50-54. පරාමාසාදිදුකානි

48. නොපරාමාසං ධම්මං පටිච්ච නොපරාමාසො ධම්මො උප්පජ්ජති හෙතුපච්චයා. (සංඛිත්තං.)

49. නපරාමට්ඨං ධම්මං පටිච්ච නපරාමට්ඨො ධම්මො උප්පජ්ජති හෙතුපච්චයා. (සංඛිත්තං.)

50. නපරාමාසසම්පයුත්තං ධම්මං පටිච්ච නපරාමාසසම්පයුත්තො ධම්මො උප්පජ්ජති හෙතුපච්චයා.

51. නපරාමාසඤ්චෙව නඅපරාමට්ඨඤ්ච ධම්මං පටිච්ච නපරාමාසො චෙව නඅපරාමට්ඨො ච ධම්මො උප්පජ්ජති හෙතුපච්චයා. නපරාමාසඤ්චෙව නඅපරාමට්ඨඤ්ච ධම්මං පටිච්ච නඅපරාමට්ඨො චෙව නනො ච පරාමාසො ධම්මො උප්පජ්ජති හෙතුපච්චයා. නපරාමාසඤ්චෙව නඅපරාමට්ඨඤ්ච ධම්මං පටිච්ච නපරාමාසො චෙව නඅපරාමට්ඨො ච නඅපරාමට්ඨො චෙව නනොපරාමාසො ච ධම්මා උප්පජ්ජන්ති හෙතුපච්චයා. (3)

නඅපරාමට්ඨඤ්චෙව නනො ච පරාමාසං ධම්මං පටිච්ච නපරාමාසො චෙව නඅපරාමට්ඨො ච ධම්මො උප්පජ්ජති හෙතුපච්චයා. (1)

නපරාමාසඤ්චෙව නඅපරාමට්ඨඤ්ච නඅපරාමට්ඨඤ්චෙව නනො ච පරාමාසඤ්ච ධම්මං පටිච්ච නපරාමාසො චෙව නඅපරාමට්ඨො ච ධම්මො උප්පජ්ජති හෙතුපච්චයා. (1) (සංඛිත්තං.)

52. පරාමාසවිප්පයුත්තං නපරාමට්ඨං ධම්මං පටිච්ච පරාමාසවිප්පයුත්තො නපරාමට්ඨො ධම්මො උප්පජ්ජති හෙතුපච්චයා. පරාමාසවිප්පයුත්තං නපරාමට්ඨං ධම්මං පටිච්ච පරාමාසවිප්පයුත්තො නඅපරාමට්ඨො ධම්මො උප්පජ්ජති හෙතුපච්චයා. පරාමාසවිප්පයුත්තං නපරාමට්ඨං ධම්මං පටිච්ච පරාමාසවිප්පයුත්තො නපරාමට්ඨො ච පරාමාසවිප්පයුත්තො නඅපරාමට්ඨො ච ධම්මා උප්පජ්ජන්ති හෙතුපච්චයා. (3)

පරාමාසවිප්පයුත්තං නඅපරාමට්ඨං ධම්මං පටිච්ච පරාමාසවිප්පයුත්තො නඅපරාමට්ඨො ධම්මො උප්පජ්ජති හෙතුපච්චයා. (1)

පරාමාසවිප්පයුත්තං නපරාමට්ඨඤ්ච පරාමාසවිප්පයුත්තං නඅපරාමට්ඨඤ්ච ධම්මං පටිච්ච පරාමාසවිප්පයුත්තො නඅපරාමට්ඨො ධම්මො උප්පජ්ජති හෙතුපච්චයා. (1)

හෙතුයා පඤ්ච, ආරම්මණෙ ද්වෙ…පෙ…. අවිගතෙ පඤ්ච.

පරාමාසගොච්ඡකං නිට්ඨිතං.