3. අනාගතවාරො
(ක) අනුලොමං
451. (ක) යො චක්ඛුන්ද්‍රියං පරිජානිස්සති සො දොමනස්සින්ද්‍රියං පජහිස්සතීති?
ද්වෙ පුග්ගලා චක්ඛුන්ද්‍රියං පරිජානිස්සන්ති, නො ච දොමනස්සින්ද්‍රියං පජහිස්සන්ති. පඤ්ච පුග්ගලා චක්ඛුන්ද්‍රියඤ්ච පරිජානිස්සන්ති දොමනස්සින්ද්‍රියඤ්ච පජහිස්සන්ති.
(ඛ) යො වා පන දොමනස්සින්ද්‍රියං පජහිස්සති සො චක්ඛුන්ද්‍රියං පරිජානිස්සතීති? ආමන්තා.
(ක) යො චක්ඛුන්ද්‍රියං පරිජානිස්සති සො අනඤ්ඤාතඤ්ඤස්සාමීතින්ද්‍රියං භාවෙස්සතීති?
ඡ පුග්ගලා චක්ඛුන්ද්‍රියං පරිජානිස්සන්ති, නො ච අනඤ්ඤාතඤ්ඤස්සාමීතින්ද්‍රියං භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ චක්ඛුන්ද්‍රියඤ්ච පරිජානිස්සන්ති අනඤ්ඤාතඤ්ඤස්සාමීතින්ද්‍රියඤ්ච භාවෙස්සන්ති.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවෙස්සති සො චක්ඛුන්ද්‍රියං පරිජානිස්සතීති? ආමන්තා.
(ක) යො චක්ඛුන්ද්‍රියං පරිජානිස්සති සො අඤ්ඤින්ද්‍රියං භාවෙස්සතීති? ආමන්තා.
(ඛ) යො වා පන අඤ්ඤින්ද්‍රියං භාවෙස්සති සො චක්ඛුන්ද්‍රියං පරිජානිස්සතීති? ආමන්තා.
(ක) යො චක්ඛුන්ද්‍රියං පරිජානිස්සති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො චක්ඛුන්ද්‍රියං පරිජානිස්සතීති?
අග්ගමග්ගසමඞ්ගී අඤ්ඤාතාවින්ද්‍රියං සච්ඡිකරිස්සති, නො ච චක්ඛුන්ද්‍රියං පරිජානිස්සති. සත්ත පුග්ගලා අඤ්ඤාතාවින්ද්‍රියඤ්ච සච්ඡිකරිස්සන්ති චක්ඛුන්ද්‍රියඤ්ච පරිජානිස්සන්ති. (චක්ඛුන්ද්‍රියමූලකං)
452. (ක) යො දොමනස්සින්ද්‍රියං පජහිස්සති සො අනඤ්ඤාතඤ්ඤස්සාමීතින්ද්‍රියං භාවෙස්සතීති?
චත්තාරො පුග්ගලා දොමනස්සින්ද්‍රියං පජහිස්සන්ති, නො ච අනඤ්ඤාතඤ්ඤස්සාමීතින්ද්‍රියං භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ දොමනස්සින්ද්‍රියඤ්ච පජහිස්සන්ති අනඤ්ඤාතඤ්ඤස්සාමීතින්ද්‍රියඤ්ච භාවෙස්සන්ති.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවෙස්සති සො දොමනස්සින්ද්‍රියං පජහිස්සතීති? ආමන්තා.
(ක) යො දොමනස්සින්ද්‍රියං පජහිස්සති සො අඤ්ඤින්ද්‍රියං භාවෙස්සතීති? ආමන්තා.
(ඛ) යො වා පන අඤ්ඤින්ද්‍රියං භාවෙස්සති සො දොමනස්සින්ද්‍රියං පජහිස්සතීති?
ද්වෙ පුග්ගලා අඤ්ඤින්ද්‍රියං භාවෙස්සන්ති නො ච දොමනස්සින්ද්‍රියං පජහිස්සන්ති, පඤ්ච පුග්ගලා අඤ්ඤින්ද්‍රියඤ්ච භවිස්සන්ති දොමනස්සින්ද්‍රියඤ්ච පජහිස්සන්ති.
(ක) යො දොමනස්සින්ද්‍රියං පජහිස්සති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො දොමනස්සින්ද්‍රියං පජහිස්සතීති?
තයො පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච දොමනස්සින්ද්‍රියං පජහිස්සන්ති. පඤ්ච පුග්ගලා අඤ්ඤාතාවින්ද්‍රියඤ්ච සච්ඡිකරිස්සන්ති දොමනස්සින්ද්‍රියඤ්ච පජහිස්සන්ති. (දොමනස්සින්ද්‍රියමූලකං)
453. (ක) යො අනඤ්ඤාතඤ්ඤස්සාමීතින්ද්‍රියං භාවෙස්සති සො අඤ්ඤින්ද්‍රියං භාවෙස්සතීති? ආමන්තා.
(ඛ) යො වා පන අඤ්ඤින්ද්‍රියං භාවෙස්සති සො අනඤ්ඤාතඤ්ඤස්සාමීතින්ද්‍රියං භාවෙස්සතීති?
ඡ පුග්ගලා අඤ්ඤින්ද්‍රියං භාවෙස්සන්ති, නො ච අනඤ්ඤාතඤ්ඤස්සාමීතින්ද්‍රියං භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ අඤ්ඤින්ද්‍රියඤ්ච භාවෙස්සන්ති අනඤ්ඤාතඤ්ඤස්සාමීතින්ද්‍රියඤ්ච භාවෙස්සන්ති.
(ක) යො අනඤ්ඤාතඤ්ඤස්සාමීතින්ද්‍රියං භාවෙස්සති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො අනඤ්ඤාතඤ්ඤස්සාමීතින්ද්‍රියං භාවෙස්සතීති?
සත්ත පුග්ගලා අඤ්ඤාතාවින්ද්‍රියං සච්ඡිකරිස්සන්ති, නො ච අනඤ්ඤාතඤ්ඤස්සාමීතින්ද්‍රියං භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ අඤ්ඤාතාවින්ද්‍රියඤ්ච සච්ඡිකරිස්සන්ති අනඤ්ඤාතඤ්ඤස්සාමීතින්ද්‍රියඤ්ච භාවෙස්සන්ති. (අනඤ්ඤාතඤ්ඤස්සාමීතින්ද්‍රියමූලකං)
454. (ක) යො අඤ්ඤින්ද්‍රියං භාවෙස්සති සො අඤ්ඤාතාවින්ද්‍රියං සච්ඡිකරිස්සතීති? ආමන්තා.
(ඛ) යො වා පන අඤ්ඤාතාවින්ද්‍රියං සච්ඡිකරිස්සති සො අඤ්ඤින්ද්‍රියං භාවෙස්සතීති?
අග්ගමග්ගසමඞ්ගී අඤ්ඤාතාවින්ද්‍රියං සච්ඡිකරිස්සන්ති, නො ච අඤ්ඤින්ද්‍රියං භාවෙස්සන්ති. සත්ත පුග්ගලා අඤ්ඤාතාවින්ද්‍රියඤ්ච සච්ඡිකරිස්සන්ති අඤ්ඤින්ද්‍රියඤ්ච භාවෙස්සන්ති. (අඤ්ඤින්ද්‍රියමූලකං)
(ඛ) පච්චනීකං
455. (ක) යො චක්ඛුන්ද්‍රියං න පරිජානිස්සති සො දොමනස්සින්ද්‍රියං නප්පජහිස්සතීති? ආමන්තා.
(ඛ) යො වා පන දොමනස්සින්ද්‍රියං නප්පජහිස්සති සො චක්ඛුන්ද්‍රියං න පරිජානිස්සතීති?
ද්වෙ පුග්ගලා දොමනස්සින්ද්‍රියං නප්පජහිස්සන්ති, නො ච චක්ඛුන්ද්‍රියං න පරිජානිස්සන්ති. තයො පුග්ගලා දොමනස්සින්ද්‍රියඤ්ච නප්පජහිස්සන්ති චක්ඛුන්ද්‍රියඤ්ච න පරිජානිස්සන්ති.
(ක) යො චක්ඛුන්ද්‍රියං න පරිජානිස්සති සො අනඤ්ඤාතඤ්ඤස්සාමීතින්ද්‍රියං න භාවෙස්සතීති. ආමන්තා.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවෙස්සති සො චක්ඛුන්ද්‍රියං න පරිජානිස්සතීති.
ඡ පුග්ගලා අනඤ්ඤාතඤ්ඤස්සාමීතින්ද්‍රියං න භාවෙස්සන්ති, නො ච චක්ඛුන්ද්‍රියං න පරිජානිස්සන්ති. තයො පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති චක්ඛුන්ද්‍රියඤ්ච න පරිජානිස්සන්ති.
(ක) යො චක්ඛුන්ද්‍රියං න පරිජානිස්සති සො අඤ්ඤින්ද්‍රියං න භාවෙස්සතීති? ආමන්තා.
(ඛ) යො වා පන අඤ්ඤින්ද්‍රියං න භාවෙස්සති සො චක්ඛුන්ද්‍රියං න පරිජානිස්සතීති? ආමන්තා.
(ක) යො චක්ඛුන්ද්‍රියං න පරිජානිස්සති සො අඤ්ඤාතාවින්ද්‍රියං න සච්ඡිකරිස්සතීති?
අග්ගමග්ගසමඞ්ගී චක්ඛුන්ද්‍රියං න පරිජානිස්සති, නො ච අඤ්ඤාතාවින්ද්‍රියං න සච්ඡිකරිස්සති. ද්වෙ පුග්ගලා චක්ඛුන්ද්‍රියඤ්ච න පරිජානිස්සන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො චක්ඛුන්ද්‍රියං න පරිජානිස්සතීති? ආමන්තා. (චක්ඛුන්ද්‍රියමූලකං)
456. (ක) යො දොමනස්සින්ද්‍රියං නප්පජහිස්සති සො අනඤ්ඤාතඤ්ඤස්සාමීතින්ද්‍රියං න භාවෙස්සතීති? ආමන්තා.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවෙස්සති සො දොමනස්සින්ද්‍රියං නප්පජහිස්සතීති?
චත්තාරො පුග්ගලා අනඤ්ඤාතඤ්ඤස්සාමීතින්ද්‍රියං න භාවෙස්සන්ති, නො ච දොමනස්සින්ද්‍රියං නප්පජහිස්සන්ති. පඤ්ච පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති දොමනස්සින්ද්‍රියඤ්ච නප්පජහිස්සන්ති.
(ක) යො දොමනස්සින්ද්‍රියං නප්පජහිස්සති සො අඤ්ඤින්ද්‍රියං න භාවෙස්සතීති?
ද්වෙ පුග්ගලා දොමනස්සින්ද්‍රියං නප්පජහිස්සන්ති, නො ච අඤ්ඤින්ද්‍රියං න භාවෙස්සන්ති. තයො පුග්ගලා දොමනස්සින්ද්‍රියඤ්ච නප්පජහිස්සන්ති අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො දොමනස්සින්ද්‍රියං නප්පජහිස්සතීති? ආමන්තා.
(ක) යො දොමනස්සින්ද්‍රියං නප්පජහිස්සති සො අඤ්ඤාතාවින්ද්‍රියං න සච්ඡිකරිස්සතීති?
තයො පුග්ගලා දොමනස්සින්ද්‍රියං නප්පජහිස්සන්ති, නො ච අඤ්ඤාතාවින්ද්‍රියං න සච්ඡිකරිස්සන්ති. ද්වෙ පුග්ගලා දොමනස්සින්ද්‍රියඤ්ච නප්පජහිස්සන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො දොමනස්සින්ද්‍රියං නප්පජහිස්සතීති? ආමන්තා. (දොමනස්සින්ද්‍රියමූලකං)
457. (ක) යො අනඤ්ඤාතඤ්ඤස්සාමීතින්ද්‍රියං න භාවෙස්සති සො අඤ්ඤින්ද්‍රියං න භාවෙස්සතීති?
ඡ පුග්ගලා අනඤ්ඤාතඤ්ඤස්සාමීතින්ද්‍රියං න භාවෙස්සන්ති, නො ච අඤ්ඤින්ද්‍රියං න භාවෙස්සන්ති. තයො පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති අඤ්ඤින්ද්‍රියඤ්ච න භාවෙස්සන්ති.
(ඛ) යො වා පන අඤ්ඤින්ද්‍රියං න භාවෙස්සති සො අනඤ්ඤාතඤ්ඤස්සාමීතින්ද්‍රියං න භාවෙස්සතීති? ආමන්තා.
(ක) යො අනඤ්ඤාතඤ්ඤස්සාමීතින්ද්‍රියං න භාවෙස්සති සො අඤ්ඤාතාවින්ද්‍රියං න සච්ඡිකරිස්සතීති?
සත්ත පුග්ගලා අනඤ්ඤාතඤ්ඤස්සාමීතින්ද්‍රියං න භාවෙස්සන්ති, නො ච අඤ්ඤාතාවින්ද්‍රියං න සච්ඡිකරිස්සන්ති. ද්වෙ පුග්ගලා අනඤ්ඤාතඤ්ඤස්සාමීතින්ද්‍රියඤ්ච න භාවෙස්සන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො අනඤ්ඤාතඤ්ඤස්සාමීතින්ද්‍රියං න භාවෙස්සතීති? ආමන්තා. (අනඤ්ඤාතඤ්ඤස්සාමීතින්ද්‍රියමූලකං)
458. (ක) යො අඤ්ඤින්ද්‍රියං න භාවෙස්සති සො අඤ්ඤාතාවින්ද්‍රියං න සච්ඡිකරිස්සතීති?
අග්ගමග්ගසමඞ්ගී අඤ්ඤින්ද්‍රියං න භාවෙස්සති, නො ච අඤ්ඤාතාවින්ද්‍රියං න සච්ඡිකරිස්සති. ද්වෙ පුග්ගලා අඤ්ඤින්ද්‍රියඤ්ච න භාවෙස්සන්ති අඤ්ඤාතාවින්ද්‍රියඤ්ච න සච්ඡිකරිස්සන්ති.
(ඛ) යො වා පන අඤ්ඤාතාවින්ද්‍රියං න සච්ඡිකරිස්සති සො අඤ්ඤින්ද්‍රියං න භාවෙස්සතීති? ආමන්තා. (අඤ්ඤින්ද්‍රියමූලකං)