5. හෙතුහෙතුසම්පයුත්තදුකං

1-7. පටිච්චවාරාදි

12. නහෙතුඤ්චෙව නහෙතුවිප්පයුත්තඤ්ච ධම්මං පටිච්ච නහෙතු චෙව නහෙතුවිප්පයුත්තො ච ධම්මො උප්පජ්ජති හෙතුපච්චයා. නහෙතුඤ්චෙව නහෙතුවිප්පයුත්තඤ්ච ධම්මං පටිච්ච නහෙතුවිප්පයුත්තො චෙව න නහෙතු ච ධම්මො උප්පජ්ජති හෙතුපච්චයා. නහෙතුඤ්චෙව නහෙතුවිප්පයුත්තඤ්ච ධම්මං පටිච්ච නහෙතු චෙව නහෙතුවිප්පයුත්තො ච නහෙතුවිප්පයුත්තො චෙව න නහෙතු ච ධම්මා උප්පජ්ජන්ති හෙතුපච්චයා. (3)

නහෙතුවිප්පයුත්තඤ්චෙව න නහෙතුඤ්ච ධම්මං පටිච්ච නහෙතුවිප්පයුත්තො චෙව න නහෙතු ච ධම්මො උප්පජ්ජති හෙතුපච්චයා. නහෙතුවිප්පයුත්තඤ්චෙව න නහෙතුඤ්ච ධම්මං පටිච්ච නහෙතු චෙව නහෙතුවිප්පයුත්තො ච ධම්මො උප්පජ්ජති හෙතුපච්චයා. නහෙතුවිප්පයුත්තඤ්චෙව න නහෙතුඤ්ච ධම්මං පටිච්ච නහෙතු චෙව නහෙතුවිප්පයුත්තො ච නහෙතුවිප්පයුත්තො චෙව න නහෙතු ච ධම්මා උප්පජ්ජන්ති හෙතුපච්චයා. (3)

නහෙතුඤ්චෙව නහෙතුවිප්පයුත්තඤ්ච නහෙතුවිප්පයුත්තඤ්චෙව න නහෙතුඤ්ච ධම්මං පටිච්ච නහෙතු චෙව නහෙතුවිප්පයුත්තො ච ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා නව…පෙ… අවිගතෙ නව. (සබ්බත්ථ විත්ථාරො.)