82. කිලෙසවිප්පයුත්තසංකිලෙසිකදුකං

75. කිලෙසවිප්පයුත්තං නසංකිලෙසිකං ධම්මං පටිච්ච කිලෙසවිප්පයුත්තො නසංකිලෙසිකො ධම්මො උප්පජ්ජති හෙතුපච්චයා. කිලෙසවිප්පයුත්තං නසංකිලෙසිකං ධම්මං පටිච්ච කිලෙසවිප්පයුත්තො නඅසංකිලෙසිකො ධම්මො උප්පජ්ජති හෙතුපච්චයා. කිලෙසවිප්පයුත්තං නසංකිලෙසිකං ධම්මං පටිච්ච කිලෙසවිප්පයුත්තො නසංකිලෙසිකො ච කිලෙසවිප්පයුත්තො නඅසංකිලෙසිකො ච ධම්මා උප්පජ්ජන්ති හෙතුපච්චයා. (3)

කිලෙසවිප්පයුත්තං නඅසංකිලෙසිකං ධම්මං පටිච්ච කිලෙසවිප්පයුත්තො නඅසංකිලෙසිකො ධම්මො උප්පජ්ජති හෙතුපච්චයා. (1)

කිලෙසවිප්පයුත්තං නසංකිලෙසිකඤ්ච කිලෙසවිප්පයුත්තං නඅසංකිලෙසිකඤ්ච ධම්මං පටිච්ච කිලෙසවිප්පයුත්තො නඅසංකිලෙසිකො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච. (සබ්බත්ථ විත්ථාරො.)