(6) අතීතානාගතවාරො
(ක) අනුලොමපුග්ගලො
118. (ක) යස්ස කායසඞ්ඛාරො නිරුජ්ඣිත්ථ තස්ස වචීසඞ්ඛාරො නිරුජ්ඣිස්සතීති?
සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං කායසඞ්ඛාරො නිරුජ්ඣිත්ථ, නො ච තෙසං වචීසඞ්ඛාරො නිරුජ්ඣිස්සති. ඉතරෙසං තෙසං කායසඞ්ඛාරො ච නිරුජ්ඣිත්ථ වචීසඞ්ඛාරො ච නිරුජ්ඣිස්සති.
(ඛ) යස්ස වා පන…පෙ…? ආමන්තා.
(ක) යස්ස කායසඞ්ඛාරො නිරුජ්ඣිත්ථ තස්ස චිත්තසඞ්ඛාරො නිරුජ්ඣිස්සතීති?
පච්ඡිමචිත්තස්ස භඞ්ගක්ඛණෙ තෙසං කායසඞ්ඛාරො නිරුජ්ඣිත්ථ, නො ච තෙසං චිත්තසඞ්ඛාරො නිරුජ්ඣිස්සති. ඉතරෙසං තෙසං කායසඞ්ඛාරො ච නිරුජ්ඣිත්ථ චිත්තසඞ්ඛාරො ච නිරුජ්ඣිස්සති.
(ඛ) යස්ස වා පන…පෙ…? ආමන්තා.
119. (ක) යස්ස වචීසඞ්ඛාරො නිරුජ්ඣිත්ථ තස්ස චිත්තසඞ්ඛාරො නිරුජ්ඣිස්සතීති?
පච්ඡිමචිත්තස්ස භඞ්ගක්ඛණෙ තෙසං වචීසඞ්ඛාරො නිරුජ්ඣිත්ථ, නො ච තෙසං චිත්තසඞ්ඛාරො නිරුජ්ඣිස්සති. ඉතරෙසං තෙසං වචීසඞ්ඛාරො ච නිරුජ්ඣිත්ථ චිත්තසඞ්ඛාරො ච නිරුජ්ඣිස්සති.
(ඛ) යස්ස වා පන…පෙ…? ආමන්තා.
(ඛ) අනුලොමඔකාසො
120. යත්ථ කායසඞ්ඛාරො නිරුජ්ඣිත්ථ…පෙ….
(ග) අනුලොමපුග්ගලොකාසා
121. (ක) යස්ස යත්ථ කායසඞ්ඛාරො නිරුජ්ඣිත්ථ තස්ස තත්ථ වචීසඞ්ඛාරො නිරුජ්ඣිස්සතීති?
කාමාවචරෙ පච්ඡිමචිත්තස්ස භඞ්ගක්ඛණෙ දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො නිරුජ්ඣිත්ථ, නො ච තෙසං තත්ථ වචීසඞ්ඛාරො නිරුජ්ඣිස්සති. පඨමජ්ඣානං සමාපන්නානං ඉතරෙසං කාමාවචරානං තෙසං තත්ථ කායසඞ්ඛාරො න නිරුජ්ඣිත්ථ වචීසඞ්ඛාරො ච නිරුජ්ඣිස්සති.
(ඛ) යස්ස වා පන යත්ථ වචීසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො නිරුජ්ඣිත්ථාති?
රූපාවචරානං අරූපාවචරානං තෙසං තත්ථ වචීසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො නිරුජ්ඣිත්ථ. පඨමජ්ඣානං සමාපන්නානං කාමාවචරානං තෙසං තත්ථ වචීසඞ්ඛාරො ච නිරුජ්ඣිස්සති කායසඞ්ඛාරො ච නිරුජ්ඣිත්ථ.
(ක) යස්ස යත්ථ කායසඞ්ඛාරො නිරුජ්ඣිත්ථ තස්ස තත්ථ චිත්තසඞ්ඛාරො නිරුජ්ඣිස්සතීති?
කාමාවචරෙ පච්ඡිමචිත්තස්ස භඞ්ගක්ඛණෙ තෙසං තත්ථ කායසඞ්ඛාරො නිරුජ්ඣිත්ථ, නො ච තෙසං තත්ථ චිත්තසඞ්ඛාරො නිරුජ්ඣිස්සති. පඨමජ්ඣානං දුතියජ්ඣානං තතියජ්ඣානං සමාපන්නානං ඉතරෙසං කාමාවචරානං තෙසං තත්ථ කායසඞ්ඛාරො ච නිරුජ්ඣිත්ථ චිත්තසඞ්ඛාරො ච නිරුජ්ඣිස්සති.
(ඛ) යස්ස වා පන යත්ථ චිත්තසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො නිරුජ්ඣිත්ථාති?
චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ චිත්තසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො නිරුජ්ඣිත්ථ. පඨමජ්ඣානං දුතියජ්ඣානං තතියජ්ඣානං සමාපන්නානං කාමාවචරානං තෙසං තත්ථ චිත්තසඞ්ඛාරො ච නිරුජ්ඣිස්සති කායසඞ්ඛාරො ච නිරුජ්ඣිත්ථ.
122. (ක) යස්ස යත්ථ වචීසඞ්ඛාරො නිරුජ්ඣිත්ථ තස්ස තත්ථ චිත්තසඞ්ඛාරො නිරුජ්ඣිස්සතීති?
සවිතක්කසවිචාරභූමියං පච්ඡිමචිත්තස්ස භඞ්ගක්ඛණෙ තෙසං තත්ථ වචීසඞ්ඛාරො නිරුජ්ඣිත්ථ, නො ච තෙසං තත්ථ චිත්තසඞ්ඛාරො නිරුජ්ඣිස්සති. ඉතරෙසං සවිතක්කසවිචාරභූමියං තෙසං තත්ථ වචීසඞ්ඛාරො ච නිරුජ්ඣිත්ථ චිත්තසඞ්ඛාරො ච නිරුජ්ඣිස්සති.
(ඛ) යස්ස වා පන යත්ථ චිත්තසඞ්ඛාරො නිරුජ්ඣිස්සති තස්ස තත්ථ වචීසඞ්ඛාරො නිරුජ්ඣිත්ථාති?
අවිතක්කඅවිචාරභූමියං තෙසං තත්ථ චිත්තසඞ්ඛාරො නිරුජ්ඣිස්සති, නො ච තෙසං තත්ථ වචීසඞ්ඛාරො නිරුජ්ඣිත්ථ. සවිතක්කසවිචාරභූමියං තෙසං තත්ථ චිත්තසඞ්ඛාරො ච නිරුජ්ඣිස්සති වචීසඞ්ඛාරො ච නිරුජ්ඣිත්ථ.
(ඝ) පච්චනීකපුග්ගලො
123. (ක) යස්ස කායසඞ්ඛාරො න නිරුජ්ඣිත්ථ තස්ස වචීසඞ්ඛාරො න නිරුජ්ඣිස්සතීති? නත්ථි.
(ඛ) යස්ස වා පන වචීසඞ්ඛාරො න නිරුජ්ඣිස්සති තස්ස කායසඞ්ඛාරො න නිරුජ්ඣිත්ථාති? නිරුජ්ඣිත්ථ.
(ක) යස්ස කායසඞ්ඛාරො න නිරුජ්ඣිත්ථ තස්ස චිත්තසඞ්ඛාරො න නිරුජ්ඣිස්සතීති? නත්ථි.
(ඛ) යස්ස වා පන චිත්තසඞ්ඛාරො න නිරුජ්ඣිස්සති තස්ස කායසඞ්ඛාරො න නිරුජ්ඣිත්ථාති? නිරුජ්ඣිත්ථ.
124. (ක) යස්ස වචීසඞ්ඛාරො න නිරුජ්ඣිත්ථ තස්ස චිත්තසඞ්ඛාරො න නිරුජ්ඣිස්සතීති? නත්ථි.
(ඛ) යස්ස වා පන චිත්තසඞ්ඛාරො න නිරුජ්ඣිස්සති තස්ස වචීසඞ්ඛාරො න නිරුජ්ඣිත්ථාති? නිරුජ්ඣිත්ථ.
(ඞ) පච්චනීකඔකාසො
125. යත්ථ කායසඞ්ඛාරො න නිරුජ්ඣිත්ථ…පෙ….
(ච) පච්චනීකපුග්ගලොකාසා
126. (ක) යස්ස යත්ථ කායසඞ්ඛාරො න නිරුජ්ඣිත්ථ තස්ස තත්ථ වචීසඞ්ඛාරො න නිරුජ්ඣිස්සතීති?
රූපාවචරානං අරූපාවචරානං තෙසං තත්ථ කායසඞ්ඛාරො න නිරුජ්ඣිත්ථ, නො ච තෙසං තත්ථ වචීසඞ්ඛාරො න නිරුජ්ඣිස්සති. රූපාවචරෙ අරූපාවචරෙ සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති චතුත්ථජ්ඣානං සමාපන්නානං අසඤ්ඤසත්තානං තෙසං තත්ථ කායසඞ්ඛාරො ච න නිරුජ්ඣිත්ථ වචීසඞ්ඛාරො ච න නිරුජ්ඣිස්සති.
(ඛ) යස්ස වා පන යත්ථ වචීසඞ්ඛාරො න නිරුජ්ඣිස්සති තස්ස තත්ථ කායසඞ්ඛාරො න නිරුජ්ඣිත්ථාති?
කාමාවචරෙ පච්ඡිමචිත්තස්ස භඞ්ගක්ඛණෙ දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො න නිරුජ්ඣිස්සති, නො ච තෙසං තත්ථ කායසඞ්ඛාරො න නිරුජ්ඣිත්ථ. රූපාවචරෙ අරූපාවචරෙ සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති චතුත්ථජ්ඣානං සමාපන්නානං අසඤ්ඤසත්තානං තෙසං තත්ථ වචීසඞ්ඛාරො ච න නිරුජ්ඣිස්සති කායසඞ්ඛාරො ච න නිරුජ්ඣිත්ථ.
(ක) යස්ස යත්ථ කායසඞ්ඛාරො න නිරුජ්ඣිත්ථ තස්ස තත්ථ චිත්තසඞ්ඛාරො න නිරුජ්ඣිස්සතීති?
චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ කායසඞ්ඛාරො න නිරුජ්ඣිත්ථ, නො ච තෙසං තත්ථ චිත්තසඞ්ඛාරො න නිරුජ්ඣිස්සති. රූපාවචරෙ අරූපාවචරෙ පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ කායසඞ්ඛාරො ච න නිරුජ්ඣිත්ථ චිත්තසඞ්ඛාරො ච න නිරුජ්ඣිස්සති.
(ඛ) යස්ස වා පන යත්ථ චිත්තසඞ්ඛාරො න නිරුජ්ඣිස්සති තස්ස තත්ථ කායසඞ්ඛාරො න නිරුජ්ඣිත්ථාති?
කාමාවචරෙ පච්ඡිමචිත්තස්ස භඞ්ගක්ඛණෙ තෙසං තත්ථ චිත්තසඞ්ඛාරො න නිරුජ්ඣිස්සති, නො ච තෙසං තත්ථ කායසඞ්ඛාරො න නිරුජ්ඣිත්ථ. රූපාවචරෙ අරූපාවචරෙ පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ චිත්තසඞ්ඛාරො ච න නිරුජ්ඣිස්සති කායසඞ්ඛාරො ච න නිරුජ්ඣිත්ථ.
127. (ක) යස්ස යත්ථ වචීසඞ්ඛාරො න නිරුජ්ඣිත්ථ තස්ස තත්ථ චිත්තසඞ්ඛාරො න නිරුජ්ඣිස්සතීති?
අවිතක්කඅවිචාරභූමියං තෙසං තත්ථ වචීසඞ්ඛාරො න නිරුජ්ඣිත්ථ, නො ච තෙසං තත්ථ චිත්තසඞ්ඛාරො න නිරුජ්ඣිස්සති. අවිතක්කඅවිචාරභූමියං පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ වචීසඞ්ඛාරො ච න නිරුජ්ඣිත්ථ චිත්තසඞ්ඛාරො ච න නිරුජ්ඣිස්සති.
(ඛ) යස්ස වා පන යත්ථ චිත්තසඞ්ඛාරො න නිරුජ්ඣිස්සති තස්ස තත්ථ වචීසඞ්ඛාරො න නිරුජ්ඣිත්ථාති?
සවිතක්කසවිචාරභූමියං පච්ඡිමචිත්තස්ස භඞ්ගක්ඛණෙ තෙසං තත්ථ චිත්තසඞ්ඛාරො න නිරුජ්ඣිස්සති, නො ච තෙසං තත්ථ වචීසඞ්ඛාරො න නිරුජ්ඣිත්ථ. අවිතක්කඅවිචාරභූමියං පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ චිත්තසඞ්ඛාරො ච න නිරුජ්ඣිස්සති වචීසඞ්ඛාරො ච න නිරුජ්ඣිත්ථ.
නිරොධවාරො.