2. අතීතවාරො
(ක) අනුලොමං
443. (ක) යො චක්ඛුන්ද්‍රියං පරිජානිත්ථ සො දොමනස්සින්ද්‍රියං පජහිත්ථාති? ආමන්තා.
(ඛ) යො වා පන දොමනස්සින්ද්‍රියං පජහිත්ථ සො චක්ඛුන්ද්‍රියං පරිජානිත්ථාති?
ද්වෙ පුග්ගලා දොමනස්සින්ද්‍රියං පජහිත්ථ, නො ච චක්ඛුන්ද්‍රියං පරිජානිත්ථ. අරහා දොමනස්සින්ද්‍රියඤ්ච පජහිත්ථ චක්ඛුන්ද්‍රියඤ්ච පරිජානිත්ථ.
(ක) යො චක්ඛුන්ද්‍රියං පරිජානිත්ථ සො අනඤ්ඤාතඤ්ඤස්සාමීතින්ද්‍රියං භාවිත්ථාති? ආමන්තා.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවිත්ථ සො චක්ඛුන්ද්‍රියං පරිජානිත්ථාති?
ඡ පුග්ගලා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච චක්ඛුන්ද්‍රියං පරිජානිත්ථ. අරහා අනඤ්ඤාතඤ්ඤස්සාමීතින්ද්‍රියඤ්ච භාවිත්ථ චක්ඛුන්ද්‍රියඤ්ච පරිජානිත්ථ.
(ක) යො චක්ඛුන්ද්‍රියං පරිජානිත්ථ සො අඤ්ඤින්ද්‍රියං භාවිත්ථාති? ආමන්තා.
(ඛ) යො වා පන අඤ්ඤින්ද්‍රියං භාවිත්ථ සො චක්ඛුන්ද්‍රියං පරිජානිත්ථාති? ආමන්තා.
(ක) යො චක්ඛුන්ද්‍රියං පරිජානිත්ථ සො අඤ්ඤාතාවින්ද්‍රියං සච්ඡිකරිත්ථාති?
යො අග්ගඵලං සච්ඡිකරොති සො චක්ඛුන්ද්‍රියං පරිජානිත්ථ, නො ච අඤ්ඤාතාවින්ද්‍රියං සච්ඡිකරිත්ථ. යො අග්ගඵලං සච්ඡාකාසි සො චක්ඛුන්ද්‍රියඤ්ච පරිජානිත්ථ අඤ්ඤාතාවින්ද්‍රියඤ්ච සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො චක්ඛුන්ද්‍රියං පරිජානිත්ථාති? ආමන්තා. (චක්ඛුන්ද්‍රියමූලකං)
444. (ක) යො දොමනස්සින්ද්‍රියං පජහිත්ථ සො අනඤ්ඤාතඤ්ඤස්සාමීතින්ද්‍රියං භාවිත්ථාති? ආමන්තා.
(ඛ) යො වා පන අනඤ්ඤාතඤ්ඤස්සාමීතින්ද්‍රියං භාවිත්ථ සො දොමනස්සින්ද්‍රියං පජහිත්ථාති?
චත්තාරො පුග්ගලා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච දොමනස්සින්ද්‍රියං පජහිත්ථ. තයො පුග්ගලා අනඤ්ඤාතඤ්ඤස්සාමීතින්ද්‍රියඤ්ච භාවිත්ථ දොමනස්සින්ද්‍රියඤ්ච පජහිත්ථ.
(ක) යො දොමනස්සින්ද්‍රියං පජහිත්ථ සො අඤ්ඤින්ද්‍රියං භාවිත්ථාති?
ද්වෙ පුග්ගලා දොමනස්සින්ද්‍රියං පජහිත්ථ, නො ච අඤ්ඤින්ද්‍රියං භාවිත්ථ. අරහා දොමනස්සින්ද්‍රියඤ්ච පජහිත්ථ අඤ්ඤින්ද්‍රියඤ්ච භාවිත්ථ.
(ඛ) යො වා පන අඤ්ඤින්ද්‍රියං භාවිත්ථ සො දොමනස්සින්ද්‍රියං පජහිත්ථාති? ආමන්තා.
(ක) යො දොමනස්සින්ද්‍රියං පජහිත්ථ සො අඤ්ඤාතාවින්ද්‍රියං සච්ඡිකරිත්ථාති?
තයො පුග්ගලා දොමනස්සින්ද්‍රියං පජහිත්ථ, නො ච අඤ්ඤාතාවින්ද්‍රියං සච්ඡිකරිත්ථ. අරහා දොමනස්සින්ද්‍රියඤ්ච පජහිත්ථ අඤ්ඤාතාවින්ද්‍රියඤ්ච සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො දොමනස්සින්ද්‍රියං පජහිත්ථාති? ආමන්තා. (දොමනස්සින්ද්‍රියමූලකං)
445. (ක) යො අනඤ්ඤාතඤ්ඤස්සාමීතින්ද්‍රියං භාවිත්ථ සො අඤ්ඤින්ද්‍රියං භාවිත්ථාති?
ඡ පුග්ගලා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච අඤ්ඤින්ද්‍රියං භාවිත්ථ. අරහා අනඤ්ඤාතඤ්ඤස්සාමීතින්ද්‍රියඤ්ච භාවිත්ථ අඤ්ඤින්ද්‍රියඤ්ච භාවිත්ථ.
(ඛ) යො වා පන අඤ්ඤින්ද්‍රියං භාවිත්ථ සො අනඤ්ඤාතඤ්ඤස්සාමීතින්ද්‍රියං භාවිත්ථාති? ආමන්තා.
(ක) යො අනඤ්ඤාතඤ්ඤස්සාමීතින්ද්‍රියං භාවිත්ථ සො අඤ්ඤාතාවින්ද්‍රියං සච්ඡිකරිත්ථාති?
සත්ත පුග්ගලා අනඤ්ඤාතඤ්ඤස්සාමීතින්ද්‍රියං භාවිත්ථ, නො ච අඤ්ඤාතාවින්ද්‍රියං සච්ඡිකරිත්ථ. අරහා අනඤ්ඤාතඤ්ඤස්සාමීතින්ද්‍රියඤ්ච භාවිත්ථ අඤ්ඤාතාවින්ද්‍රියඤ්ච සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො අනඤ්ඤාතඤ්ඤස්සාමීතින්ද්‍රියං භාවිත්ථාති? ආමන්තා. (අනඤ්ඤාතඤ්ඤස්සාමීතින්ද්‍රියමූලකං)
446. (ක) යො අඤ්ඤින්ද්‍රියං භාවිත්ථ සො අඤ්ඤාතාවින්ද්‍රියං සච්ඡිකරිත්ථාති?
යො අග්ගඵලං සච්ඡිකරොති සො අඤ්ඤින්ද්‍රියං භාවිත්ථ, නො ච අඤ්ඤාතාවින්ද්‍රියං සච්ඡිකරිත්ථ. යො අග්ගඵලං සච්ඡාකාසි සො අඤ්ඤින්ද්‍රියඤ්ච භාවිත්ථ අඤ්ඤාතාවින්ද්‍රියඤ්ච සච්ඡිකරිත්ථ.
(ඛ) යො වා පන අඤ්ඤාතාවින්ද්‍රියං සච්ඡිකරිත්ථ සො අඤ්ඤින්ද්‍රියං භාවිත්ථාති? ආමන්තා. (අඤ්ඤින්ද්‍රියමූලකං)
(ඛ) පච්චනීකං
447. (ක) යො චක්ඛුන්ද්‍රියං න පරිජානිත්ථ සො දොමනස්සින්ද්‍රියං නප්පජහිත්ථාති?
ද්වෙ පුග්ගලා චක්ඛුන්ද්‍රියං න පරිජානිත්ථ, නො ච දොමනස්සින්ද්‍රියං නප්පජහිත්ථ. ඡ පුග්ගලා චක්ඛුන්ද්‍රියඤ්ච න පරිජානිත්ථ දොමනස්සින්ද්‍රියඤ්ච නප්පජහිත්ථ.
(ඛ) යො වා පන දොමනස්සින්ද්‍රියං නප්පජහිත්ථ සො චක්ඛුන්ද්‍රියං න පරිජානිත්ථාති? ආමන්තා.
(ක) යො චක්ඛුන්ද්‍රියං න පරිජානිත්ථ සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
ඡ පුග්ගලා චක්ඛුන්ද්‍රියං න පරිජානිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. ද්වෙ පුග්ගලා චක්ඛුන්ද්‍රියඤ්ච න පරිජානිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවිත්ථ සො චක්ඛුන්ද්‍රියං න පරිජානිත්ථාති? ආමන්තා.
(ක) යො චක්ඛුන්ද්‍රියං න පරිජානිත්ථ සො අඤ්ඤින්ද්‍රියං න භාවිත්ථාති? ආමන්තා.
(ඛ) යො වා පන අඤ්ඤින්ද්‍රියං න භාවිත්ථ සො චක්ඛුන්ද්‍රියං න පරිජානිත්ථාති? ආමන්තා.
(ක) යො චක්ඛුන්ද්‍රියං න පරිජානිත්ථ සො අඤ්ඤාතාවින්ද්‍රියං න සච්ඡිකරිත්ථාති? ආමන්තා.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො චක්ඛුන්ද්‍රියං න පරිජානිත්ථාති?
යො අග්ගඵලං සච්ඡිකරොති සො අඤ්ඤාතාවින්ද්‍රියං න සච්ඡිකරිත්ථ, නො ච චක්ඛුන්ද්‍රියං න පරිජානිත්ථ. අට්ඨ පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ චක්ඛුන්ද්‍රියඤ්ච න පරිජානිත්ථ. (චක්ඛුන්ද්‍රියමූලකං)
448. (ක) යො දොමනස්සින්ද්‍රියං නප්පජහිත්ථ සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
චත්තාරො පුග්ගලා දොමනස්සින්ද්‍රියං නප්පජහිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. ද්වෙ පුග්ගලා දොමනස්සින්ද්‍රියඤ්ච නප්පජහිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ.
(ඛ) යො වා පන අනඤ්ඤාතඤ්ඤස්සාමීතින්ද්‍රියං න භාවිත්ථ සො දොමනස්සින්ද්‍රියං නප්පජහිත්ථාති? ආමන්තා.
(ක) යො දොමනස්සින්ද්‍රියං නප්පජහිත්ථ සො අඤ්ඤින්ද්‍රියං න භාවිත්ථාති? ආමන්තා.
(ඛ) යො වා පන අඤ්ඤින්ද්‍රියං න භාවිත්ථ සො දොමනස්සින්ද්‍රියං නප්පජහිත්ථාති?
ද්වෙ පුග්ගලා අඤ්ඤින්ද්‍රියං න භාවිත්ථ, නො ච දොමනස්සින්ද්‍රියං නප්පජහිත්ථ. ඡ පුග්ගලා අඤ්ඤින්ද්‍රියඤ්ච න භාවිත්ථ දොමනස්සින්ද්‍රියඤ්ච නප්පජහිත්ථ.
(ක) යො දොමනස්සින්ද්‍රියං නප්පජහිත්ථ සො අඤ්ඤාතාවින්ද්‍රියං න සච්ඡිකරිත්ථාති? ආමන්තා.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො දොමනස්සින්ද්‍රියං නප්පජහිත්ථාති?
තයො පුග්ගලා අඤ්ඤාතාවින්ද්‍රියං න සච්ඡිකරිත්ථ, නො ච දොමනස්සින්ද්‍රියං නප්පජහිත්ථ. ඡ පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ දොමනස්සින්ද්‍රියඤ්ච නප්පජහිත්ථ. (දොමනස්සින්ද්‍රියමූලකං)
449. (ක) යො අනඤ්ඤාතඤ්ඤස්සාමීතින්ද්‍රියං න භාවිත්ථ සො අඤ්ඤින්ද්‍රියං න භාවිත්ථාති? ආමන්තා.
(ඛ) යො වා පන අඤ්ඤින්ද්‍රියං න භාවිත්ථ සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
ඡ පුග්ගලා අඤ්ඤින්ද්‍රියං න භාවිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. ද්වෙ පුග්ගලා අඤ්ඤින්ද්‍රියඤ්ච න භාවිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ.
(ක) යො අනඤ්ඤාතඤ්ඤස්සාමීතින්ද්‍රියං න භාවිත්ථ සො අඤ්ඤාතාවින්ද්‍රියං න සච්ඡිකරිත්ථාති? ආමන්තා.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො අනඤ්ඤාතඤ්ඤස්සාමීතින්ද්‍රියං න භාවිත්ථාති?
සත්ත පුග්ගලා අඤ්ඤාතාවින්ද්‍රියං න සච්ඡිකරිත්ථ, නො ච අනඤ්ඤාතඤ්ඤස්සාමීතින්ද්‍රියං න භාවිත්ථ. ද්වෙ පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ අනඤ්ඤාතඤ්ඤස්සාමීතින්ද්‍රියඤ්ච න භාවිත්ථ. (අනඤ්ඤාතඤ්ඤස්සාමීතින්ද්‍රියමූලකං)
450. (ක) යො අඤ්ඤින්ද්‍රියං න භාවිත්ථ සො අඤ්ඤාතාවින්ද්‍රියං න සච්ඡිකරිත්ථාති? ආමන්තා.
(ඛ) යො වා පන අඤ්ඤාතාවින්ද්‍රියං න සච්ඡිකරිත්ථ සො අඤ්ඤින්ද්‍රියං න භාවිත්ථාති?
යො අග්ගඵලං සච්ඡිකරොති සො අඤ්ඤාතාවින්ද්‍රියං න සච්ඡිකරිත්ථ, නො ච අඤ්ඤින්ද්‍රියං න භාවිත්ථ. අට්ඨ පුග්ගලා අඤ්ඤාතාවින්ද්‍රියඤ්ච න සච්ඡිකරිත්ථ අඤ්ඤින්ද්‍රියඤ්ච න භාවිත්ථ. (අඤ්ඤින්ද්‍රියමූලකං)