(4) පච්චුප්පන්නාතීතවාරො

(ක) අනුලොමපුග්ගලො

147. (ක) යස්ස කායසඞ්ඛාරො උප්පජ්ජති තස්ස වචීසඞ්ඛාරො නිරුජ්ඣිත්ථාති? ආමන්තා.

(ඛ) යස්ස වා පන වචීසඞ්ඛාරො නිරුජ්ඣිත්ථ තස්ස කායසඞ්ඛාරො උප්පජ්ජතීති?

සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං වචීසඞ්ඛාරො නිරුජ්ඣිත්ථ, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං වචීසඞ්ඛාරො ච නිරුජ්ඣිත්ථ කායසඞ්ඛාරො ච උප්පජ්ජති.

(යථා උප්පාදවාරෙ පච්චුප්පන්නාතීතා පුච්ඡා අනුලොමම්පි පච්චනීකම්පි විභත්තා එවං උප්පාදවාරනිරොධවාරෙපි පච්චුප්පන්නාතීතා පුච්ඡා අනුලොමම්පි පච්චනීකම්පි විභජිතබ්බා.)