(3) අනාගතවාරො
(ක) අනුලොමපුග්ගලො
57. (ක) යස්ස කුසලා ධම්මා උප්පජ්ජිස්සන්ති තස්ස අකුසලා ධම්මා උප්පජ්ජිස්සන්තීති?
යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං කුසලා ධම්මා උප්පජ්ජිස්සන්ති, නො ච තෙසං අකුසලා ධම්මා උප්පජ්ජිස්සන්ති. ඉතරෙසං තෙසං කුසලා ච ධම්මා උප්පජ්ජිස්සන්ති අකුසලා ච ධම්මා උප්පජ්ජිස්සන්ති.
(ඛ) යස්ස වා පන අකුසලා ධම්මා උප්පජ්ජිස්සන්ති තස්ස කුසලා ධම්මා උප්පජ්ජිස්සන්තීති? ආමන්තා.
(ක) යස්ස කුසලා ධම්මා උප්පජ්ජිස්සන්ති තස්ස අබ්‍යාකතා ධම්මා උප්පජ්ජිස්සන්තීති? ආමන්තා.
(ඛ) යස්ස වා පන අබ්‍යාකතා ධම්මා උප්පජ්ජිස්සන්ති තස්ස කුසලා ධම්මා උප්පජ්ජිස්සන්තීති?
අග්ගමග්ගසමඞ්ගීනං අරහන්තානං තෙසං අබ්‍යාකතා ධම්මා උප්පජ්ජිස්සන්ති, නො ච තෙසං කුසලා ධම්මා උප්පජ්ජිස්සන්ති. ඉතරෙසං තෙසං අබ්‍යාකතා ච ධම්මා උප්පජ්ජිස්සන්ති කුසලා ච ධම්මා උප්පජ්ජිස්සන්ති.
58. (ක) යස්ස අකුසලා ධම්මා උප්පජ්ජිස්සන්ති තස්ස අබ්‍යාකතා ධම්මා උප්පජ්ජිස්සන්තීති? ආමන්තා.
(ඛ) යස්ස වා පන අබ්‍යාකතා ධම්මා උප්පජ්ජිස්සන්ති තස්ස අකුසලා ධම්මා උප්පජ්ජිස්සන්තීති?
අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං අබ්‍යාකතා ධම්මා උප්පජ්ජිස්සන්ති, නො ච තෙසං අකුසලා ධම්මා උප්පජ්ජිස්සන්ති. ඉතරෙසං තෙසං අබ්‍යාකතා ච ධම්මා උප්පජ්ජිස්සන්ති අකුසලා ච ධම්මා උප්පජ්ජිස්සන්ති.
(ඛ) අනුලොමඔකාසො
59. (ක) යත්ථ කුසලා ධම්මා උප්පජ්ජිස්සන්ති තත්ථ අකුසලා ධම්මා උප්පජ්ජිස්සන්තීති? ආමන්තා.
(ඛ) යත්ථ වා පන අකුසලා ධම්මා උප්පජ්ජිස්සන්ති තත්ථ කුසලා ධම්මා උප්පජ්ජිස්සන්තීති? ආමන්තා.
(ක) යත්ථ කුසලා ධම්මා උප්පජ්ජිස්සන්ති තත්ථ අබ්‍යාකතා ධම්මා උප්පජ්ජිස්සන්තීති? ආමන්තා.
(ඛ) යත්ථ වා පන අබ්‍යාකතා ධම්මා උප්පජ්ජිස්සන්ති තත්ථ කුසලා ධම්මා උප්පජ්ජිස්සන්තීති?
අසඤ්ඤසත්තෙ තත්ථ අබ්‍යාකතා ධම්මා උප්පජ්ජිස්සන්ති, නො ච තත්ථ කුසලා ධම්මා උප්පජ්ජිස්සන්ති. චතුවොකාරෙ පඤ්චවොකාරෙ තත්ථ අබ්‍යාකතා ච ධම්මා උප්පජ්ජිස්සන්ති කුසලා ච ධම්මා උප්පජ්ජිස්සන්ති.
60. (ක) යත්ථ අකුසලා ධම්මා උප්පජ්ජිස්සන්ති තත්ථ අබ්‍යාකතා ධම්මා උප්පජ්ජිස්සන්තීති? ආමන්තා.
(ඛ) යත්ථ වා පන අබ්‍යාකතා ධම්මා උප්පජ්ජිස්සන්ති තත්ථ අකුසලා ධම්මා උප්පජ්ජිස්සන්තීති?
අසඤ්ඤසත්තෙ තත්ථ අබ්‍යාකතා ධම්මා උප්පජ්ජිස්සන්ති, නො ච තත්ථ අකුසලා ධම්මා උප්පජ්ජිස්සන්ති. චතුවොකාරෙ පඤ්චවොකාරෙ තත්ථ අබ්‍යාකතා ච ධම්මා උප්පජ්ජිස්සන්ති අකුසලා ච ධම්මා උප්පජ්ජිස්සන්ති.
(ග) අනුලොමපුග්ගලොකාසා
61. (ක) යස්ස යත්ථ කුසලා ධම්මා උප්පජ්ජිස්සන්ති තස්ස තත්ථ අකුසලා ධම්මා උප්පජ්ජිස්සන්තීති?
යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං තත්ථ කුසලා ධම්මා උප්පජ්ජිස්සන්ති, නො ච තෙසං තත්ථ අකුසලා ධම්මා උප්පජ්ජිස්සන්ති. ඉතරෙසං චතුවොකාරානං පඤ්චවොකාරානං තෙසං තත්ථ කුසලා ච ධම්මා උප්පජ්ජිස්සන්ති අකුසලා ච ධම්මා උප්පජ්ජිස්සන්ති.
(ඛ) යස්ස වා පන යත්ථ අකුසලා ධම්මා උප්පජ්ජිස්සන්ති තස්ස තත්ථ කුසලා ධම්මා උප්පජ්ජිස්සන්තීති? ආමන්තා.
(ක) යස්ස යත්ථ කුසලා ධම්මා උප්පජ්ජිස්සන්ති තස්ස තත්ථ අබ්‍යාකතා ධම්මා උප්පජ්ජිස්සන්තීති? ආමන්තා.
(ඛ) යස්ස වා පන යත්ථ අබ්‍යාකතා ධම්මා උප්පජ්ජිස්සන්ති තස්ස තත්ථ කුසලා ධම්මා උප්පජ්ජිස්සන්තීති?
අග්ගමග්ගසමඞ්ගීනං අරහන්තානං අසඤ්ඤසත්තානං තෙසං තත්ථ අබ්‍යාකතා ධම්මා උප්පජ්ජිස්සන්ති, නො ච තෙසං තත්ථ කුසලා ධම්මා උප්පජ්ජිස්සන්ති. ඉතරෙසං චතුවොකාරානං පඤ්චවොකාරානං තෙසං තත්ථ අබ්‍යාකතා ච ධම්මා උප්පජ්ජිස්සන්ති කුසලා ච ධම්මා උප්පජ්ජිස්සන්ති.
62. (ක) යස්ස යත්ථ අකුසලා ධම්මා උප්පජ්ජිස්සන්ති තස්ස තත්ථ අබ්‍යාකතා ධම්මා උප්පජ්ජිස්සන්තීති? ආමන්තා.
(ඛ) යස්ස වා පන යත්ථ අබ්‍යාකතා ධම්මා උප්පජ්ජිස්සන්ති තස්ස තත්ථ අකුසලා ධම්මා උප්පජ්ජිස්සන්තීති?
අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ අබ්‍යාකතා ධම්මා උප්පජ්ජිස්සන්ති, නො ච තෙසං තත්ථ අකුසලා ධම්මා උප්පජ්ජිස්සන්ති. ඉතරෙසං චතුවොකාරානං පඤ්චවොකාරානං තෙසං තත්ථ අබ්‍යාකතා ච ධම්මා උප්පජ්ජිස්සන්ති අකුසලා ච ධම්මා උප්පජ්ජිස්සන්ති.
(ඝ) පච්චනීකපුග්ගලො
63. (ක) යස්ස කුසලා ධම්මා න උප්පජ්ජිස්සන්ති තස්ස අකුසලා ධම්මා න උප්පජ්ජිස්සන්තීති? ආමන්තා.
(ඛ) යස්ස වා පන අකුසලා ධම්මා න උප්පජ්ජිස්සන්ති තස්ස කුසලා ධම්මා න උප්පජ්ජිස්සන්තීති?
යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං අකුසලා ධම්මා න උප්පජ්ජිස්සන්ති, නො ච තෙසං කුසලා ධම්මා න උප්පජ්ජිස්සන්ති. අග්ගමග්ගසමඞ්ගීනං අරහන්තානං තෙසං අකුසලා ච ධම්මා න උප්පජ්ජිස්සන්ති කුසලා ච ධම්මා න උප්පජ්ජිස්සන්ති.
(ක) යස්ස කුසලා ධම්මා න උප්පජ්ජිස්සන්ති තස්ස අබ්‍යාකතා ධම්මා න උප්පජ්ජිස්සන්තීති?
අග්ගමග්ගසමඞ්ගීනං අරහන්තානං තෙසං කුසලා ධම්මා න උප්පජ්ජිස්සන්ති, නො ච තෙසං අබ්‍යාකතා ධම්මා න උප්පජ්ජිස්සන්ති. පච්ඡිමචිත්තසමඞ්ගීනං තෙසං කුසලා ච ධම්මා න උප්පජ්ජිස්සන්ති අබ්‍යාකතා ච ධම්මා න උප්පජ්ජිස්සන්ති.
(ඛ) යස්ස වා පන අබ්‍යාකතා ධම්මා න උප්පජ්ජිස්සන්ති තස්ස කුසලා ධම්මා න උප්පජ්ජිස්සන්තීති? ආමන්තා.
64. (ක) යස්ස අකුසලා ධම්මා න උප්පජ්ජිස්සන්ති තස්ස අබ්‍යාකතා ධම්මා න උප්පජ්ජිස්සන්තීති?
අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං අකුසලා ධම්මා න උප්පජ්ජිස්සන්ති, නො ච තෙසං අබ්‍යාකතා ධම්මා න උප්පජ්ජිස්සන්ති. පච්ඡිමචිත්තසමඞ්ගීනං තෙසං අකුසලා ච ධම්මා න උප්පජ්ජිස්සන්ති අබ්‍යාකතා ච ධම්මා න උප්පජ්ජිස්සන්ති.
(ඛ) යස්ස වා පන අබ්‍යාකතා ධම්මා න උප්පජ්ජිස්සන්ති තස්ස අකුසලා ධම්මා න උප්පජ්ජිස්සන්තීති? ආමන්තා.
(ඞ) පච්චනීකඔකාසො
65. (ක) යත්ථ කුසලා ධම්මා න උප්පජ්ජිස්සන්ති තත්ථ අකුසලා ධම්මා න උප්පජ්ජිස්සන්තීති? ආමන්තා.
(ඛ) යත්ථ වා පන අකුසලා ධම්මා න උප්පජ්ජිස්සන්ති තත්ථ කුසලා ධම්මා න උප්පජ්ජිස්සන්තීති? ආමන්තා.
(ක) යත්ථ කුසලා ධම්මා න උප්පජ්ජිස්සන්ති තත්ථ අබ්‍යාකතා ධම්මා න උප්පජ්ජිස්සන්තීති? උප්පජ්ජිස්සන්ති.
(ඛ) යත්ථ වා පන අබ්‍යාකතා ධම්මා න උප්පජ්ජිස්සන්ති තත්ථ කුසලා ධම්මා න උප්පජ්ජිස්සන්තීති? නත්ථි.
66. (ක) යත්ථ අකුසලා ධම්මා න උප්පජ්ජිස්සන්ති තත්ථ අබ්‍යාකතා ධම්මා න උප්පජ්ජිස්සන්තීති? උප්පජ්ජිස්සන්ති.
(ඛ) යත්ථ වා පන අබ්‍යාකතා ධම්මා න උප්පජ්ජිස්සන්ති තත්ථ අකුසලා ධම්මා න උප්පජ්ජිස්සන්තීති? නත්ථි.
(ච) පච්චනීකපුග්ගලොකාසා
67. (ක) යස්ස යත්ථ කුසලා ධම්මා න උප්පජ්ජිස්සන්ති තස්ස තත්ථ අකුසලා ධම්මා න උප්පජ්ජිස්සන්තීති? ආමන්තා.
(ඛ) යස්ස වා පන යත්ථ අකුසලා ධම්මා න උප්පජ්ජිස්සන්ති තස්ස තත්ථ කුසලා ධම්මා න උප්පජ්ජිස්සන්තීති?
යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං තත්ථ අකුසලා ධම්මා න උප්පජ්ජිස්සන්ති, නො ච තෙසං තත්ථ කුසලා ධම්මා න උප්පජ්ජිස්සන්ති. අග්ගමග්ගසමඞ්ගීනං අරහන්තානං අසඤ්ඤසත්තානං තෙසං තත්ථ අකුසලා ච ධම්මා න උප්පජ්ජිස්සන්ති කුසලා ච ධම්මා න උප්පජ්ජිස්සන්ති.
(ක) යස්ස යත්ථ කුසලා ධම්මා න උප්පජ්ජිස්සන්ති තස්ස තත්ථ අබ්‍යාකතා ධම්මා න උප්පජ්ජිස්සන්තීති?
අග්ගමග්ගසමඞ්ගීනං අරහන්තානං අසඤ්ඤසත්තානං තෙසං තත්ථ කුසලා ධම්මා න උප්පජ්ජිස්සන්ති, නො ච තෙසං තත්ථ අබ්‍යාකතා ධම්මා න උප්පජ්ජිස්සන්ති. පච්ඡිමචිත්තසමඞ්ගීනං තෙසං තත්ථ කුසලා ච ධම්මා න උප්පජ්ජිස්සන්ති අබ්‍යාකතා ච ධම්මා න උප්පජ්ජිස්සන්ති.
(ඛ) යස්ස වා පන යත්ථ අබ්‍යාකතා ධම්මා න උප්පජ්ජිස්සන්ති තස්ස තත්ථ කුසලා ධම්මා න උප්පජ්ජිස්සන්තීති? ආමන්තා.
68. (ක) යස්ස යත්ථ අකුසලා ධම්මා න උප්පජ්ජිස්සන්ති තස්ස තත්ථ අබ්‍යාකතා ධම්මා න උප්පජ්ජිස්සන්තීති?
අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ අකුසලා ධම්මා න උප්පජ්ජිස්සන්ති, නො ච තෙසං තත්ථ අබ්‍යාකතා ධම්මා න උප්පජ්ජිස්සන්ති. පච්ඡිමචිත්තසමඞ්ගීනං තෙසං තත්ථ අකුසලා ච ධම්මා න උප්පජ්ජිස්සන්ති අබ්‍යාකතා ච ධම්මා න උප්පජ්ජිස්සන්ති.
(ඛ) යස්ස වා පන යත්ථ අබ්‍යාකතා ධම්මා න උප්පජ්ජිස්සන්ති තස්ස තත්ථ අකුසලා ධම්මා න උප්පජ්ජිස්සන්තීති? ආමන්තා.