6. අතීතානාගතවාරො
254. (ක) යො චක්ඛායතනං පරිජානිත්ථ සො සොතායතනං පරිජානිස්සතීති? නො.
(ඛ) යො වා පන සොතායතනං පරිජානිස්සති සො චක්ඛායතනං පරිජානිත්ථාති? නො.
(ක) යො චක්ඛායතනං න පරිජානිත්ථ සො සොතායතනං න පරිජානිස්සතීති?
යෙ මග්ගං පටිලභිස්සන්ති තෙ චක්ඛායතනං න පරිජානිත්ථ, නො ච සොතායතනං න පරිජානිස්සන්ති. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ චක්ඛායතනඤ්ච න පරිජානිත්ථ සොතායතනඤ්ච න පරිජානිස්සන්ති.
(ඛ) යො වා පන සොතායතනං න පරිජානිස්සති සො චක්ඛායතනං න පරිජානිත්ථාති?
අරහා සොතායතනං න පරිජානිස්සති, නො ච චක්ඛායතනං න පරිජානිත්ථ. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ සොතායතනඤ්ච න පරිජානිස්සන්ති චක්ඛායතනඤ්ච න පරිජානිත්ථ.
පරිඤ්ඤාවාරො.
ආයතනයමකං නිට්ඨිතං.
නමො තස්ස භගවතො අරහතො සම්මාසම්බුද්ධස්ස