගමග්ගසමඞ්ගී දොමනස්සින්ද්‍රියඤ්ච පජහිත්ථ චක්ඛුන්ද්‍රියඤ්ච පරිජානන්ති.
(ක) යො චක්ඛුන්ද්‍රියං පරිජානාති සො අනඤ්ඤාතඤ්ඤස්සාමීතින්ද්‍රියං භාවිත්ථාති? ආමන්තා.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවිත්ථ සො චක්ඛුන්ද්‍රියං පරිජානාතීති?
ඡ පුග්ගලා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච චක්ඛුන්ද්‍රියං පරිජානන්ති. අග්ගමග්ගසමඞ්ගී අනඤ්ඤාතඤ්ඤස්සාමීතින්ද්‍රියඤ්ච භාවිත්ථ චක්ඛුන්ද්‍රියඤ්ච පරිජානාති.
(ක) යො චක්ඛුන්ද්‍රියං පරිජානාති සො අඤ්ඤින්ද්‍රියං භාවිත්ථාති? නො.
(ඛ) යො වා පන අඤ්ඤින්ද්‍රියං භාවිත්ථ සො චක්ඛුන්ද්‍රියං පරිජානාතීති? නො.
(ක) යො චක්ඛුන්ද්‍රියං පරිජානාති සො අඤ්ඤාතාවින්ද්‍රියං සච්ඡිකරිත්ථාති? නො.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො චක්ඛුන්ද්‍රියං පරිජානාතීති? නො. (චක්ඛුන්ද්‍රියමූලකං)
460. (ක) යො දොමනස්සින්ද්‍රියං පජහති සො අනඤ්ඤාතඤ්ඤස්සාමීතින්ද්‍රියං භාවිත්ථාති? ආමන්තා.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවිත්ථ සො දොමනස්සින්ද්‍රියං පජහතීති?
ඡ පුග්ගලා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච දොමනස්සින්ද්‍රියං පජහන්ති. අනාගාමිමග්ගසමඞ්ගී අනඤ්ඤාතඤ්ඤස්සාමීතින්ද්‍රියඤ්ච භාවිත්ථ දොමනස්සින්ද්‍රියඤ්ච පජහති.
(ක) යො දොමනස්සින්ද්‍රියං පජහති සො අඤ්ඤින්ද්‍රියං භාවිත්ථාති? නො.
(ඛ) යො වා පන අඤ්ඤින්ද්‍රියං භාවිත්ථ සො දොමනස්සින්ද්‍රියං පජහතීති? නො.
(ක) යො දොමනස්සින්ද්‍රියං පජහති සො අඤ්ඤාතාවින්ද්‍රියං සච්ඡිකරිත්ථාති? නො.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො දොමනස්සින්ද්‍රියං පජහතීති? නො. (දොමනස්සින්ද්‍රියමූලකං)
461. (ක) යො අනඤ්ඤාතඤ්ඤස්සාමීතින්ද්‍රියං භාවෙති සො අඤ්ඤින්ද්‍රියං භාවිත්ථාති? නො.
(ඛ) යො වා පන අඤ්ඤින්ද්‍රියං භාවිත්ථ සො අනඤ්ඤාතඤ්ඤස්සාමීතින්ද්‍රියං භාවෙතීති? නො.
(ක) යො අනඤ්ඤාතඤ්ඤස්සාමීතින්ද්‍රියං භාවෙති සො අඤ්ඤාතාවින්ද්‍රියං සච්ඡිකරිත්ථාති? නො.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො අනඤ්ඤාතඤ්ඤස්සාමීතින්ද්‍රියං භාවෙතීති? නො. (අනඤ්ඤාතඤ්ඤස්සාමීතින්ද්‍රියමූලකං)
462. (ක) යො අඤ්ඤින්ද්‍රියං භාවෙති සො අඤ්ඤාතාවින්ද්‍රියං සච්ඡිකරිත්ථාති? නො.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො අඤ්ඤින්ද්‍රියං භාවෙතීති? නො. (අඤ්ඤින්ද්‍රියමූලකං)
(ඛ) පච්චනීකං
463. (ක) යො චක්ඛුන්ද්‍රියං න පරිජානාති සො දොමනස්සින්ද්‍රියං නප්පජහිත්ථාති?
ද්වෙ පුග්ගලා චක්ඛුන්ද්‍රියං න පරිජානන්ති, නො ච දොමනස්සින්ද්‍රියං නප්පජහිත්ථ. ඡ පුග්ගලා චක්ඛුන්ද්‍රියඤ්ච න පරිජානන්ති දොමනස්සින්ද්‍රියඤ්ච නප්පජහිත්ථ.
(ඛ) යො වා පන දොමනස්සින්ද්‍රියං නප්පජහිත්ථ සො චක්ඛුන්ද්‍රියං න පරිජානාතීති? ආමන්තා.
(ක) යො චක්ඛුන්ද්‍රියං න පරිජානාති සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
ඡ පුග්ගලා චක්ඛුන්ද්‍රියං න පරිජානන්ති, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. ද්වෙ පුග්ගලා චක්ඛුන්ද්‍රියඤ්ච න පරිජානන්ති අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවිත්ථ සො චක්ඛුන්ද්‍රියං න පරිජානාතීති? ආමන්තා.
(ක) යො චක්ඛුන්ද්‍රියං න පරිජානාති සො අඤ්ඤින්ද්‍රියං න භාවිත්ථාති?
අරහා චක්ඛුන්ද්‍රියං න පරිජානාති, නො ච අඤ්ඤින්ද්‍රියං න භාවිත්ථ. සත්ත පුග්ගලා චක්ඛුන්ද්‍රියඤ්ච න පරිජානන්ති අඤ්ඤින්ද්‍රියඤ්ච න භාවිත්ථ.
(ඛ) යො වා පන අඤ්ඤින්ද්‍රියං න භාවිත්ථ සො චක්ඛුන්ද්‍රියං න පරිජානාතීති?
අග්ගමග්ගසමඞ්ගී අඤ්ඤින්ද්‍රියං න භාවිත්ථ, නො ච චක්ඛුන්ද්‍රියං න පරිජානාති. සත්ත පුග්ගලා අඤ්ඤින්ද්‍රියඤ්ච න භාවිත්ථ චක්ඛුන්ද්‍රියඤ්ච න පරිජානන්ති.
(ක) යො චක්ඛුන්ද්‍රියං න පරිජානාති සො අඤ්ඤාතාවින්ද්‍රියං න සච්ඡිකරිත්ථාති?
අරහා චක්ඛුන්ද්‍රියං න පරිජානාති, නො ච අඤ්ඤාතාවින්ද්‍රියං න සච්ඡිකරිත්ථ. අට්ඨ පුග්ගලා චක්ඛුන්ද්‍රියඤ්ච න පරිජානන්ති අඤ්ඤාතාවින්ද්‍රියඤ්ච න සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො චක්ඛුන්ද්‍රියං න පරිජානාතීති?
අග්ගමග්ගසමඞ්ගී අඤ්ඤාතාවින්ද්‍රියං න සච්ඡිකරිත්ථ, නො ච චක්ඛුන්ද්‍රියං න පරිජානාති. අට්ඨ පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ චක්ඛුන්ද්‍රියඤ්ච න පරිජානන්ති. (චක්ඛුන්ද්‍රියමූලකං)
464. (ක) යො දොමනස්සින්ද්‍රියං නප්පජහති සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
ඡ පුග්ගලා දොමනස්සින්ද්‍රියං නප්පජහන්ති, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. ද්වෙ පුග්ගලා දොමනස්සින්ද්‍රියඤ්ච නප්පජහන්ති අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවිත්ථ සො දොමනස්සින්ද්‍රියං නප්පජහතීති? ආමන්තා.
(ක) යො දොමනස්සින්ද්‍රියං නප්පජහති සො අඤ්ඤින්ද්‍රියං න භාවිත්ථාති?
අරහා දොමනස්සින්ද්‍රියං නප්පජහති, නො ච අඤ්ඤින්ද්‍රියං න භාවිත්ථ. සත්ත පුග්ගලා දොමනස්සින්ද්‍රියඤ්ච නප්පජහන්ති අඤ්ඤින්ද්‍රියඤ්ච න භාවිත්ථ.
(ඛ) යො වා පන අඤ්ඤින්ද්‍රියං න භාවිත්ථ සො දොමනස්සින්ද්‍රියං නප්පජහතීති?
අනාගාමිමග්ගසමඞ්ගී අඤ්ඤින්ද්‍රියං න භාවිත්ථ, නො ච දොමනස්සින්ද්‍රියං නප්පජහති. සත්ත පුග්ගලා අඤ්ඤින්ද්‍රියඤ්ච න භාවිත්ථ දොමනස්සින්ද්‍රියඤ්ච නප්පජහන්ති.
(ක) යො දොමනස්සින්ද්‍රියං නප්පජහති සො අඤ්ඤාතාවින්ද්‍රියං න සච්ඡිකරිත්ථාති?
අරහා දොමනස්සින්ද්‍රියං නප්පජහති, නො ච අඤ්ඤාතාවින්ද්‍රියං න සච්ඡිකරිත්ථ. අට්ඨ පුග්ගලා දොමනස්සින්ද්‍රියඤ්ච නප්පජහන්ති අඤ්ඤාතාවින්ද්‍රියඤ්ච න සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො දොමනස්සින්ද්‍රියං නප්පජහතීති?
අනාගාමිමග්ගසමඞ්ගී අඤ්ඤාතාවින්ද්‍රියං න සච්ඡිකරිත්ථ, නො ච දොමනස්සින්ද්‍රියං නප්පජහති. අට්ඨ පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ දොමනස්සින්ද්‍රියඤ්ච නප්පජහන්ති. (දොමනස්සින්ද්‍රියමූලකං)
465. (ක) යො අනඤ්ඤාතඤ්ඤස්සාමීතින්ද්‍රියං න භාවෙති සො අඤ්ඤින්ද්‍රියං න භාවිත්ථාති?
අරහා අනඤ්ඤාතඤ්ඤස්සාමීතින්ද්‍රියං න භාවෙති, නො ච අඤ්ඤින්ද්‍රියං න භාවිත්ථ. සත්ත පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙන්ති අඤ්ඤින්ද්‍රියඤ්ච න භාවිත්ථ.
(ඛ) යො වා පන අඤ්ඤින්ද්‍රියං න භාවිත්ථ සො අනඤ්ඤාතඤ්ඤස්සාමීතින්ද්‍රියං න භාවෙතීති?
අට්ඨමකො අඤ්ඤින්ද්‍රියං න භාවිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවෙති. සත්ත පුග්ගලා අඤ්ඤින්ද්‍රියඤ්ච න භාවිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවෙන්ති.
(ක) යො අනඤ්ඤාතඤ්ඤස්සාමීතින්ද්‍රියං න භාවෙති සො අඤ්ඤාතාවින්ද්‍රියං න සච්ඡිකරිත්ථාති?
අරහා අනඤ්ඤාතඤ්ඤස්සාමීතින්ද්‍රියං න භාවෙති, නො ච අඤ්ඤාතාවින්ද්‍රියං න සච්ඡිකරිත්ථ. අට්ඨ [සත්ත (සී. ස්‍යා. ක.)] පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙන්ති අඤ්ඤාතාවින්ද්‍රියඤ්ච න සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො අනඤ්ඤාතඤ්ඤස්සාමීතින්ද්‍රියං න භාවෙතීති?
අට්ඨමකො අඤ්ඤාතාවින්ද්‍රියං න සච්ඡිකරිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවෙති. අට්ඨ පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවෙන්ති. (අනඤ්ඤාතඤ්ඤස්සාමීතින්ද්‍රියමූලකං)
466. (ක) යො අඤ්ඤින්ද්‍රියං න භාවෙති සො අඤ්ඤාතාවින්ද්‍රියං න සච්ඡිකරිත්ථාති?
අරහා අඤ්ඤින්ද්‍රියං න භාවෙති, නො ච අඤ්ඤාතාවින්ද්‍රියං න සච්ඡිකරිත්ථ. ඡ [පඤ්ච (සී. ස්‍යා. ක.)] පුග්ගලා අඤ්ඤින්ද්‍රියඤ්ච න භාවෙන්ති අඤ්ඤාතාවින්ද්‍රියඤ්ච න සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො අඤ්ඤින්ද්‍රියං න භාවෙතීති?
තයො මග්ගසමඞ්ගිනො අඤ්ඤාතාවින්ද්‍රියං න සච්ඡිකරිත්ථ, නො ච අඤ්ඤින්ද්‍රියං න භාවෙන්ති. ඡ [පඤ්ච (සී. ස්‍යා. ක.)] පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ අඤ්ඤින්ද්‍රියඤ්ච න භාවෙන්ති. (අඤ්ඤින්ද්‍රියමූලකං)