1-7. පටිච්චවාරාදි

පච්චයචතුක්කං

හෙතුපච්චයො

29. නහෙතුං නසනිදස්සනසප්පටිඝං ධම්මං පටිච්ච නහෙතු නසනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නසනිදස්සනසප්පටිඝං ධම්මං පටිච්ච නනහෙතු නසනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නසනිදස්සනසප්පටිඝං ධම්මං පටිච්ච නහෙතු නසනිදස්සනසප්පටිඝො ච නනහෙතු නසනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3)

නනහෙතුං නසනිදස්සනසප්පටිඝං ධම්මං පටිච්ච නනහෙතු නසනිදස්සනසප්පටිඝො ධම්මො උප්පජ්ජති හෙතුපච්චයා. නනහෙතුං නසනිදස්සනසප්පටිඝං ධම්මං පටිච්ච නහෙතු නසනිදස්සනසප්පටිඝො ධම්මො උප්පජ්ජති හෙතුපච්චයා. නනහෙතුං නසනිදස්සනසප්පටිඝං ධම්මං පටිච්ච නහෙතු නසනිදස්සනසප්පටිඝො ච නනහෙතු නසනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3)

නහෙතුං නසනිදස්සනසප්පටිඝඤ්ච නනහෙතුං නසනිදස්සනසප්පටිඝඤ්ච ධම්මං පටිච්ච නහෙතු නසනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නසනිදස්සනසප්පටිඝඤ්ච නනහෙතුං නසනිදස්සනසප්පටිඝඤ්ච ධම්මං පටිච්ච නනහෙතු නසනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නසනිදස්සනසප්පටිඝඤ්ච නනහෙතුං නසනිදස්සනසප්පටිඝඤ්ච ධම්මං පටිච්ච නහෙතු නසනිදස්සනසප්පටිඝො ච නනහෙතු නසනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව…පෙ… අවිගතෙ නව. (සබ්බත්ථ නව.)

30. නහෙතුං නඅනිදස්සනසප්පටිඝං ධම්මං පටිච්ච නහෙතු නඅනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නඅනිදස්සනසප්පටිඝං ධම්මං පටිච්ච නනහෙතු නඅනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නඅනිදස්සනසප්පටිඝං ධම්මං පටිච්ච නහෙතු නඅනිදස්සනසප්පටිඝො ච නනහෙතු නඅනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3)

නනහෙතුං නඅනිදස්සනසප්පටිඝං ධම්මං පටිච්ච නනහෙතු නඅනිදස්සනසප්පටිඝො ධම්මො උප්පජ්ජති හෙතුපච්චයා. නනහෙතුං නඅනිදස්සනසප්පටිඝං ධම්මං පටිච්ච නහෙතු නඅනිදස්සනසප්පටිඝො ධම්මො උප්පජ්ජති හෙතුපච්චයා. නනහෙතුං නඅනිදස්සනසප්පටිඝං ධම්මං පටිච්ච නහෙතු නඅනිදස්සනසප්පටිඝො ච නනහෙතු නඅනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3)

නහෙතුං නඅනිදස්සනසප්පටිඝඤ්ච නනහෙතුං නඅනිදස්සනසප්පටිඝඤ්ච ධම්මං පටිච්ච නහෙතු නඅනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නඅනිදස්සනසප්පටිඝඤ්ච නනහෙතුං නඅනිදස්සනසප්පටිඝඤ්ච ධම්මං පටිච්ච නනහෙතු නඅනිදස්සනසප්පටිඝො ධම්මො උප්පජ්ජති හෙතුපච්චයා. නහෙතුං නඅනිදස්සනසප්පටිඝඤ්ච නනහෙතුං නඅනිදස්සනසප්පටිඝඤ්ච ධම්මං පටිච්ච නහෙතු නඅනිදස්සනසප්පටිඝො ච නනහෙතු නඅනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව…පෙ… අවිගතෙ නව. (සහජාතවාරෙපි…පෙ… සම්පයුත්තවාරෙපි සබ්බත්ථ විත්ථාරො.)

හෙතු-ආරම්මණපච්චයා

31. නනහෙතු නඅනිදස්සනසප්පටිඝො ධම්මො නනහෙතුස්ස නඅනිදස්සනසප්පටිඝස්ස ධම්මස්ස හෙතුපච්චයෙන පච්චයො. නනහෙතු නඅනිදස්සනසප්පටිඝො ධම්මො නහෙතුස්ස නඅනිදස්සනසප්පටිඝස්ස ධම්මස්ස හෙතුපච්චයෙන පච්චයො. නනහෙතු නඅනිදස්සනසප්පටිඝො ධම්මො නහෙතුස්ස නඅනිදස්සනසප්පටිඝස්ස ච නනහෙතුස්ස නඅනිදස්සනසප්පටිඝස්ස ච ධම්මස්ස හෙතුපච්චයෙන පච්චයො. (3)

නහෙතු නඅනිදස්සනසප්පටිඝො ධම්මො නහෙතුස්ස නඅනිදස්සනසප්පටිඝස්ස ධම්මස්ස ආරම්මණපච්චයෙන පච්චයො. (සංඛිත්තං.)

හෙතුයා තීණි, ආරම්මණෙ නව…පෙ… උපනිස්සයෙ නව, පුරෙජාතෙ පච්ඡාජාතෙ තීණි, ආසෙවනෙ නව, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ සම්පයුත්තෙ නව, විප්පයුත්තෙ පඤ්ච…පෙ… අවිගතෙ නව. (පඤ්හාවාරං එවං විත්ථාරෙතබ්බං.)

32. නහෙතුං නඅනිදස්සනඅප්පටිඝං ධම්මං පටිච්ච නහෙතු නඅනිදස්සනඅප්පටිඝො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා එකං. (සබ්බත්ථ විත්ථාරො.)