(1) පච්චුප්පන්නවාරො
(ක) අනුලොමපුග්ගලො
33. (ක) යස්ස කුසලා ධම්මා උප්පජ්ජන්ති තස්ස අකුසලා ධම්මා උප්පජ්ජන්තීති? නො.
(ඛ) යස්ස වා පන අකුසලා ධම්මා උප්පජ්ජන්ති තස්ස කුසලා ධම්මා උප්පජ්ජන්තීති? නො.
(ක) යස්ස කුසලා ධම්මා උප්පජ්ජන්ති තස්ස අබ්‍යාකතා ධම්මා උප්පජ්ජන්තීති?
අරූපෙ කුසලානං උප්පාදක්ඛණෙ තෙසං කුසලා ධම්මා උප්පජ්ජන්ති, නො ච තෙසං අබ්‍යාකතා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං කුසලා ච ධම්මා උප්පජ්ජන්ති අබ්‍යාකතා ච ධම්මා උප්පජ්ජන්ති.
(ඛ) යස්ස වා පන අබ්‍යාකතා ධම්මා උප්පජ්ජන්ති තස්ස කුසලා ධම්මා උප්පජ්ජන්තීති?
සබ්බෙසං උපපජ්ජන්තානං පවත්තෙ කුසලවිප්පයුත්තචිත්තස්ස උප්පාදක්ඛණෙ තෙසං අබ්‍යාකතා ධම්මා උප්පජ්ජන්ති, නො ච තෙසං කුසලා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං අබ්‍යාකතා ච ධම්මා උප්පජ්ජන්ති කුසලා ච ධම්මා උප්පජ්ජන්ති.
34. (ක) යස්ස අකුසලා ධම්මා උප්පජ්ජන්ති තස්ස අබ්‍යාකතා ධම්මා උප්පජ්ජන්තීති?
අරූපෙ අකුසලානං උප්පාදක්ඛණෙ තෙසං අකුසලා ධම්මා උප්පජ්ජන්ති, නො ච තෙසං අබ්‍යාකතා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං අකුසලා ච ධම්මා උප්පජ්ජන්ති අබ්‍යාකතා ච ධම්මා උප්පජ්ජන්ති.
(ඛ) යස්ස වා පන අබ්‍යාකතා ධම්මා උප්පජ්ජන්ති තස්ස අකුසලා ධම්මා උප්පජ්ජන්තීති?
සබ්බෙසං උපපජ්ජන්තානං පවත්තෙ අකුසලවිප්පයුත්තචිත්තස්ස උප්පාදක්ඛණෙ තෙසං අබ්‍යාකතා ධම්මා උප්පජ්ජන්ති, නො ච තෙසං අකුසලා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං අබ්‍යාකතා ච ධම්මා උප්පජ්ජන්ති අකුසලා ච ධම්මා උප්පජ්ජන්ති.
(ඛ) අනුලොමඔකාසො
35. (ක) යත්ථ කුසලා ධම්මා උප්පජ්ජන්ති තත්ථ අකුසලා ධම්මා උප්පජ්ජන්තීති? ආමන්තා.
(ඛ) යත්ථ වා පන අකුසලා ධම්මා උප්පජ්ජන්ති තත්ථ කුසලා ධම්මා උප්පජ්ජන්තීති? ආමන්තා.
(ක) යත්ථ කුසලා ධම්මා උප්පජ්ජන්ති තත්ථ අබ්‍යාකතා ධම්මා උප්පජ්ජන්තීති? ආමන්තා.
(ඛ) යත්ථ වා පන අබ්‍යාකතා ධම්මා උප්පජ්ජන්ති තත්ථ කුසලා ධම්මා උප්පජ්ජන්තීති?
අසඤ්ඤසත්තෙ තත්ථ අබ්‍යාකතා ධම්මා උප්පජ්ජන්ති, නො ච තත්ථ කුසලා ධම්මා උප්පජ්ජන්ති. චතුවොකාරෙ පඤ්චවොකාරෙ තත්ථ අබ්‍යාකතා ච ධම්මා උප්පජ්ජන්ති කුසලා ච ධම්මා උප්පජ්ජන්ති.
36. (ක) යත්ථ අකුසලා ධම්මා උප්පජ්ජන්ති තත්ථ අබ්‍යාකතා ධම්මා උප්පජ්ජන්තීති? ආමන්තා.
(ඛ) යත්ථ වා පන අබ්‍යාකතා ධම්මා උප්පජ්ජන්ති තත්ථ අකුසලා ධම්මා උප්පජ්ජන්තීති?
අසඤ්ඤසත්තෙ තත්ථ අබ්‍යාකතා ධම්මා උප්පජ්ජන්ති, නො ච තත්ථ අකුසලා ධම්මා උප්පජ්ජන්ති. චතුවොකාරෙ පඤ්චවොකාරෙ තත්ථ අබ්‍යාකතා ච ධම්මා උප්පජ්ජන්ති අකුසලා ච ධම්මා උප්පජ්ජන්ති.
(ග) අනුලොමපුග්ගලොකාසා
37. (ක) යස්ස යත්ථ කුසලා ධම්මා උප්පජ්ජන්ති තස්ස තත්ථ අකුසලා ධම්මා උප්පජ්ජන්තීති? නො.
(ඛ) යස්ස වා පන යත්ථ අකුසලා ධම්මා උප්පජ්ජන්ති තස්ස තත්ථ කුසලා ධම්මා උප්පජ්ජන්තීති? නො.
(ක) යස්ස යත්ථ කුසලා ධම්මා උප්පජ්ජන්ති තස්ස තත්ථ අබ්‍යාකතා ධම්මා උප්පජ්ජන්තීති?
අරූපෙ කුසලානං උප්පාදක්ඛණෙ තෙසං තත්ථ කුසලා ධම්මා උප්පජ්ජන්ති, නො ච තෙසං තත්ථ අබ්‍යාකතා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං තත්ථ කුසලා ච ධම්මා උප්පජ්ජන්ති අබ්‍යාකතා ච ධම්මා උප්පජ්ජන්ති.
(ඛ) යස්ස වා පන යත්ථ අබ්‍යාකතා ධම්මා උප්පජ්ජන්ති තස්ස තත්ථ කුසලා ධම්මා උප්පජ්ජන්තීති?
සබ්බෙසං උපපජ්ජන්තානං පවත්තෙ කුසලවිප්පයුත්තචිත්තස්ස උප්පාදක්ඛණෙ තෙසං තත්ථ අබ්‍යාකතා ධම්මා උප්පජ්ජන්ති, නො ච තෙසං තත්ථ කුසලා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං තත්ථ අබ්‍යාකතා ච ධම්මා උප්පජ්ජන්ති කුසලා ච ධම්මා උප්පජ්ජන්ති.
38. (ක) යස්ස යත්ථ අකුසලා ධම්මා උප්පජ්ජන්ති තස්ස තත්ථ අබ්‍යාකතා ධම්මා උප්පජ්ජන්තීති?
අරූපෙ අකුසලානං උප්පාදක්ඛණෙ තෙසං තත්ථ අකුසලා ධම්මා උප්පජ්ජන්ති, නො ච තෙසං තත්ථ අබ්‍යාකතා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං තත්ථ අකුසලා ච ධම්මා උප්පජ්ජන්ති අබ්‍යාකතා ච ධම්මා උප්පජ්ජන්ති.
(ඛ) යස්ස වා පන යත්ථ අබ්‍යාකතා ධම්මා උප්පජ්ජන්ති තස්ස තත්ථ අකුසලා ධම්මා උප්පජ්ජන්තීති?
සබ්බෙසං උපපජ්ජන්තානං පවත්තෙ අකුසලවිප්පයුත්තචිත්තස්ස උප්පාදක්ඛණෙ තෙසං තත්ථ අබ්‍යාකතා ධම්මා උප්පජ්ජන්ති, නො ච තෙසං තත්ථ අකුසලා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං තත්ථ අබ්‍යාකතා ච ධම්මා උප්පජ්ජන්ති අකුසලා ච ධම්මා උප්පජ්ජන්ති.
(ඝ) පච්චනීකපුග්ගලො
39. (ක) යස්ස කුසලා ධම්මා න උප්පජ්ජන්ති තස්ස අකුසලා ධම්මා න උප්පජ්ජන්තීති?
අකුසලානං උප්පාදක්ඛණෙ තෙසං කුසලා ධම්මා න උප්පජ්ජන්ති, නො ච තෙසං අකුසලා ධම්මා න උප්පජ්ජන්ති. සබ්බෙසං චිත්තස්ස භඞ්ගක්ඛණෙ කුසලවිප්පයුත්තඅකුසලවිප්පයුත්තචිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං කුසලා ච ධම්මා න උප්පජ්ජන්ති අකුසලා ච ධම්මා න උප්පජ්ජන්ති.
(ඛ) යස්ස වා පන අකුසලා ධම්මා න උප්පජ්ජන්ති තස්ස කුසලා ධම්මා න උප්පජ්ජන්තීති?
කුසලානං උප්පාදක්ඛණෙ තෙසං අකුසලා ධම්මා න උප්පජ්ජන්ති, නො ච තෙසං කුසලා ධම්මා න උප්පජ්ජන්ති. සබ්බෙසං චිත්තස්ස භඞ්ගක්ඛණෙ අකුසලවිප්පයුත්තකුසලවිප්පයුත්තචිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං අකුසලා ච ධම්මා න උප්පජ්ජන්ති කුසලා ච ධම්මා න උප්පජ්ජන්ති.
(ක) යස්ස කුසලා ධම්මා න උප්පජ්ජන්ති තස්ස අබ්‍යාකතා ධම්මා න උප්පජ්ජන්තීති?
සබ්බෙසං උපපජ්ජන්තානං පවත්තෙ කුසලවිප්පයුත්තචිත්තස්ස උප්පාදක්ඛණෙ තෙසං කුසලා ධම්මා න උප්පජ්ජන්ති, නො ච තෙසං අබ්‍යාකතා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අකුසලානං උප්පාදක්ඛණෙ තෙසං කුසලා ච ධම්මා න උප්පජ්ජන්ති අබ්‍යාකතා ච ධම්මා න උප්පජ්ජන්ති.
(ඛ) යස්ස වා පන අබ්‍යාකතා ධම්මා න උප්පජ්ජන්ති තස්ස කුසලා ධම්මා න උප්පජ්ජන්තීති?
අරූපෙ කුසලානං උප්පාදක්ඛණෙ තෙසං අබ්‍යාකතා ධම්මා න උප්පජ්ජන්ති, නො ච තෙසං කුසලා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අකුසලානං උප්පාදක්ඛණෙ තෙසං අබ්‍යාකතා ච ධම්මා න උප්පජ්ජන්ති කුසලා ච ධම්මා න උප්පජ්ජන්ති.
40. (ක) යස්ස අකුසලා ධම්මා න උප්පජ්ජන්ති තස්ස අබ්‍යාකතා ධම්මා න උප්පජ්ජන්තීති?
සබ්බෙසං උපපජ්ජන්තානං පවත්තෙ අකුසලවිප්පයුත්තචිත්තස්ස උප්පාදක්ඛණෙ තෙසං අකුසලා ධම්මා න උප්පජ්ජන්ති, නො ච තෙසං අබ්‍යාකතා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ කුසලානං උප්පාදක්ඛණෙ තෙසං අකුසලා ච ධම්මා න උප්පජ්ජන්ති අබ්‍යාකතා ච ධම්මා න උප්පජ්ජන්ති.
(ඛ) යස්ස වා පන අබ්‍යාකතා ධම්මා න උප්පජ්ජන්ති තස්ස අකුසලා ධම්මා න උප්පජ්ජන්තීති?
අරූපෙ අකුසලානං උප්පාදක්ඛණෙ තෙසං අබ්‍යාකතා ධම්මා න උප්පජ්ජන්ති, නො ච තෙසං අකුසලා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ කුසලානං උප්පාදක්ඛණෙ තෙසං අබ්‍යාකතා ච ධම්මා න උප්පජ්ජන්ති අකුසලා ච ධම්මා න උප්පජ්ජන්ති.
(ඞ) පච්චනීකඔකාසො
41. (ක) යත්ථ කුසලා ධම්මා න උප්පජ්ජන්ති තත්ථ අකුසලා ධම්මා න උප්පජ්ජන්තීති? ආමන්තා.
(ඛ) යත්ථ වා පන අකුසලා ධම්මා න උප්පජ්ජන්ති තත්ථ කුසලා ධම්මා න උප්පජ්ජන්තීති? ආමන්තා.
(ක) යත්ථ කුසලා ධම්මා න උප්පජ්ජන්ති තත්ථ අබ්‍යාකතා ධම්මා න උප්පජ්ජන්තීති? උප්පජ්ජන්ති.
(ඛ) යත්ථ වා පන අබ්‍යාකතා ධම්මා න උප්පජ්ජන්ති තත්ථ කුසලා ධම්මා න උප්පජ්ජන්තීති? නත්ථි.
42. (ක) යත්ථ අකුසලා ධම්මා න උප්පජ්ජන්ති තත්ථ අබ්‍යාකතා ධම්මා න උප්පජ්ජන්තීති? උප්පජ්ජන්ති.
(ඛ) යත්ථ වා පන අබ්‍යාකතා ධම්මා න උප්පජ්ජන්ති තත්ථ අකුසලා ධම්මා න උප්පජ්ජන්තීති? නත්ථි.
(ච) පච්චනීකපුග්ගලොකාසා
43. (ක) යස්ස යත්ථ කුසලා ධම්මා න උප්පජ්ජන්ති තස්ස තත්ථ අකුසලා ධම්මා න උප්පජ්ජන්තීති?
අකුසලානං උප්පාදක්ඛණෙ තෙසං තත්ථ කුසලා ධම්මා න උප්පජ්ජන්ති, නො ච තෙසං තත්ථ අකුසලා ධම්මා න උප්පජ්ජන්ති. සබ්බෙසං චිත්තස්ස භඞ්ගක්ඛණෙ කුසලවිප්පයුත්තඅකුසලවිප්පයුත්තචිත්තස්ස උප්පාදක්ඛණෙ අසඤ්ඤසත්තානං තෙසං තත්ථ කුසලා ච ධම්මා න උප්පජ්ජන්ති අකුසලා ච ධම්මා න උප්පජ්ජන්ති.
(ඛ) යස්ස වා පන යත්ථ අකුසලා ධම්මා න උප්පජ්ජන්ති තස්ස තත්ථ කුසලා ධම්මා න උප්පජ්ජන්තීති?
කුසලානං උප්පාදක්ඛණෙ තෙසං තත්ථ අකුසලා ධම්මා න උප්පජ්ජන්ති, නො ච තෙසං තත්ථ කුසලා ධම්මා න උප්පජ්ජන්ති. සබ්බෙසං චිත්තස්ස භඞ්ගක්ඛණෙ අකුසලවිප්පයුත්තකුසලවිප්පයුත්තචිත්තස්ස උප්පාදක්ඛණෙ අසඤ්ඤසත්තානං තෙසං තත්ථ අකුසලා ච ධම්මා න උප්පජ්ජන්ති කුසලා ච ධම්මා න උප්පජ්ජන්ති.
(ක) යස්ස යත්ථ කුසලා ධම්මා න උප්පජ්ජන්ති තස්ස තත්ථ අබ්‍යාකතා ධම්මා න උප්පජ්ජන්තීති?
සබ්බෙසං උපපජ්ජන්තානං පවත්තෙ කුසලවිප්පයුත්තචිත්තස්ස උප්පාදක්ඛණෙ තෙසං තත්ථ කුසලා ධම්මා න උප්පජ්ජන්ති, නො ච තෙසං තත්ථ අබ්‍යාකතා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අකුසලානං උප්පාදක්ඛණෙ තෙසං තත්ථ කුසලා ච ධම්මා න උප්පජ්ජන්ති අබ්‍යාකතා ච ධම්මා න උප්පජ්ජන්ති.
(ඛ) යස්ස වා පන යත්ථ අබ්‍යාකතා ධම්මා න උප්පජ්ජන්ති තස්ස තත්ථ කුසලා ධම්මා න උප්පජ්ජන්තීති?
අරූපෙ කුසලානං උප්පාදක්ඛණෙ තෙසං තත්ථ අබ්‍යාකතා ධම්මා න උප්පජ්ජන්ති, නො ච තෙසං තත්ථ කුසලා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අකුසලානං උප්පාදක්ඛණෙ තෙසං තත්ථ අබ්‍යාකතා ච ධම්මා න උප්පජ්ජන්ති කුසලා ච ධම්මා න උප්පජ්ජන්ති.
44. (ක) යස්ස යත්ථ අකුසලා ධම්මා න උප්පජ්ජන්ති තස්ස තත්ථ අබ්‍යාකතා ධම්මා න උප්පජ්ජන්තීති?
සබ්බෙසං උපපජ්ජන්තානං පවත්තෙ අකුසලවිප්පයුත්තචිත්තස්ස උප්පාදක්ඛණෙ තෙසං තත්ථ අකුසලා ධම්මා න උප්පජ්ජන්ති, නො ච තෙසං තත්ථ අබ්‍යාකතා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ කුසලානං උප්පාදක්ඛණෙ තෙසං තත්ථ අකුසලා ච ධම්මා න උප්පජ්ජන්ති අබ්‍යාකතා ච ධම්මා න උප්පජ්ජන්ති.
(ඛ) යස්ස වා පන යත්ථ අබ්‍යාකතා ධම්මා න උප්පජ්ජන්ති තස්ස තත්ථ අකුසලා ධම්මා න උප්පජ්ජන්තීති?
අරූපෙ අකුසලානං උප්පාදක්ඛණෙ තෙසං තත්ථ අබ්‍යාකතා ධම්මා න උප්පජ්ජන්ති, නො ච තෙසං තත්ථ අකුසලා ධම්මා න උප්පජ්ජන්ති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ කුසලානං උප්පාදක්ඛණෙ තෙසං තත්ථ අබ්‍යාකතා ච ධම්මා න උප්පජ්ජන්ති අකුසලා ච ධම්මා න උප්පජ්ජන්ති.