1-9. හෙතුදුක-සප්පටිඝදුකං

24. නහෙතුං සප්පටිඝං ධම්මං පටිච්ච නහෙතු සප්පටිඝො ධම්මො උප්පජ්ජති හෙතුපච්චයා. (සබ්බත්ථ එකං.)

25. හෙතුං අප්පටිඝං ධම්මං පටිච්ච හෙතු අප්පටිඝො ධම්මො උප්පජ්ජති හෙතුපච්චයා. හෙතුං අප්පටිඝං ධම්මං පටිච්ච නහෙතු අප්පටිඝො ධම්මො උප්පජ්ජති හෙතුපච්චයා. හෙතුං අප්පටිඝං ධම්මං පටිච්ච හෙතු අප්පටිඝො ච නහෙතු අප්පටිඝො ච ධම්මා උප්පජ්ජන්ති හෙතුපච්චයා. (3)

නහෙතුං අප්පටිඝං ධම්මං පටිච්ච නහෙතු අප්පටිඝො ධම්මො උප්පජ්ජති හෙතුපච්චයා… තීණි.

හෙතුං අප්පටිඝඤ්ච නහෙතුං අප්පටිඝඤ්ච ධම්මං පටිච්ච හෙතු අප්පටිඝො ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා නව, ආරම්මණෙ නව…පෙ… අවිගතෙ නව. (සංඛිත්තං.)

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)