(2) අතීතවාරො
(ක) අනුලොමපුග්ගලො
45. (ක) යස්ස කුසලා ධම්මා උප්පජ්ජිත්ථ තස්ස අකුසලා ධම්මා උප්පජ්ජිත්ථාති? ආමන්තා.
(ඛ) යස්ස වා පන අකුසලා ධම්මා උප්පජ්ජිත්ථ තස්ස කුසලා ධම්මා උප්පජ්ජිත්ථාති? ආමන්තා.
(ක) යස්ස කුසලා ධම්මා උප්පජ්ජිත්ථ තස්ස අබ්‍යාකතා ධම්මා උප්පජ්ජිත්ථාති? ආමන්තා.
(ඛ) යස්ස වා පන අබ්‍යාකතා ධම්මා උප්පජ්ජිත්ථ තස්ස කුසලා ධම්මා උප්පජ්ජිත්ථාති? ආමන්තා.
46. (ක) යස්ස අකුසලා ධම්මා උප්පජ්ජිත්ථ තස්ස අබ්‍යාකතා ධම්මා උප්පජ්ජිත්ථාති? ආමන්තා.
(ඛ) යස්ස වා පන අබ්‍යාකතා ධම්මා උප්පජ්ජිත්ථ තස්ස අකුසලා ධම්මා උප්පජ්ජිත්ථාති? ආමන්තා.
(ඛ) අනුලොමඔකාසො
47. (ක) යත්ථ කුසලා ධම්මා උප්පජ්ජිත්ථ තත්ථ අකුසලා ධම්මා උප්පජ්ජිත්ථාති? ආමන්තා.
(ඛ) යත්ථ වා පන අකුසලා ධම්මා උප්පජ්ජිත්ථ තත්ථ කුසලා ධම්මා උප්පජ්ජිත්ථාති? ආමන්තා.
(ක) යත්ථ කුසලා ධම්මා උප්පජ්ජිත්ථ තත්ථ අබ්‍යාකතා ධම්මා උප්පජ්ජිත්ථාති? ආමන්තා.
(ඛ) යත්ථ වා පන අබ්‍යාකතා ධම්මා උප්පජ්ජිත්ථ තත්ථ කුසලා ධම්මා උප්පජ්ජිත්ථාති?
අසඤ්ඤසත්තෙ තත්ථ අබ්‍යාකතා ධම්මා උප්පජ්ජිත්ථ, නො ච තත්ථ කුසලා ධම්මා උප්පජ්ජිත්ථ. චතුවොකාරෙ පඤ්චවොකාරෙ තත්ථ අබ්‍යාකතා ච ධම්මා උප්පජ්ජිත්ථ කුසලා ච ධම්මා උප්පජ්ජිත්ථ.
48. (ක) යත්ථ අකුසලා ධම්මා උප්පජ්ජිත්ථ තත්ථ අබ්‍යාකතා ධම්මා උප්පජ්ජිත්ථාති? ආමන්තා.
(ඛ) යත්ථ වා පන අබ්‍යාකතා ධම්මා උප්පජ්ජිත්ථ තත්ථ අකුසලා ධම්මා උප්පජ්ජිත්ථාති?
අසඤ්ඤසත්තෙ තත්ථ අබ්‍යාකතා ධම්මා උප්පජ්ජිත්ථ, නො ච තත්ථ අකුසලා ධම්මා උප්පජ්ජිත්ථ. චතුවොකාරෙ පඤ්චවොකාරෙ තත්ථ අබ්‍යාකතා ච ධම්මා උප්පජ්ජිත්ථ අකුසලා ච ධම්මා උප්පජ්ජිත්ථ.
(ග) අනුලොමපුග්ගලොකාසා
49. (ක) යස්ස යත්ථ කුසලා ධම්මා උප්පජ්ජිත්ථ තස්ස තත්ථ අකුසලා ධම්මා උප්පජ්ජිත්ථාති? ආමන්තා.
(ඛ) යස්ස වා පන යත්ථ අකුසලා ධම්මා උප්පජ්ජිත්ථ තස්ස තත්ථ කුසලා ධම්මා උප්පජ්ජිත්ථාති?
සුද්ධාවාසානං දුතියෙ අකුසලෙ චිත්තෙ වත්තමානෙ තෙසං තත්ථ අකුසලා ධම්මා උප්පජ්ජිත්ථ, නො ච තෙසං තත්ථ කුසලා ධම්මා උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ අකුසලා ච ධම්මා උප්පජ්ජිත්ථ කුසලා ච ධම්මා උප්පජ්ජිත්ථ.
(ක) යස්ස යත්ථ කුසලා ධම්මා උප්පජ්ජිත්ථ තස්ස තත්ථ අබ්‍යාකතා ධම්මා උප්පජ්ජිත්ථාති? ආමන්තා.
(ඛ) යස්ස වා පන යත්ථ අබ්‍යාකතා ධම්මා උප්පජ්ජිත්ථ තස්ස තත්ථ කුසලා ධම්මා උප්පජ්ජිත්ථාති?
සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ අබ්‍යාකතා ධම්මා උප්පජ්ජිත්ථ, නො ච තෙසං තත්ථ කුසලා ධම්මා උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ අබ්‍යාකතා ච ධම්මා උප්පජ්ජිත්ථ කුසලා ච ධම්මා උප්පජ්ජිත්ථ.
50. (ක) යස්ස යත්ථ අකුසලා ධම්මා උප්පජ්ජිත්ථ තස්ස තත්ථ අබ්‍යාකතා ධම්මා උප්පජ්ජිත්ථාති? ආමන්තා.
(ඛ) යස්ස වා පන යත්ථ අබ්‍යාකතා ධම්මා උප්පජ්ජිත්ථ තස්ස තත්ථ අකුසලා ධම්මා උප්පජ්ජිත්ථාති?
සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ අබ්‍යාකතා ධම්මා උප්පජ්ජිත්ථ, නො ච තෙසං තත්ථ අකුසලා ධම්මා උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ අබ්‍යාකතා ච ධම්මා උප්පජ්ජිත්ථ අකුසලා ච ධම්මා උප්පජ්ජිත්ථ.
(ඝ) පච්චනීකපුග්ගලො
51. (ක) යස්ස කුසලා ධම්මා න උප්පජ්ජිත්ථ තස්ස අකුසලා ධම්මා න උප්පජ්ජිත්ථාති? නත්ථි.
(ඛ) යස්ස වා පන අකුසලා ධම්මා න උප්පජ්ජිත්ථ තස්ස කුසලා ධම්මා න උප්පජ්ජිත්ථාති? නත්ථි.
(ක) යස්ස කුසලා ධම්මා න උප්පජ්ජිත්ථ තස්ස අබ්‍යාකතා ධම්මා න උප්පජ්ජිත්ථාති? නත්ථි.
(ඛ) යස්ස වා පන අබ්‍යාකතා ධම්මා න උප්පජ්ජිත්ථ තස්ස කුසලා ධම්මා න උප්පජ්ජිත්ථාති? නත්ථි.
52. (ක) යස්ස අකුසලා ධම්මා න උප්පජ්ජිත්ථ තස්ස අබ්‍යාකතා ධම්මා න උප්පජ්ජිත්ථාති? නත්ථි.
(ඛ) යස්ස වා පන අබ්‍යාකතා ධම්මා න උප්පජ්ජිත්ථ තස්ස අකුසලා ධම්මා න උප්පජ්ජිත්ථාති? නත්ථි.
(ඞ) පච්චනීකඔකාසො
53. (ක) යත්ථ කුසලා ධම්මා න උප්පජ්ජිත්ථ තත්ථ අකුසලා ධම්මා න උප්පජ්ජිත්ථාති? ආමන්තා.
(ඛ) යත්ථ වා පන අකුසලා ධම්මා න උප්පජ්ජිත්ථ තත්ථ කුසලා ධම්මා න උප්පජ්ජිත්ථාති? ආමන්තා.
(ක) යත්ථ කුසලා ධම්මා න උප්පජ්ජිත්ථ තත්ථ අබ්‍යාකතා ධම්මා න උප්පජ්ජිත්ථාති? උප්පජ්ජිත්ථ.
(ඛ) යත්ථ වා පන අබ්‍යාකතා ධම්මා න උප්පජ්ජිත්ථ තත්ථ කුසලා ධම්මා න උප්පජ්ජිත්ථාති? නත්ථි.
54. (ක) යත්ථ අකුසලා ධම්මා න උප්පජ්ජිත්ථ තත්ථ අබ්‍යාකතා ධම්මා න උප්පජ්ජිත්ථාති? උප්පජ්ජිත්ථ.
(ඛ) යත්ථ වා පන අබ්‍යාකතා ධම්මා න උප්පජ්ජිත්ථ තත්ථ අකුසලා ධම්මා න උප්පජ්ජිත්ථාති? නත්ථි.
(ච) පච්චනීකපුග්ගලොකාසා
55. (ක) යස්ස යත්ථ කුසලා ධම්මා න උප්පජ්ජිත්ථ තස්ස තත්ථ අකුසලා ධම්මා න උප්පජ්ජිත්ථාති?
සුද්ධාවාසානං දුතියෙ අකුසලෙ චිත්තෙ වත්තමානෙ තෙසං තත්ථ කුසලා ධම්මා න උප්පජ්ජිත්ථ, නො ච තෙසං තත්ථ අකුසලා ධම්මා න උප්පජ්ජිත්ථ. සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ කුසලා ච ධම්මා න උප්පජ්ජිත්ථ අකුසලා ච ධම්මා න උප්පජ්ජිත්ථ.
(ඛ) යස්ස වා පන යත්ථ අකුසලා ධම්මා න උප්පජ්ජිත්ථ තස්ස තත්ථ කුසලා ධම්මා න උප්පජ්ජිත්ථාති? ආමන්තා.
(ක) යස්ස යත්ථ කුසලා ධම්මා න උප්පජ්ජිත්ථ තස්ස තත්ථ අබ්‍යාකතා ධම්මා න උප්පජ්ජිත්ථාති?
සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ කුසලා ධම්මා න උප්පජ්ජිත්ථ, නො ච තෙසං තත්ථ අබ්‍යාකතා ධම්මා න උප්පජ්ජිත්ථ. සුද්ධාවාසං උපපජ්ජන්තානං තෙසං තත්ථ කුසලා ච ධම්මා න උප්පජ්ජිත්ථ අබ්‍යාකතා ච ධම්මා න උප්පජ්ජිත්ථ.
(ඛ) යස්ස වා පන යත්ථ අබ්‍යාකතා ධම්මා න උප්පජ්ජිත්ථ තස්ස තත්ථ කුසලා ධම්මා න උප්පජ්ජිත්ථාති? ආමන්තා.
56. (ක) යස්ස යත්ථ අකුසලා ධම්මා න උප්පජ්ජිත්ථ තස්ස තත්ථ අබ්‍යාකතා ධම්මා න උප්පජ්ජිත්ථාති?
සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ අකුසලා ධම්මා න උප්පජ්ජිත්ථ, නො ච තෙසං තත්ථ අබ්‍යාකතා ධම්මා න උප්පජ්ජිත්ථ. සුද්ධාවාසං උපපජ්ජන්තානං තෙසං තත්ථ අකුසලා ච ධම්මා න උප්පජ්ජිත්ථ අබ්‍යාකතා ච ධම්මා න උප්පජ්ජිත්ථ.
(ඛ) යස්ස වා පන යත්ථ අබ්‍යාකතා ධම්මා න උප්පජ්ජිත්ථ තස්ස තත්ථ අකුසලා ධම්මා න උප්පජ්ජිත්ථාති? ආමන්තා.