2-3-1. සහෙතුකදුකාදි-කුසලත්තිකං
33. නසහෙතුකං නකුසලං ධම්මං පටිච්ච නසහෙතුකො නකුසලො ධම්මො උප්පජ්ජති හෙතුපච්චයා – විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං, එකං මහාභූතං පටිච්ච තයො මහාභූතා…පෙ… ද්වෙ මහාභූතෙ…පෙ… නසහෙතුකං නකුසලං ධම්මං පටිච්ච නඅහෙතුකො නකුසලො ධම්මො උප්පජ්ජති හෙතුපච්චයා – විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා; පටිසන්ධික්ඛණෙ වත්ථුං පටිච්ච සහෙතුකා ඛන්ධා. නසහෙතුකං නකුසලං ධම්මං පටිච්ච නසහෙතුකො නකුසලො ච නඅහෙතුකො නකුසලො ච ධම්මා උප්පජ්ජන්ති හෙතුපච්චයා. (3)
නඅහෙතුකං නකුසලං ධම්මං පටිච්ච නඅහෙතුකො නකුසලො ධම්මො උප්පජ්ජති හෙතුපච්චයා… තීණි.
නසහෙතුකං නකුසලඤ්ච නඅහෙතුකං නකුසලඤ්ච ධම්මං පටිච්ච නසහෙතුකො නකුසලො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව.
34. නසහෙතුකං නඅකුසලං ධම්මං පටිච්ච නසහෙතුකො නඅකුසලො ධම්මො උප්පජ්ජති හෙතුපච්චයා… තීණි.
නඅහෙතුකං නඅකුසලං ධම්මං පටිච්ච නඅහෙතුකො නඅකුසලො ධම්මො උප්පජ්ජති හෙතුපච්චයා… තීණි.
නසහෙතුකං නඅකුසලඤ්ච නඅහෙතුකං නඅකුසලඤ්ච ධම්මං පටිච්ච නසහෙතුකො නඅකුසලො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව.
35. නසහෙතුකං නඅබ්‍යාකතං ධම්මං පටිච්ච නඅහෙතුකො නඅබ්‍යාකතො ධම්මො උප්පජ්ජති හෙතුපච්චයා. (1)
නඅහෙතුකං නඅබ්‍යාකතං ධම්මං පටිච්ච නඅහෙතුකො නඅබ්‍යාකතො ධම්මො උප්පජ්ජති හෙතුපච්චයා. (1)
නසහෙතුකං නඅබ්‍යාකතඤ්ච නඅහෙතුකං නඅබ්‍යාකතඤ්ච ධම්මං පටිච්ච නඅහෙතුකො නඅබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි.
(හෙතුසම්පයුත්තදුකං සහෙතුකදුකසදිසං.)