81. කිලෙසකිලෙසසම්පයුත්තදුකං

74. නකිලෙසඤ්චෙව නකිලෙසවිප්පයුත්තඤ්ච ධම්මං පටිච්ච නකිලෙසො චෙව නකිලෙසවිප්පයුත්තො ච ධම්මො උප්පජ්ජති හෙතුපච්චයා… තීණි.

නකිලෙසවිප්පයුත්තඤ්චෙව නනො ච කිලෙසං ධම්මං පටිච්ච නකිලෙසවිප්පයුත්තො චෙව නනො ච කිලෙසො ධම්මො උප්පජ්ජති හෙතුපච්චයා… තීණි.

නකිලෙසඤ්චෙව නකිලෙසවිප්පයුත්තඤ්ච නකිලෙසවිප්පයුත්තඤ්චෙව නනො ච කිලෙසඤ්ච ධම්මං පටිච්ච නකිලෙසො චෙව නකිලෙසවිප්පයුත්තො ච ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා නව.