1-7. පටිච්චවාරාදි

11. නහෙතුඤ්චෙව නඅහෙතුකඤ්ච ධම්මං පටිච්ච නහෙතු චෙව නඅහෙතුකො ච ධම්මො උප්පජ්ජති හෙතුපච්චයා. නහෙතුඤ්චෙව නඅහෙතුකඤ්ච ධම්මං පටිච්ච නඅහෙතුකො චෙව න නහෙතු ච ධම්මො උප්පජ්ජති හෙතුපච්චයා. නහෙතුඤ්චෙව නඅහෙතුකඤ්ච ධම්මං පටිච්ච නහෙතු චෙව නඅහෙතුකො ච නඅහෙතුකො චෙව න නහෙතු ච ධම්මා උප්පජ්ජන්ති හෙතුපච්චයා. (3)

නඅහෙතුකඤ්චෙව න නහෙතුඤ්ච ධම්මං පටිච්ච නඅහෙතුකො චෙව න නහෙතු ච ධම්මො උප්පජ්ජති හෙතුපච්චයා. නඅහෙතුකඤ්චෙව න නහෙතුඤ්ච ධම්මං පටිච්ච නහෙතු චෙව නඅහෙතුකො ච ධම්මො උප්පජ්ජති හෙතුපච්චයා. නඅහෙතුකඤ්චෙව න නහෙතුඤ්ච ධම්මං පටිච්ච නහෙතු චෙව නඅහෙතුකො ච නඅහෙතුකො චෙව න නහෙතු ච ධම්මා උප්පජ්ජන්ති හෙතුපච්චයා. (3)

නහෙතුඤ්චෙව නඅහෙතුකඤ්ච නඅහෙතුකඤ්චෙව න නහෙතුඤ්ච ධම්මං පටිච්ච නහෙතු චෙව නඅහෙතුකො ච ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා නව, ආරම්මණෙ නව…පෙ… අවිගතෙ නව.

(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)