27. ගන්ථනියදුකං

41. නගන්ථනියං ධම්මං පටිච්ච නගන්ථනියො ධම්මො උප්පජ්ජති හෙතුපච්චයා. නගන්ථනියං ධම්මං පටිච්ච නඅගන්ථනියො ධම්මො උප්පජ්ජති හෙතුපච්චයා. නගන්ථනියං ධම්මං පටිච්ච නගන්ථනියො ච නඅගන්ථනියො ච ධම්මා උප්පජ්ජන්ති හෙතුපච්චයා. (3)

නඅගන්ථනියං ධම්මං පටිච්ච නඅගන්ථනියො ධම්මො උප්පජ්ජති හෙතුපච්චයා. (1)

නගන්ථනියඤ්ච නඅගන්ථනියඤ්ච ධම්මං පටිච්ච නඅගන්ථනියො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච…පෙ… අවිගතෙ පඤ්ච. (සබ්බත්ථ පඤ්ච.)