ධම්මානුලොමෙ දුකදුකපට්ඨානං
1-1. හෙතුදුක-සහෙතුකදුකං
සහෙතුකපදං
1-7. පටිච්චවාරාදි
පච්චයචතුක්කං
හෙතුපච්චයො
1. හෙතුං සහෙතුකං ධම්මං පටිච්ච හෙතු සහෙතුකො ධම්මො උප්පජ්ජති හෙතුපච්චයා. හෙතුං සහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා. හෙතුං සහෙතුකං ධම්මං පටිච්ච හෙතු සහෙතුකො ච නහෙතු සහෙතුකො ච ධම්මා උප්පජ්ජන්ති හෙතුපච්චයා. (3)
2. නහෙතුං සහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා. නහෙතුං සහෙතුකං ධම්මං පටිච්ච හෙතු සහෙතුකො ධම්මො උප්පජ්ජති හෙතුපච්චයා. නහෙතුං සහෙතුකං ධම්මං පටිච්ච හෙතු සහෙතුකො ච නහෙතු සහෙතුකො ච ධම්මා උප්පජ්ජන්ති හෙතුපච්චයා. (3)
3. හෙතුං සහෙතුකඤ්ච නහෙතුං සහෙතුකඤ්ච ධම්මං පටිච්ච හෙතු සහෙතුකො ධම්මො උප්පජ්ජති හෙතුපච්චයා. හෙතුං සහෙතුකඤ්ච නහෙතුං සහෙතුකඤ්ච ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා. හෙතුං සහෙතුකඤ්ච නහෙතුං සහෙතුකඤ්ච ධම්මං පටිච්ච හෙතු සහෙතුකො ච නහෙතු සහෙතුකො ච ධම්මා උප්පජ්ජන්ති හෙතුපච්චයා. (3)
4. හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)
පච්චනීයං
නඅධිපතිපච්චයො
5. හෙතුං සහෙතුකං ධම්මං පටිච්ච හෙතු සහෙතුකො ධම්මො උප්පජ්ජති නඅධිපතිපච්චයා. (සංඛිත්තං.)
නඅධිපතියා නව, නපුරෙජාතෙ නව, නපච්ඡාජාතෙ නව, නකම්මෙ තීණි, නවිපාකෙ නව, නවිප්පයුත්තෙ නව. (සංඛිත්තං.)
හෙතුපච්චයා නඅධිපතියා නව. (සංඛිත්තං.)
නඅධිපතිපච්චයා හෙතුයා නව. (සංඛිත්තං.)
(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසං.)
හෙතු-ආරම්මණපච්චයා
6. හෙතු සහෙතුකො ධම්මො හෙතුස්ස සහෙතුකස්ස ධම්මස්ස හෙතුපච්චයෙන පච්චයො. හෙතු සහෙතුකො ධම්මො නහෙතුස්ස සහෙතුකස්ස ධම්මස්ස හෙතුපච්චයෙන පච්චයො. හෙතු සහෙතුකො ධම්මො හෙතුස්ස සහෙතුකස්ස ච නහෙතුස්ස සහෙතුකස්ස ච ධම්මස්ස හෙතුපච්චයෙන පච්චයො. (3)
7. හෙතු සහෙතුකො ධම්මො හෙතුස්ස සහෙතුකස්ස ධම්මස්ස ආරම්මණපච්චයෙන පච්චයො. හෙතු සහෙතුකො ධම්මො නහෙතුස්ස සහෙතුකස්ස ධම්මස්ස ආරම්මණපච්චයෙන පච්චයො. හෙතු සහෙතුකො ධම්මො හෙතුස්ස සහෙතුකස්ස ච නහෙතුස්ස සහෙතුකස්ස ච ධම්මස්ස ආරම්මණපච්චයෙන පච්චයො. (3)
නහෙතු සහෙතුකො ධම්මො නහෙතුස්ස සහෙතුකස්ස ධම්මස්ස ආරම්මණපච්චයෙන පච්චයො. නහෙතු සහෙතුකො ධම්මො හෙතුස්ස සහෙතුකස්ස ධම්මස්ස ආරම්මණපච්චයෙන පච්චයො. නහෙතු සහෙතුකො ධම්මො හෙතුස්ස සහෙතුකස්ස ච නහෙතුස්ස සහෙතුකස්ස ච ධම්මස්ස ආරම්මණපච්චයෙන පච්චයො. (3)
හෙතු සහෙතුකො ච නහෙතු සහෙතුකො ච ධම්මා හෙතුස්ස සහෙතුකස්ස ධම්මස්ස ආරම්මණපච්චයෙන පච්චයො. හෙතු සහෙතුකො ච නහෙතු සහෙතුකො ච ධම්මා නහෙතුස්ස සහෙතුකස්ස ධම්මස්ස ආරම්මණපච්චයෙන පච්චයො. හෙතු සහෙතුකො ච නහෙතු සහෙතුකො ච ධම්මා හෙතුස්ස සහෙතුකස්ස ච නහෙතුස්ස සහෙතුකස්ස ච ධම්මස්ස ආරම්මණපච්චයෙන පච්චයො. (3) (සංඛිත්තං.)
8. හෙතුයා තීණි, ආරම්මණෙ නව…පෙ… උපනිස්සයෙ නව අවිගතෙ නව. (සංඛිත්තං.)
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
අහෙතුකපදං
පච්චයචතුක්කං
9. හෙතුං අහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා. (1)
නහෙතුං අහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා. (1)
හෙතුං අහෙතුකඤ්ච නහෙතුං අහෙතුකඤ්ච ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි, ආරම්මණෙ එකං, අවිගතෙ තීණි. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
10. හෙතු අහෙතුකො ධම්මො නහෙතුස්ස අහෙතුකස්ස ධම්මස්ස හෙතුපච්චයෙන පච්චයො. (1)
හෙතු අහෙතුකො ධම්මො හෙතුස්ස අහෙතුකස්ස ධම්මස්ස ආරම්මණපච්චයෙන පච්චයො. හෙතු අහෙතුකො ධම්මො නහෙතුස්ස අහෙතුකස්ස ධම්මස්ස ආරම්මණපච්චයෙන පච්චයො. (2)
නහෙතු අහෙතුකො ධම්මො නහෙතුස්ස අහෙතුකස්ස ධම්මස්ස ආරම්මණපච්චයෙන පච්චයො. නහෙතු අහෙතුකො ධම්මො හෙතුස්ස අහෙතුකස්ස ධම්මස්ස ආරම්මණපච්චයෙන පච්චයො. (2) (සංඛිත්තං.)
11. හෙතුයා එකං, ආරම්මණෙ චත්තාරි, අවිගතෙ චත්තාරි. (සංඛිත්තං.)
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
1-2. හෙතුදුක-හෙතුසම්පයුත්තදුකං
1-7. පටිච්චවාරාදි
පච්චයචතුක්කං
හෙතුපච්චයො
12. හෙතුං හෙතුසම්පයුත්තං ධම්මං පටිච්ච හෙතු හෙතුසම්පයුත්තො ධම්මො උප්පජ්ජති හෙතුපච්චයා. හෙතුං හෙතුසම්පයුත්තං ධම්මං පටිච්ච නහෙතු හෙතුසම්පයුත්තො ධම්මො උප්පජ්ජති හෙතුපච්චයා. හෙතුං හෙතුසම්පයුත්තං ධම්මං පටිච්ච හෙතු හෙතුසම්පයුත්තො ච නහෙතු හෙතුසම්පයුත්තො ච ධම්මා උප්පජ්ජන්ති හෙතුපච්චයා. (3)
නහෙතුං හෙතුසම්පයුත්තං ධම්මං පටිච්ච නහෙතු හෙතුසම්පයුත්තො ධම්මො උප්පජ්ජති හෙතුපච්චයා… තීණි.
හෙතුං හෙතුසම්පයුත්තඤ්ච නහෙතුං හෙතුසම්පයුත්තඤ්ච ධම්මං පටිච්ච හෙතු හෙතුසම්පයුත්තො ධම්මො උප්පජ්ජති හෙතුපච්චයා… තීණි. (සංඛිත්තං.)
13. හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)
14. හෙතු හෙතුසම්පයුත්තො ධම්මො හෙතුස්ස හෙතුසම්පයුත්තස්ස ධම්මස්ස හෙතුපච්චයෙන පච්චයො… තීණි. (සංඛිත්තං.)
හෙතුයා තීණි…පෙ… අවිගතෙ නව. (සංඛිත්තං.)
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
15. හෙතුං හෙතුවිප්පයුත්තං ධම්මං පටිච්ච නහෙතු හෙතුවිප්පයුත්තො ධම්මො උප්පජ්ජති හෙතුපච්චයා. (1)
නහෙතුං හෙතුවිප්පයුත්තං ධම්මං පටිච්ච නහෙතු හෙතුවිප්පයුත්තො ධම්මො උප්පජ්ජති හෙතුපච්චයා. (1)
හෙතුං හෙතුවිප්පයුත්තඤ්ච නහෙතුං හෙතුවිප්පයුත්තඤ්ච ධම්මං පටිච්ච නහෙතු හෙතුවිප්පයුත්තො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි, ආරම්මණෙ එකං…පෙ… අවිගතෙ තීණි.
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)
16. හෙතු හෙතුවිප්පයුත්තො ධම්මො නහෙතුස්ස හෙතුවිප්පයුත්තස්ස ධම්මස්ස හෙතුපච්චයෙන පච්චයො. (සංඛිත්තං.)
හෙතුයා එකං, ආරම්මණෙ චත්තාරි…පෙ… අවිගතෙ චත්තාරි. (සංඛිත්තං.)
(යථා කුසලත්තිකෙ පඤ්හාවාරං, එවං විත්ථාරෙතබ්බං.)
1-3. හෙතුදුක-හෙතුසහෙතුකදුකං
1-7. පටිච්චවාරාදි
පච්චයචතුක්කං
හෙතුපච්චයො
17. හෙතුං හෙතුඤ්චෙව සහෙතුකඤ්ච ධම්මං පටිච්ච හෙතු හෙතු චෙව සහෙතුකො ධම්මො උප්පජ්ජති හෙතුපච්චයා. (සබ්බත්ථ එකං.)
නහෙතුං සහෙතුකඤ්චෙව න ච හෙතුං ධම්මං පටිච්ච නහෙතු සහෙතුකො චෙව න ච හෙතු ධම්මො උප්පජ්ජති හෙතුපච්චයා. (සබ්බත්ථ එකං.)
1-4. හෙතුදුක-හෙතුහෙතුසම්පයුත්තදුකං
1-7. පටිච්චවාරාදි
පච්චයචතුක්කං
හෙතුපච්චයො
18. හෙතුං හෙතුඤ්චෙව හෙතුසම්පයුත්තඤ්ච ධම්මං පටිච්ච හෙතු හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා. (සබ්බත්ථ එකං.)
නහෙතුං හෙතුසම්පයුත්තඤ්චෙව න ච හෙතුං ධම්මං පටිච්ච නහෙතු හෙතුසම්පයුත්තො චෙව න ච හෙතු ධම්මො උප්පජ්ජති හෙතුපච්චයා. (සබ්බත්ථ එකං.)
1-5. හෙතුදුක-නහෙතුසහෙතුකදුකං
19. නහෙතුං සහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා. (සබ්බත්ථ එකං.)
නහෙතුං අහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා. (සබ්බත්ථ එකං.)
හෙතුගොච්ඡකං නිට්ඨිතං.
1-6. හෙතුදුක-සප්පච්චයදුකං
1-7. පටිච්චවාරාදි
පච්චයචතුක්කං
20. හෙතුං සප්පච්චයං ධම්මං පටිච්ච හෙතු සප්පච්චයො ධම්මො උප්පජ්ජති හෙතුපච්චයා… තීණි.
නහෙතුං සප්පච්චයං ධම්මං පටිච්ච නහෙතු සප්පච්චයො ධම්මො උප්පජ්ජති හෙතුපච්චයා… තීණි.
හෙතුං සප්පච්චයඤ්ච නහෙතුං සප්පච්චයඤ්ච ධම්මං පටිච්ච හෙතු සප්පච්චයො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
21. හෙතු සප්පච්චයො ධම්මො හෙතුස්ස සප්පච්චයස්ස ධම්මස්ස හෙතුපච්චයෙන පච්චයො. (සංඛිත්තං.)
හෙතුයා තීණි. (සංඛිත්තං. පඤ්හාවාරම්පි එවං විත්ථාරෙතබ්බං.)
1-7. හෙතුදුක-සඞ්ඛතදුකං
22. හෙතුං සඞ්ඛතං ධම්මං පටිච්ච හෙතු සඞ්ඛතො ධම්මො උප්පජ්ජති හෙතුපච්චයා.
හෙතුයා නව…පෙ… අවිගතෙ නව. (සප්පච්චයදුකසදිසං.)
1-8. හෙතුදුක-සනිදස්සනදුකං
23. හෙතුං අනිදස්සනං ධම්මං පටිච්ච හෙතු අනිදස්සනො ධම්මො උප්පජ්ජති හෙතුපච්චයා… තීණි.
නහෙතුං අනිදස්සනං ධම්මං පටිච්ච නහෙතු අනිදස්සනො ධම්මො උප්පජ්ජති හෙතුපච්චයා… තීණි.
හෙතුං අනිදස්සනඤ්ච නහෙතුං අනිදස්සනඤ්ච ධම්මං පටිච්ච හෙතු අනිදස්සනො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව…පෙ… අවිගතෙ නව. (සංඛිත්තං.)
(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
1-9. හෙතුදුක-සප්පටිඝදුකං
24. නහෙතුං සප්පටිඝං ධම්මං පටිච්ච නහෙතු සප්පටිඝො ධම්මො උප්පජ්ජති හෙතුපච්චයා. (සබ්බත්ථ එකං.)
25. හෙතුං අප්පටිඝං ධම්මං පටිච්ච හෙතු අප්පටිඝො ධම්මො උප්පජ්ජති හෙතුපච්චයා. හෙතුං අප්පටිඝං ධම්මං පටිච්ච නහෙතු අප්පටිඝො ධම්මො උප්පජ්ජති හෙතුපච්චයා. හෙතුං අප්පටිඝං ධම්මං පටිච්ච හෙතු අප්පටිඝො ච නහෙතු අප්පටිඝො ච ධම්මා උප්පජ්ජන්ති හෙතුපච්චයා. (3)
නහෙතුං අප්පටිඝං ධම්මං පටිච්ච නහෙතු අප්පටිඝො ධම්මො උප්පජ්ජති හෙතුපච්චයා… තීණි.
හෙතුං අප්පටිඝඤ්ච නහෙතුං අප්පටිඝඤ්ච ධම්මං පටිච්ච හෙතු අප්පටිඝො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)
(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
1-10. හෙතුදුක-රූපීදුකං
26. නහෙතුං රූපිං ධම්මං පටිච්ච නහෙතු රූපී ධම්මො උප්පජ්ජති හෙතුපච්චයා. (සබ්බත්ථ එකං.)
27. හෙතුං අරූපිං ධම්මං පටිච්ච හෙතු අරූපී ධම්මො උප්පජ්ජති හෙතුපච්චයා… තීණි.
නහෙතුං අරූපිං ධම්මං පටිච්ච නහෙතු අරූපී ධම්මො උප්පජ්ජති හෙතුපච්චයා… තීණි.
හෙතුං අරූපිඤ්ච නහෙතුං අරූපිඤ්ච ධම්මං පටිච්ච හෙතු අරූපී ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)
(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
1-11. හෙතුදුක-ලොකියදුකං
28. හෙතුං ලොකියං ධම්මං පටිච්ච හෙතු ලොකියො ධම්මො උප්පජ්ජති හෙතුපච්චයා… තීණි.
නහෙතුං ලොකියං ධම්මං පටිච්ච නහෙතු ලොකියො ධම්මො උප්පජ්ජති හෙතුපච්චයා… තීණි.
හෙතුං ලොකියඤ්ච නහෙතුං ලොකියඤ්ච ධම්මං පටිච්ච හෙතු ලොකියො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)
(සහජාතවාරම්පි…පෙ… පඤ්හාවාරම්පි එවං විත්ථාරෙතබ්බං.)
29. හෙතුං ලොකුත්තරං ධම්මං පටිච්ච හෙතු ලොකුත්තරො ධම්මො උප්පජ්ජති හෙතුපච්චයා… තීණි.
නහෙතුං ලොකුත්තරං ධම්මං පටිච්ච නහෙතු ලොකුත්තරො ධම්මො උප්පජ්ජති හෙතුපච්චයා… තීණි.
හෙතුං ලොකුත්තරඤ්ච නහෙතුං ලොකුත්තරඤ්ච ධම්මං පටිච්ච හෙතු ලොකුත්තරො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)
(සහජාතවාරම්පි…පෙ… සම්පයුත්තවාරම්පි පඤ්හාවාරම්පි පටිච්චවාරසදිසං විත්ථාරෙතබ්බං.)
1-12. හෙතුදුක-කෙනචිවිඤ්ඤෙය්‍යදුකං
30. හෙතුං කෙනචි විඤ්ඤෙය්‍යං ධම්මං පටිච්ච හෙතු කෙනචි විඤ්ඤෙය්‍යො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව…පෙ… අවිගතෙ නව. (සංඛිත්තං.)
(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
31. හෙතුං කෙනචි නවිඤ්ඤෙය්‍යං ධම්මං පටිච්ච හෙතු කෙනචි නවිඤ්ඤෙය්‍යො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ විත්ථාරො.)
චූළන්තරදුකං නිට්ඨිතං.
1-13. හෙතුදුක-ආසවදුකං
32. හෙතුං ආසවං ධම්මං පටිච්ච හෙතු ආසවො ධම්මො උප්පජ්ජති හෙතුපච්චයා. හෙතුං ආසවං ධම්මං පටිච්ච නහෙතු ආසවො ධම්මො උප්පජ්ජති හෙතුපච්චයා. හෙතුං ආසවං ධම්මං පටිච්ච හෙතු ආසවො ච නහෙතු ආසවො ච ධම්මා උප්පජ්ජන්ති හෙතුපච්චයා. (3)
නහෙතුං ආසවං ධම්මං පටිච්ච නහෙතු ආසවො ධම්මො උප්පජ්ජති හෙතුපච්චයා. (1)
හෙතුං ආසවඤ්ච නහෙතුං ආසවඤ්ච ධම්මං පටිච්ච හෙතු ආසවො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච. (සබ්බත්ථ විත්ථාරො.)
33. හෙතුං නොආසවං ධම්මං පටිච්ච හෙතු නොආසවො ධම්මො උප්පජ්ජති හෙතුපච්චයා… තීණි.
නහෙතුං නොආසවං ධම්මං පටිච්ච නහෙතු නොආසවො ධම්මො උප්පජ්ජති හෙතුපච්චයා… තීණි.
හෙතුං නොආසවඤ්ච නහෙතුං නොආසවඤ්ච ධම්මං පටිච්ච හෙතු නොආසවො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ විත්ථාරො.)
1-14. හෙතුදුක-සාසවදුකං
34. හෙතුං සාසවං ධම්මං පටිච්ච හෙතු සාසවො ධම්මො උප්පජ්ජති හෙතුපච්චයා… තීණි.
නහෙතුං සාසවං ධම්මං පටිච්ච නහෙතු සාසවො ධම්මො උප්පජ්ජති හෙතුපච්චයා… තීණි.
හෙතුං සාසවඤ්ච නහෙතුං සාසවඤ්ච ධම්මං පටිච්ච හෙතු සාසවො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ විත්ථාරො.)
35. හෙතුං අනාසවං ධම්මං පටිච්ච හෙතු අනාසවො ධම්මො උප්පජ්ජති හෙතුපච්චයා… තීණි.
නහෙතුං අනාසවං ධම්මං පටිච්ච නහෙතු අනාසවො ධම්මො උප්පජ්ජති හෙතුපච්චයා… තීණි.
හෙතුං අනාසවඤ්ච නහෙතුං අනාසවඤ්ච ධම්මං පටිච්ච හෙතු අනාසවො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ විත්ථාරො.)
1-15. හෙතුදුක-ආසවසම්පයුත්තදුකං
36. හෙතුං ආසවසම්පයුත්තං ධම්මං පටිච්ච හෙතු ආසවසම්පයුත්තො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ විත්ථාරො.)
37. හෙතුං ආසවවිප්පයුත්තං ධම්මං පටිච්ච හෙතු ආසවවිප්පයුත්තො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ විත්ථාරො.)
1-16. හෙතුදුක-ආසවසාසවදුකං
38. හෙතුං ආසවඤ්චෙව සාසවඤ්ච ධම්මං පටිච්ච හෙතු ආසවො චෙව සාසවො ච ධම්මො උප්පජ්ජති හෙතුපච්චයා. (සංඛිත්තං.)
හෙතුයා පඤ්ච…පෙ… අවිගතෙ පඤ්ච. (සබ්බත්ථ විත්ථාරො.)
39. හෙතුං සාසවඤ්චෙව නො ච ආසවං ධම්මං පටිච්ච හෙතු සාසවො චෙව නො ච ආසවො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ විත්ථාරො.)