5. පච්චුප්පන්නානාගතවාරො

253. (ක) යො චක්ඛායතනං පරිජානාති සො සොතායතනං පරිජානිස්සතීති? නො.

(ඛ) යො වා පන සොතායතනං පරිජානිස්සති සො චක්ඛායතනං පරිජානාතීති? නො.

(ක) යො චක්ඛායතනං න පරිජානාති සො සොතායතනං න පරිජානිස්සතීති?

යෙ මග්ගං පටිලභිස්සන්ති තෙ චක්ඛායතනං න පරිජානන්ති, නො ච සොතායතනං න පරිජානිස්සන්ති. අරහා යෙ ච පුථුජ්ජනා මග්ගං න පටිලභිස්සන්ති තෙ චක්ඛායතනඤ්ච න පරිජානන්ති සොතායතනඤ්ච න පරිජානිස්සන්ති.

(ඛ) යො වා පන සොතායතනං න පරිජානිස්සති සො චක්ඛායතනං න පරිජානාතීති?

අග්ගමග්ගසමඞ්ගී සොතායතනං න පරිජානිස්සති, නො ච චක්ඛායතනං න පරිජානාති. අරහා යෙ ච පුථුජ්ජනා මග්ගං න පටිලභිස්සන්ති තෙ සොතායතනඤ්ච න පරිජානිස්සන්ති චක්ඛායතනඤ්ච න පරිජානන්ති.