9-22. සනිදස්සනදුක-සනිදස්සනත්තිකං

89. නසනිදස්සනං නසනිදස්සනසප්පටිඝං ධම්මං පටිච්ච සනිදස්සනො සනිදස්සනසප්පටිඝො ධම්මො උප්පජ්ජති හෙතුපච්චයා. හෙතුයා එකං.

නසනිදස්සනං නඅනිදස්සනසප්පටිඝං ධම්මං පටිච්ච අනිදස්සනො අනිදස්සනසප්පටිඝො ධම්මො උප්පජ්ජති හෙතුපච්චයා. හෙතුයා එකං.

නසනිදස්සනං නඅනිදස්සනඅප්පටිඝං ධම්මං පටිච්ච අනිදස්සනො අනිදස්සනඅප්පටිඝො ධම්මො උප්පජ්ජති හෙතුපච්චයා. හෙතුයා එකං.