1-7. පටිච්චවාරාදි

29. නසාසවං ධම්මං පටිච්ච නසාසවො ධම්මො උප්පජ්ජති හෙතුපච්චයා. නසාසවං ධම්මං පටිච්ච නඅනාසවො ධම්මො උප්පජ්ජති හෙතුපච්චයා. නසාසවං ධම්මං පටිච්ච නසාසවො ච නඅනාසවො ච ධම්මා උප්පජ්ජන්ති හෙතුපච්චයා. (3)

නඅනාසවං ධම්මං පටිච්ච නඅනාසවො ධම්මො උප්පජ්ජති හෙතුපච්චයා. (1)

නසාසවඤ්ච නඅනාසවඤ්ච ධම්මං පටිච්ච නඅනාසවො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සබ්බත්ථ විත්ථාරො).