28. ගන්ථසම්පයුත්තදුකං

42. නගන්ථසම්පයුත්තං ධම්මං පටිච්ච නගන්ථසම්පයුත්තො ධම්මො උප්පජ්ජති හෙතුපච්චයා. නගන්ථසම්පයුත්තං ධම්මං පටිච්ච නගන්ථවිප්පයුත්තො ධම්මො උප්පජ්ජති හෙතුපච්චයා. නගන්ථසම්පයුත්තං ධම්මං පටිච්ච නගන්ථසම්පයුත්තො ච නගන්ථවිප්පයුත්තො ච ධම්මා උප්පජ්ජන්ති හෙතුපච්චයා. (3)

නගන්ථවිප්පයුත්තං ධම්මං පටිච්ච නගන්ථවිප්පයුත්තො ධම්මො උප්පජ්ජති හෙතුපච්චයා. නගන්ථවිප්පයුත්තං ධම්මං පටිච්ච නගන්ථසම්පයුත්තො ධම්මො උප්පජ්ජති හෙතුපච්චයා. නගන්ථවිප්පයුත්තං ධම්මං පටිච්ච නගන්ථසම්පයුත්තො ච නගන්ථවිප්පයුත්තො ච ධම්මා උප්පජ්ජන්ති හෙතුපච්චයා. (3)

නගන්ථසම්පයුත්තඤ්ච නගන්ථවිප්පයුත්තඤ්ච ධම්මං පටිච්ච නගන්ථසම්පයුත්තො ධම්මො උප්පජ්ජති හෙතුපච්චයා. නගන්ථසම්පයුත්තඤ්ච නගන්ථවිප්පයුත්තඤ්ච ධම්මං පටිච්ච නගන්ථවිප්පයුත්තො ධම්මො උප්පජ්ජති හෙතුපච්චයා. නගන්ථසම්පයුත්තඤ්ච නගන්ථවිප්පයුත්තඤ්ච ධම්මං පටිච්ච නගන්ථසම්පයුත්තො ච නගන්ථවිප්පයුත්තො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව, ආරම්මණෙ ඡ, අධිපතියා නව…පෙ… අවිගතෙ නව. (සබ්බත්ථ විත්ථාරො.)