16. ආසවසම්පයුත්තදුකං

1-7. පටිච්චවාරාදි

30. නආසවසම්පයුත්තං ධම්මං පටිච්ච නආසවසම්පයුත්තො ධම්මො උප්පජ්ජති හෙතුපච්චයා. නආසවසම්පයුත්තං ධම්මං පටිච්ච නආසවවිප්පයුත්තො ධම්මො උප්පජ්ජති හෙතුපච්චයා. නආසවසම්පයුත්තං ධම්මං පටිච්ච නආසවසම්පයුත්තො ච නආසවවිප්පයුත්තො ච ධම්මා උප්පජ්ජන්ති හෙතුපච්චයා. (3)

නආසවවිප්පයුත්තං ධම්මං පටිච්ච නආසවවිප්පයුත්තො ධම්මො උප්පජ්ජති හෙතුපච්චයා. නආසවවිප්පයුත්තං ධම්මං පටිච්ච නආසවසම්පයුත්තො ධම්මො උප්පජ්ජති හෙතුපච්චයා. නආසවවිප්පයුත්තං ධම්මං පටිච්ච නආසවසම්පයුත්තො ච නආසවවිප්පයුත්තො ච ධම්මා උප්පජ්ජන්ති හෙතුපච්චයා. (3)

නආසවසම්පයුත්තඤ්ච නආසවවිප්පයුත්තඤ්ච ධම්මං පටිච්ච නආසවසම්පයුත්තො ධම්මො උප්පජ්ජති හෙතුපච්චයා. නආසවසම්පයුත්තඤ්ච නආසවවිප්පයුත්තඤ්ච ධම්මං පටිච්ච නආසවවිප්පයුත්තො ධම්මො උප්පජ්ජති හෙතුපච්චයා. නආසවසම්පයුත්තඤ්ච නආසවවිප්පයුත්තඤ්ච ධම්මං පටිච්ච නආසවසම්පයුත්තො ච නආසවවිප්පයුත්තො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව, ආරම්මණෙ ඡ…පෙ… අවිගතෙ නව. (සබ්බත්ථ විත්ථාරො.)