55. සාරම්මණදුකං

53. නසාරම්මණං ධම්මං පටිච්ච නසාරම්මණො ධම්මො උප්පජ්ජති හෙතුපච්චයා. නසාරම්මණං ධම්මං පටිච්ච නඅනාරම්මණො ධම්මො උප්පජ්ජති හෙතුපච්චයා. නසාරම්මණං ධම්මං පටිච්ච නසාරම්මණො ච නඅනාරම්මණො ච ධම්මා උප්පජ්ජන්ති හෙතුපච්චයා. (3)

නඅනාරම්මණං ධම්මං පටිච්ච නඅනාරම්මණො ධම්මො උප්පජ්ජති හෙතුපච්චයා. නඅනාරම්මණං ධම්මං පටිච්ච නසාරම්මණො ධම්මො උප්පජ්ජති හෙතුපච්චයා. නඅනාරම්මණං ධම්මං පටිච්ච නසාරම්මණො ච නඅනාරම්මණො ච ධම්මා උප්පජ්ජන්ති හෙතුපච්චයා. (3)

නසාරම්මණඤ්ච නඅනාරම්මණඤ්ච ධම්මං පටිච්ච නසාරම්මණො ධම්මො උප්පජ්ජති හෙතුපච්චයා. නසාරම්මණඤ්ච නඅනාරම්මණඤ්ච ධම්මං පටිච්ච නඅනාරම්මණො ධම්මො උප්පජ්ජති හෙතුපච්චයා. නසාරම්මණඤ්ච නඅනාරම්මණඤ්ච ධම්මං පටිච්ච නසාරම්මණො ච නඅනාරම්මණො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව…පෙ… අවිගතෙ නව. (සබ්බත්ථ විත්ථාරො.)