1-7. පටිච්චවාරාදි

පච්චයචතුක්කං

72. සප්පච්චයං හෙතුං ධම්මං පටිච්ච සප්පච්චයො හෙතු ධම්මො උප්පජ්ජති හෙතුපච්චයා. (සබ්බත්ථ එකං.)

සප්පච්චයං නහෙතුං ධම්මං පටිච්ච සප්පච්චයො නහෙතු ධම්මො උප්පජ්ජති හෙතුපච්චයා. (සබ්බත්ථ එකං.)

73. සඞ්ඛතං හෙතුං ධම්මං පටිච්ච සඞ්ඛතො හෙතු ධම්මො උප්පජ්ජති හෙතුපච්චයා. (සබ්බත්ථ එකං.)

සඞ්ඛතං නහෙතුං ධම්මං පටිච්ච සඞ්ඛතො නහෙතු ධම්මො උප්පජ්ජති හෙතුපච්චයා. (සබ්බත්ථ එකං).

74. අනිදස්සනං හෙතුං ධම්මං පටිච්ච අනිදස්සනො හෙතු ධම්මො උප්පජ්ජති හෙතුපච්චයා. (සබ්බත්ථ එකං.)

අනිදස්සනං නහෙතුං ධම්මං පටිච්ච අනිදස්සනො නහෙතු ධම්මො උප්පජ්ජති හෙතුපච්චයා. (සංඛිත්තං.)

හෙතුයා තීණි, ආරම්මණෙ එකං…පෙ… අවිගතෙ තීණි. (සංඛිත්තං.)

75. අප්පටිඝං හෙතුං ධම්මං පටිච්ච සප්පටිඝො හෙතු ධම්මො උප්පජ්ජති හෙතුපච්චයා. (සබ්බත්ථ එකං.)

සප්පටිඝං නහෙතුං ධම්මං පටිච්ච සප්පටිඝො නහෙතු ධම්මො උප්පජ්ජති හෙතුපච්චයා… තීණි.

අප්පටිඝං නහෙතුං ධම්මං පටිච්ච අප්පටිඝො නහෙතු ධම්මො උප්පජ්ජති හෙතුපච්චයා… තීණි.

සප්පටිඝං නහෙතුඤ්ච අප්පටිඝං නහෙතුඤ්ච ධම්මං පටිච්ච සප්පටිඝො නහෙතු ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා නව, ආරම්මණෙ එකං…පෙ… අඤ්ඤමඤ්ඤෙ ඡ…පෙ… අවිගතෙ නව.

76. අරූපිං හෙතුං ධම්මං පටිච්ච අරූපී හෙතු ධම්මො උප්පජ්ජති හෙතුපච්චයා. (සබ්බත්ථ එකං.)

රූපිං නහෙතුං ධම්මං පටිච්ච රූපී නහෙතු ධම්මො උප්පජ්ජති හෙතුපච්චයා. (සංඛිත්තං.)

හෙතුයා නව.

77. ලොකියං හෙතුං ධම්මං පටිච්ච ලොකියො හෙතු ධම්මො උප්පජ්ජති හෙතුපච්චයා. (1)

ලොකුත්තරං හෙතුං ධම්මං පටිච්ච ලොකුත්තරො හෙතු ධම්මො උප්පජ්ජති හෙතුපච්චයා. (1) (සබ්බත්ථ ද්වෙ.)

ලොකියං නහෙතුං ධම්මං පටිච්ච ලොකියො නහෙතු ධම්මො උප්පජ්ජති හෙතුපච්චයා. (1)

ලොකුත්තරං නහෙතුං ධම්මං පටිච්ච ලොකුත්තරො නහෙතු ධම්මො උප්පජ්ජති හෙතුපච්චයා… තීණි.

ලොකියං නහෙතුඤ්ච ලොකුත්තරං නහෙතුඤ්ච ධම්මං පටිච්ච ලොකියො නහෙතු ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච.

78. කෙනචි විඤ්ඤෙය්‍යං හෙතුං ධම්මං පටිච්ච…පෙ… නකෙනචි විඤ්ඤෙය්‍යං හෙතුං ධම්මං පටිච්ච… (සබ්බත්ථ නව).

කෙනචි විඤ්ඤෙය්‍යං නහෙතුං ධම්මං පටිච්ච…පෙ… නකෙනචි විඤ්ඤෙය්‍යං නහෙතුං ධම්මං පටිච්ච… (සබ්බත්ථ නව).