ධම්මපච්චනීයානුලොමෙ දුකතිකපට්ඨානං
1-1. හෙතුදුක-කුසලත්තිකං
1. නහෙතුං නකුසලං ධම්මං පච්චයා හෙතු කුසලො ධම්මො උප්පජ්ජති හෙතුපච්චයා. නහෙතුං නකුසලං ධම්මං පච්චයා නහෙතු කුසලො ධම්මො උප්පජ්ජති හෙතුපච්චයා. නහෙතුං නකුසලං ධම්මං පච්චයා හෙතු කුසලො ච නහෙතු කුසලො ච ධම්මා උප්පජ්ජන්ති හෙතුපච්චයා. හෙතුයා තීණි.
නහෙතුං නඅකුසලං ධම්මං පච්චයා හෙතු අකුසලො ධම්මො උප්පජ්ජති හෙතුපච්චයා… හෙතුයා තීණි.
2. නහෙතුං නඅබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති හෙතුපච්චයා. නනහෙතුං නඅබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති හෙතුපච්චයා. නහෙතුං නඅබ්‍යාකතඤ්ච නනහෙතුං නඅබ්‍යාකතඤ්ච ධම්මං පටිච්ච නහෙතු අබ්‍යාකතො ධම්මො උප්පජ්ජති හෙතුපච්චයා. හෙතුයා තීණි.
2-4-1. සහෙතුකාදිදුකානි-කුසලත්තිකං
3. නසහෙතුකං නකුසලං ධම්මං පච්චයා සහෙතුකො කුසලො ධම්මො උප්පජ්ජති හෙතුපච්චයා. හෙතුයා එකං.
නසහෙතුකං නඅකුසලං ධම්මං පච්චයා සහෙතුකො අකුසලො ධම්මො උප්පජ්ජති හෙතුපච්චයා. හෙතුයා එකං.
4. නසහෙතුකං නඅබ්‍යාකතං ධම්මං පටිච්ච අහෙතුකො අබ්‍යාකතො ධම්මො උප්පජ්ජති හෙතුපච්චයා. නඅහෙතුකං නඅබ්‍යාකතං ධම්මං පටිච්ච අහෙතුකො අබ්‍යාකතො ධම්මො උප්පජ්ජති හෙතුපච්චයා. නසහෙතුකං නඅබ්‍යාකතඤ්ච නඅහෙතුකං නඅබ්‍යාකතඤ්ච ධම්මං පටිච්ච අහෙතුකො අබ්‍යාකතො ධම්මො උප්පජ්ජති හෙතුපච්චයා… හෙතුයා තීණි.
5. නහෙතුසම්පයුත්තං නකුසලං ධම්මං පච්චයා….
6. නහෙතු චෙව නඅහෙතුකො ච නකුසලො ධම්මො හෙතුස්ස චෙව සහෙතුකස්ස ච කුසලස්ස ධම්මස්ස ආරම්මණපච්චයෙන පච්චයො. නහෙතු චෙව නඅහෙතුකො ච නකුසලො ධම්මො සහෙතුකස්ස චෙව න ච හෙතුස්ස කුසලස්ස ධම්මස්ස ආරම්මණපච්චයෙන පච්චයො. නහෙතු චෙව නඅහෙතුකො ච නකුසලො ධම්මො හෙතුස්ස චෙව සහෙතුකස්ස කුසලස්ස ච සහෙතුකස්ස චෙව න ච හෙතුස්ස කුසලස්ස ච ධම්මස්ස ආරම්මණපච්චයෙන පච්චයො. තීණි.
නඅහෙතුකො චෙව නන ච හෙතු නකුසලො ධම්මො හෙතුස්ස චෙව සහෙතුකස්ස ච කුසලස්ස ධම්මස්ස ආරම්මණපච්චයෙන පච්චයො… තීණි.
නහෙතු චෙව නඅහෙතුකො නකුසලො ච නඅහෙතුකො චෙව නනහෙතු නකුසලො ච ධම්මා හෙතුස්ස චෙව සහෙතුකස්ස ච කුසලස්ස ධම්මස්ස ආරම්මණපච්චයෙන පච්චයො… තීණි. (සබ්බත්ථ නව පඤ්හා.)
7. නහෙතු චෙව නඅහෙතුකො ච නඅකුසලො ධම්මො හෙතුස්ස චෙව සහෙතුකස්ස ච අකුසලස්ස ධම්මස්ස ආරම්මණපච්චයෙන පච්චයො (සංඛිත්තං, නව පඤ්හා).
නහෙතු චෙව නඅහෙතුකො ච නඅබ්‍යාකතො ධම්මො හෙතුස්ස චෙව සහෙතුකස්ස ච අබ්‍යාකතස්ස ධම්මස්ස ආරම්මණපච්චයෙන පච්චයො… තීණි. (නව පඤ්හා.)
5-1. හෙතුහෙතුසම්පයුත්තදුක-කුසලත්තිකං
8. නහෙතු චෙව නහෙතුවිප්පයුත්තො ච නකුසලො ධම්මො හෙතුස්ස චෙව හෙතුසම්පයුත්තස්ස ච කුසලස්ස ධම්මස්ස ආරම්මණපච්චයෙන පච්චයො (සංඛිත්තං, නව පඤ්හා කාතබ්බා).
නහෙතු චෙව නහෙතුවිප්පයුත්තො ච නඅකුසලො ධම්මො හෙතුස්ස චෙව හෙතුසම්පයුත්තස්ස ච අකුසලස්ස ධම්මස්ස ආරම්මණපච්චයෙන පච්චයො (සංඛිත්තං, නව පඤ්හා කාතබ්බා).
නහෙතු චෙව නහෙතුවිප්පයුත්තො ච නඅබ්‍යාකතො ධම්මො හෙතුස්ස චෙව හෙතුසම්පයුත්තස්ස ච අබ්‍යාකතස්ස ධම්මස්ස ආරම්මණපච්චයෙන පච්චයො… තීණි. (නව පඤ්හා කාතබ්බා.)
6-1. නහෙතුසහෙතුකදුක-කුසලත්තිකං
9. නහෙතුං නසහෙතුකං නකුසලං ධම්මං පච්චයා නහෙතු සහෙතුකො කුසලො ධම්මො උප්පජ්ජති හෙතුපච්චයා. හෙතුයා එකං.
නහෙතුං නසහෙතුකං නඅකුසලං ධම්මං පච්චයා නහෙතු සහෙතුකො අකුසලො ධම්මො උප්පජ්ජති හෙතුපච්චයා. හෙතුයා එකං.
නහෙතුං නඅහෙතුකං නඅබ්‍යාකතං ධම්මං පටිච්ච නහෙතු අහෙතුකො අබ්‍යාකතො ධම්මො උප්පජ්ජති හෙතුපච්චයා. හෙතුයා එකං.
7-13-1. චූළන්තරදුකානි-කුසලත්තිකං
10. නඅප්පච්චයං නකුසලං ධම්මං පච්චයා සප්පච්චයො කුසලො ධම්මො උප්පජ්ජති හෙතුපච්චයා. හෙතුයා එකං.
නඅප්පච්චයං නඅකුසලං ධම්මං පච්චයා සප්පච්චයො අකුසලො ධම්මො උප්පජ්ජති හෙතුපච්චයා. හෙතුයා එකං.
නඅප්පච්චයං නඅබ්‍යාකතං ධම්මං පටිච්ච සප්පච්චයො අබ්‍යාකතො ධම්මො උප්පජ්ජති හෙතුපච්චයා. හෙතුයා එකං.
11. නඅසඞ්ඛතං…පෙ… (සප්පච්චයදුකසදිසං).
12. නසනිදස්සනං නකුසලං ධම්මං පච්චයා අනිදස්සනො කුසලො ධම්මො උප්පජ්ජති හෙතුපච්චයා. හෙතුයා එකං.
නසනිදස්සනං නඅකුසලං ධම්මං පච්චයා අනිදස්සනො අකුසලො ධම්මො උප්පජ්ජති හෙතුපච්චයා. හෙතුයා එකං.
නසනිදස්සනං නඅබ්‍යාකතං ධම්මං පටිච්ච සනිදස්සනො අබ්‍යාකතො ධම්මො උප්පජ්ජති හෙතුපච්චයා. නසනිදස්සනං නඅබ්‍යාකතං ධම්මං පටිච්ච අනිදස්සනො අබ්‍යාකතො ධම්මො උප්පජ්ජති හෙතුපච්චයා. නසනිදස්සනං නඅබ්‍යාකතං ධම්මං පටිච්ච සනිදස්සනො අබ්‍යාකතො ච අනිදස්සනො අබ්‍යාකතො ච ධම්මා උප්පජ්ජන්ති හෙතුපච්චයා. (3) …හෙතුයා තීණි.
13. නසප්පටිඝං නකුසලං ධම්මං පච්චයා අප්පටිඝො කුසලො ධම්මො උප්පජ්ජති හෙතුපච්චයා.
14. නඅරූපිං නකුසලං ධම්මං පච්චයා අරූපී කුසලො ධම්මො උප්පජ්ජති හෙතුපච්චයා. හෙතුයා එකං.
නඅරූපිං නඅකුසලං ධම්මං පච්චයා අරූපී අකුසලො ධම්මො උප්පජ්ජති හෙතුපච්චයා. හෙතුයා එකං.
නරූපිං නඅබ්‍යාකතං ධම්මං පටිච්ච රූපී අබ්‍යාකතො ධම්මො උප්පජ්ජති හෙතුපච්චයා. හෙතුයා එකං.
15. නලොකුත්තරං නකුසලං ධම්මං පච්චයා ලොකියො කුසලො ධම්මො උප්පජ්ජති හෙතුපච්චයා. නලොකුත්තරං නකුසලං ධම්මං පච්චයා ලොකුත්තරො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
නලොකුත්තරං නඅකුසලං ධම්මං පච්චයා ලොකියො අකුසලො ධම්මො උප්පජ්ජති හෙතුපච්චයා. හෙතුයා එකං.
නලොකියං නඅබ්‍යාකතං ධම්මං පටිච්ච ලොකියො අබ්‍යාකතො ධම්මො උප්පජ්ජති හෙතුපච්චයා. නලොකුත්තරං නඅබ්‍යාකතං ධම්මං පටිච්ච ලොකියො අබ්‍යාකතො ධම්මො උප්පජ්ජති හෙතුපච්චයා. හෙතුයා ද්වෙ.
16. නකෙනචි විඤ්ඤෙය්‍යං නකුසලං ධම්මං පච්චයා කෙනචි විඤ්ඤෙය්‍යො කුසලො ධම්මො උප්පජ්ජති හෙතුපච්චයා… තීණි.
නකෙනචි නවිඤ්ඤෙය්‍යං නකුසලං ධම්මං පච්චයා කෙනචි නවිඤ්ඤෙය්‍යො කුසලො ධම්මො උප්පජ්ජති හෙතුපච්චයා… තීණි.
නකෙනචි විඤ්ඤෙය්‍යං නකුසලඤ්ච නකෙනචි නවිඤ්ඤෙය්‍යං නකුසලඤ්ච ධම්මං පච්චයා කෙනචි විඤ්ඤෙය්‍යො කුසලො ධම්මො උප්පජ්ජති හෙතුපච්චයා… තීණි. (සබ්බත්ථ නව.)
නකෙනචි විඤ්ඤෙය්‍යං නඅකුසලං ධම්මං පච්චයා කෙනචි විඤ්ඤෙය්‍යො අකුසලො ධම්මො උප්පජ්ජති හෙතුපච්චයා. නකෙනචි නවිඤ්ඤෙය්‍යං නඅකුසලං ධම්මං පච්චයා කෙනචි නවිඤ්ඤෙය්‍යො අකුසලො ධම්මො උප්පජ්ජති හෙතුපච්චයා… හෙතුයා නව.
නකෙනචි විඤ්ඤෙය්‍යං නඅබ්‍යාකතං ධම්මං පටිච්ච කෙනචි විඤ්ඤෙය්‍යො අබ්‍යාකතො ධම්මො උප්පජ්ජති හෙතුපච්චයා… හෙතුයා නව.
14-1. ආසවදුක-කුසලත්තිකං
17. නආසවං නකුසලං ධම්මං පච්චයා නොආසවො කුසලො ධම්මො උප්පජ්ජති හෙතුපච්චයා. හෙතුයා එකං.
නආසවං නඅකුසලං ධම්මං පච්චයා ආසවො අකුසලො ධම්මො උප්පජ්ජති හෙතුපච්චයා… හෙතුයා තීණි.
නආසවං නඅබ්‍යාකතං ධම්මං පටිච්ච නොආසවො අබ්‍යාකතො ධම්මො උප්පජ්ජති හෙතුපච්චයා. නනොආසවං නඅබ්‍යාකතං ධම්මං පටිච්ච නොආසවො අබ්‍යාකතො ධම්මො උප්පජ්ජති හෙතුපච්චයා. (දුකමූලකං එකං.)… හෙතුයා තීණි.
15-1. සාසවදුක-කුසලත්තිකං
18. නඅනාසවං නකුසලං ධම්මං පච්චයා අනාසවො කුසලො ධම්මො උප්පජ්ජති හෙතුපච්චයා. නඅනාසවං නකුසලං ධම්මං පච්චයා සාසවො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
නඅනාසවං නඅකුසලං ධම්මං පච්චයා සාසවො අකුසලො ධම්මො උප්පජ්ජති හෙතුපච්චයා. හෙතුයා එකං.
16-1. ආසවසම්පයුත්තදුක-කුසලත්තිකං
19. නආසවසම්පයුත්තං නකුසලං ධම්මං පච්චයා ආසවවිප්පයුත්තො කුසලො ධම්මො උප්පජ්ජති හෙතුපච්චයා. හෙතුයා එකං.
නආසවසම්පයුත්තං නඅකුසලං ධම්මං පච්චයා ආසවසම්පයුත්තො අකුසලො ධම්මො උප්පජ්ජති හෙතුපච්චයා… හෙතුයා තීණි.
නආසවසම්පයුත්තං නඅබ්‍යාකතං ධම්මං පටිච්ච ආසවවිප්පයුත්තො අබ්‍යාකතො ධම්මො උප්පජ්ජති හෙතුපච්චයා… හෙතුයා තීණි.
17-1. ආසවසාසවදුක-කුසලත්තිකං
20. නආසවඤ්චෙව නඅනාසවඤ්ච නකුසලං ධම්මං පච්චයා සාසවො චෙව නොආසවො ච කුසලො ධම්මො උප්පජ්ජති හෙතුපච්චයා. හෙතුයා එකං.
නආසවඤ්චෙව නඅනාසවඤ්ච නඅකුසලං ධම්මං පච්චයා ආසවො චෙව සාසවො ච අකුසලො ධම්මො උප්පජ්ජති හෙතුපච්චයා… හෙතුයා තීණි.
නආසවඤ්චෙව නඅනාසවඤ්ච නඅබ්‍යාකතං ධම්මං පටිච්ච සාසවො චෙව නො ච ආසවො අබ්‍යාකතො ධම්මො උප්පජ්ජති හෙතුපච්චයා… හෙතුයා තීණි.
(ආසවආසවසම්පයුත්තදුකං නත්ථි.)
19-1. ආසවවිප්පයුත්තසාසවදුක-කුසලත්තිකං
21. ආසවවිප්පයුත්තං නඅනාසවං නකුසලං ධම්මං පච්චයා ආසවවිප්පයුත්තො අනාසවො කුසලො ධම්මො උප්පජ්ජති හෙතුපච්චයා. ආසවවිප්පයුත්තං නඅනාසවං නකුසලං ධම්මං පච්චයා ආසවවිප්පයුත්තො සාසවො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
ආසවවිප්පයුත්තං නඅනාසවං නඅකුසලං ධම්මං පච්චයා ආසවවිප්පයුත්තො සාසවො අකුසලො ධම්මො උප්පජ්ජති හෙතුපච්චයා. හෙතුයා එකං.
ආසවවිප්පයුත්තං නසාසවං නඅබ්‍යාකතං ධම්මං පටිච්ච ආසවවිප්පයුත්තො සාසවො අබ්‍යාකතො ධම්මො උප්පජ්ජති හෙතුපච්චයා. ආසවවිප්පයුත්තං නඅනාසවං නඅබ්‍යාකතං ධම්මං පටිච්ච ආසවවිප්පයුත්තො සාසවො අබ්‍යාකතො ධම්මො උප්පජ්ජති හෙතුපච්චයා. හෙතුයා ද්වෙ.
20-54-1. සඤ්ඤොජනාදිඡගොච්ඡකානි-කුසලත්තිකං
22. නසඤ්ඤොජනං නඅකුසලං ධම්මං පච්චයා සඤ්ඤොජනො අකුසලො ධම්මො උප්පජ්ජති හෙතුපච්චයා… හෙතුයා තීණි.
23. නගන්ථං නඅකුසලං ධම්මං පච්චයා ගන්ථො අකුසලො ධම්මො උප්පජ්ජති හෙතුපච්චයා… හෙතුයා තීණි.
24. නඔඝං නඅකුසලං ධම්මං පච්චයා ඔඝො අකුසලො ධම්මො උප්පජ්ජති හෙතුපච්චයා… හෙතුයා තීණි.
25. නයොගං නඅකුසලං ධම්මං පච්චයා යොගො අකුසලො ධම්මො උප්පජ්ජති හෙතුපච්චයා… හෙතුයා තීණි.
26. නනීවරණං නඅකුසලං ධම්මං පච්චයා නීවරණො අකුසලො ධම්මො උප්පජ්ජති හෙතුපච්චයා… හෙතුයා තීණි.
27. නපරාමාසං නඅකුසලං ධම්මං පච්චයා පරාමාසො අකුසලො ධම්මො උප්පජ්ජති හෙතුපච්චයා… හෙතුයා තීණි.
55-68-1. මහන්තරදුකානි-කුසලත්තිකං
28. නසාරම්මණං නකුසලං ධම්මං පච්චයා සාරම්මණො කුසලො ධම්මො උප්පජ්ජති හෙතුපච්චයා. හෙතුයා එකං.
නසාරම්මණං නඅකුසලං ධම්මං පච්චයා සාරම්මණො අකුසලො ධම්මො උප්පජ්ජති හෙතුපච්චයා. හෙතුයා එකං.
නඅනාරම්මණං නඅබ්‍යාකතං ධම්මං පටිච්ච අනාරම්මණො අබ්‍යාකතො ධම්මො උප්පජ්ජති හෙතුපච්චයා. හෙතුයා එකං.
29. නොචිත්තං නකුසලං ධම්මං පච්චයා චිත්තො කුසලො ධම්මො උප්පජ්ජති හෙතුපච්චයා… හෙතුයා තීණි. (නඅකුසලෙ තීණි. නඅබ්‍යාකතෙ තීණි. සංඛිත්තං.)
30. නචෙතසිකං නකුසලං ධම්මං පච්චයා චෙතසිකො කුසලො ධම්මො උප්පජ්ජති හෙතුපච්චයා… හෙතුයා තීණි.
31. නචිත්තසම්පයුත්තං නකුසලං ධම්මං පච්චයා චිත්තසම්පයුත්තො කුසලො ධම්මො උප්පජ්ජති හෙතුපච්චයා. හෙතුයා එකං.
32. නචිත්තසංසට්ඨං නකුසලං ධම්මං පච්චයා චිත්තසංසට්ඨො කුසලො ධම්මො උප්පජ්ජති හෙතුපච්චයා. හෙතුයා එකං.
33. නචිත්තසමුට්ඨානං නකුසලං ධම්මං පච්චයා චිත්තසමුට්ඨානො කුසලො ධම්මො උප්පජ්ජති හෙතුපච්චයා… හෙතුයා තීණි.
34. නචිත්තසහභුං නකුසලං ධම්මං පච්චයා චිත්තසහභූ කුසලො ධම්මො උප්පජ්ජති හෙතුපච්චයා… හෙතුයා තීණි.
35. නචිත්තානුපරිවත්තිං නකුසලං ධම්මං පච්චයා චිත්තානුපරිවත්තී කුසලො ධම්මො උප්පජ්ජති හෙතුපච්චයා… හෙතුයා තීණි.
36. නචිත්තසංසට්ඨසමුට්ඨානං නකුසලං ධම්මං පච්චයා චිත්තසංසට්ඨසමුට්ඨානො කුසලො ධම්මො උප්පජ්ජති හෙතුපච්චයා… හෙතුයා තීණි.
37. නචිත්තසංසට්ඨසමුට්ඨානසහභුං නකුසලං ධම්මං පච්චයා චිත්තසංසට්ඨසමුට්ඨානසහභූ කුසලො ධම්මො උප්පජ්ජති හෙතුපච්චයා… හෙතුයා තීණි.
38. නචිත්තසංසට්ඨසමුට්ඨානානුපරිවත්තිං නකුසලං ධම්මං පච්චයා චිත්තසංසට්ඨසමුට්ඨානානුපරිවත්තී කුසලො ධම්මො උප්පජ්ජති හෙතුපච්චයා… හෙතුයා තීණි.
39. නඅජ්ඣත්තිකං නකුසලං ධම්මං පච්චයා අජ්ඣත්තිකො කුසලො ධම්මො උප්පජ්ජති හෙතුපච්චයා… හෙතුයා තීණි.
40. නනොඋපාදා නකුසලං ධම්මං පච්චයා නොඋපාදා කුසලො ධම්මො උප්පජ්ජති හෙතුපච්චයා. හෙතුයා එකං.
41. නඅනුපාදින්නං නකුසලං ධම්මං පච්චයා අනුපාදින්නො කුසලො ධම්මො උප්පජ්ජති හෙතුපච්චයා. හෙතුයා එකං.
69-74-1. උපාදානදුකාදි-කුසලත්තිකං
42. නඋපාදානං නඅකුසලං ධම්මං පච්චයා උපාදානො අකුසලො ධම්මො උප්පජ්ජති හෙතුපච්චයා… හෙතුයා තීණි.
75-82-1. කිලෙසදුකාදි-කුසලත්තිකං
43. නකිලෙසං නඅකුසලං ධම්මං පච්චයා කිලෙසො අකුසලො ධම්මො උප්පජ්ජති හෙතුපච්චයා… හෙතුයා තීණි.
83-100-1. පිට්ඨිදුකානි-කුසලත්තිකං
44. නදස්සනෙන පහාතබ්බං නකුසලං ධම්මං පච්චයා නදස්සනෙන පහාතබ්බො කුසලො ධම්මො උප්පජ්ජති හෙතුපච්චයා. හෙතුයා එකං.
නදස්සනෙන පහාතබ්බං නඅකුසලං ධම්මං පච්චයා දස්සනෙන පහාතබ්බො අකුසලො ධම්මො උප්පජ්ජති හෙතුපච්චයා. නදස්සනෙන පහාතබ්බං නඅකුසලං ධම්මං පච්චයා නදස්සනෙන පහාතබ්බො අකුසලො ධම්මො උප්පජ්ජති හෙතුපච්චයා. හෙතුයා ද්වෙ.
නදස්සනෙන පහාතබ්බං නඅබ්‍යාකතං ධම්මං පටිච්ච නදස්සනෙන පහාතබ්බො අබ්‍යාකතො ධම්මො උප්පජ්ජති හෙතුපච්චයා. නනදස්සනෙන පහාතබ්බං නඅබ්‍යාකතං ධම්මං පටිච්ච නදස්සනෙන පහාතබ්බො අබ්‍යාකතො ධම්මො උප්පජ්ජති හෙතුපච්චයා. හෙතුයා ද්වෙ.
45. නභාවනාය පහාතබ්බං නකුසලං ධම්මං පච්චයා නභාවනාය පහාතබ්බො කුසලො ධම්මො උප්පජ්ජති හෙතුපච්චයා. හෙතුයා එකං.
46. නදස්සනෙන පහාතබ්බහෙතුකං නකුසලං ධම්මං පච්චයා නදස්සනෙන පහාතබ්බහෙතුකො කුසලො ධම්මො උප්පජ්ජති හෙතුපච්චයා. හෙතුයා එකං.
47. නභාවනාය පහාතබ්බහෙතුකං නකුසලං ධම්මං පච්චයා නභාවනාය පහාතබ්බහෙතුකො කුසලො ධම්මො උප්පජ්ජති හෙතුපච්චයා. හෙතුයා එකං.
48. නසවිතක්කං නකුසලං ධම්මං පච්චයා සවිතක්කො කුසලො ධම්මො උප්පජ්ජති හෙතුපච්චයා… හෙතුයා තීණි.
49. නසවිචාරං නකුසලං ධම්මං පච්චයා සවිචාරො කුසලො ධම්මො උප්පජ්ජති හෙතුපච්චයා… හෙතුයා තීණි.
50. නසප්පීතිකං නකුසලං ධම්මං පච්චයා සප්පීතිකො කුසලො ධම්මො උප්පජ්ජති හෙතුපච්චයා… හෙතුයා තීණි.
51. නපීතිසහගතං නකුසලං ධම්මං පච්චයා පීතිසහගතො කුසලො ධම්මො උප්පජ්ජති හෙතුපච්චයා… හෙතුයා තීණි.
52. නසුඛසහගතං නකුසලං ධම්මං පච්චයා සුඛසහගතො කුසලො ධම්මො උප්පජ්ජති හෙතුපච්චයා… හෙතුයා තීණි.
53. නඋපෙක්ඛාසහගතං නකුසලං ධම්මං පච්චයා උපෙක්ඛාසහගතො කුසලො ධම්මො උප්පජ්ජති හෙතුපච්චයා… හෙතුයා තීණි.
54. නනකාමාවචරං නකුසලං ධම්මං පච්චයා නකාමාවචරො කුසලො ධම්මො උප්පජ්ජති හෙතුපච්චයා. නනකාමාවචරං නකුසලං ධම්මං පච්චයා කාමාවචරො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
55. නරූපාවචරං නකුසලං ධම්මං පච්චයා රූපාවචරො කුසලො ධම්මො උප්පජ්ජති හෙතුපච්චයා. නරූපාවචරං නකුසලං ධම්මං පච්චයා නරූපාවචරො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
56. නඅරූපාවචරං නකුසලං ධම්මං පච්චයා අරූපාවචරො කුසලො ධම්මො උප්පජ්ජති හෙතුපච්චයා. නඅරූපාවචරං නකුසලං ධම්මං පච්චයා නඅරූපාවචරො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
57. නඅපරියාපන්නං නකුසලං ධම්මං පච්චයා අපරියාපන්නො කුසලො ධම්මො උප්පජ්ජති හෙතුපච්චයා. නඅපරියාපන්නං නකුසලං ධම්මං පච්චයා පරියාපන්නො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
58. නනිය්‍යානිකං නකුසලං ධම්මං පච්චයා නිය්‍යානිකො කුසලො ධම්මො උප්පජ්ජති හෙතුපච්චයා. නනිය්‍යානිකං නකුසලං ධම්මං පච්චයා නඅනිය්‍යානිකො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
59. නනියතං නකුසලං ධම්මං පච්චයා නියතො කුසලො ධම්මො උප්පජ්ජති හෙතුපච්චයා. නනියතං නකුසලං ධම්මං පච්චයා අනියතො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
60. නඅනුත්තරං නකුසලං ධම්මං පච්චයා අනුත්තරො කුසලො ධම්මො උප්පජ්ජති හෙතුපච්චයා. නඅනුත්තරං නකුසලං ධම්මං පච්චයා සඋත්තරො කුසලො ධම්මො උප්පජ්ජති හෙතුපච්චයා. හෙතුයා ද්වෙ.
61. නසරණං නකුසලං ධම්මං පච්චයා අරණො කුසලො ධම්මො උප්පජ්ජති හෙතුපච්චයා. හෙතුයා එකං.
නසරණං නඅකුසලං ධම්මං පච්චයා සරණො අකුසලො ධම්මො උප්පජ්ජති හෙතුපච්චයා. හෙතුයා එකං.
නසරණං නඅබ්‍යාකතං ධම්මං පටිච්ච අරණො අබ්‍යාකතො ධම්මො උප්පජ්ජති හෙතුපච්චයා. නඅරණං නඅබ්‍යාකතං ධම්මං පටිච්ච අරණො අබ්‍යාකතො ධම්මො උප්පජ්ජති හෙතුපච්චයා. හෙතුයා ද්වෙ.
1-2. හෙතුදුක-වෙදනාත්තිකං
62. නහෙතුං නසුඛාය වෙදනාය සම්පයුත්තං ධම්මං පටිච්ච හෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නහෙතුං නසුඛාය වෙදනාය සම්පයුත්තං ධම්මං පටිච්ච නහෙතු සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නහෙතුං නසුඛාය වෙදනාය සම්පයුත්තං ධම්මං පටිච්ච හෙතු සුඛාය වෙදනාය සම්පයුත්තො ච නහෙතු සුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. හෙතුයා තීණි. නහෙතු නදුක්ඛාය වෙදනාය සම්පයුත්තමූලං තීණියෙව.
නහෙතුං නඅදුක්ඛමසුඛාය වෙදනාය සම්පයුත්තං ධම්මං පටිච්ච හෙතු අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා… හෙතුයා තීණි.
1-3. හෙතුදුක-විපාකත්තිකං
63. නහෙතුං නවිපාකං ධම්මං පටිච්ච හෙතු විපාකො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නවිපාකධම්මධම්මං පච්චයා හෙතු විපාකධම්මධම්මො උප්පජ්ජති හෙතුපච්චයා… හෙතුයා තීණි.
නහෙතුං නනෙවවිපාකනවිපාකධම්මධම්මං පටිච්ච නහෙතු නෙවවිපාකනවිපාකධම්මධම්මො උප්පජ්ජති හෙතුපච්චයා… හෙතුයා තීණි.
1-4. හෙතුදුක-උපාදින්නත්තිකං
64. නහෙතු නඋපාදින්නුපාදානියො ධම්මො හෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො. නහෙතු නඋපාදින්නුපාදානියො ධම්මො නහෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො. නහෙතු නඋපාදින්නුපාදානියො ධම්මො හෙතුස්ස උපාදින්නුපාදානියස්ස ච නහෙතුස්ස උපාදින්නුපාදානියස්ස ච ධම්මස්ස ආරම්මණපච්චයෙන පච්චයො. (3)
නනහෙතු නඋපාදින්නුපාදානියො ධම්මො නහෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි.
නහෙතු නඋපාදින්නුපාදානියො ච නනහෙතු නඋපාදින්නුපාදානියො ච ධම්මා හෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි. (නව පඤ්හා සංඛිත්තං.)
නහෙතුං නඅනුපාදින්නුපාදානියං ධම්මං පච්චයා හෙතු අනුපාදින්නුපාදානියො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නඅනුපාදින්නඅනුපාදානියං ධම්මං පච්චයා හෙතු අනුපාදින්නඅනුපාදානියො ධම්මො උප්පජ්ජති හෙතුපච්චයා… හෙතුයා තීණි.
1-5. හෙතුදුක-සංකිලිට්ඨත්තිකං
65. නහෙතුං නසංකිලිට්ඨසංකිලෙසිකං ධම්මං පච්චයා හෙතු සංකිලිට්ඨසංකිලෙසිකො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නඅසංකිලිට්ඨසංකිලෙසිකං ධම්මං පටිච්ච නහෙතු අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නඅසංකිලිට්ඨඅසංකිලෙසිකං ධම්මං පච්චයා හෙතු අසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා… හෙතුයා තීණි.
1-6. හෙතුදුක-විතක්කත්තිකං
66. නහෙතුං නසවිතක්කසවිචාරං ධම්මං පටිච්ච හෙතු සවිතක්කසවිචාරො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නඅවිතක්කවිචාරමත්තං ධම්මං පටිච්ච හෙතු අවිතක්කවිචාරමත්තො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නඅවිතක්කඅවිචාරං ධම්මං පටිච්ච නහෙතු අවිතක්කඅවිචාරො ධම්මො උප්පජ්ජති හෙතුපච්චයා… හෙතුයා තීණි.
1-7. හෙතුදුක-පීතිත්තිකං
67. නහෙතුං නපීතිසහගතං ධම්මං පටිච්ච හෙතු පීතිසහගතො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නසුඛසහගතං ධම්මං පටිච්ච හෙතු සුඛසහගතො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නඋපෙක්ඛාසහගතං ධම්මං පටිච්ච හෙතු උපෙක්ඛාසහගතො ධම්මො උප්පජ්ජති හෙතුපච්චයා… හෙතුයා තීණි.
1-8. හෙතුදුක-දස්සනත්තිකං
68. නහෙතුං නදස්සනෙන පහාතබ්බං ධම්මං පච්චයා හෙතු දස්සනෙන පහාතබ්බො ධම්මො උප්පජ්ජති හෙතුපච්චයා… හෙතුයා තීණි.
නහෙතුං නභාවනාය පහාතබ්බං ධම්මං පච්චයා හෙතු භාවනාය පහාතබ්බො ධම්මො උප්පජ්ජති හෙතුපච්චයා… හෙතුයා තීණි.
69. නහෙතුං නනෙවදස්සනෙන නභාවනාය පහාතබ්බං ධම්මං පටිච්ච නහෙතු නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. නනහෙතුං නනෙවදස්සනෙන නභාවනාය පහාතබ්බං ධම්මං පටිච්ච නහෙතු නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. (දුකමූලං එකං සංඛිත්තං, සබ්බත්ථ තීණි.)
1-9. හෙතුදුක-දස්සනහෙතුත්තිකං
70. නනහෙතුං නදස්සනෙන පහාතබ්බහෙතුකං ධම්මං පටිච්ච නහෙතු දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා. හෙතුයා එකං.
නනහෙතුං නභාවනාය පහාතබ්බහෙතුකං ධම්මං පටිච්ච නහෙතු භාවනාය පහාතබ්බහෙතුකො ධම්මො උප්පජ්ජති හෙතුපච්චයා. හෙතුයා එකං.
71. නහෙතුං නනෙවදස්සනෙන නභාවනාය පහාතබ්බහෙතුකං ධම්මං පටිච්ච නහෙතු නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා. නනහෙතුං නනෙවදස්සනෙන නභාවනාය පහාතබ්බහෙතුකං ධම්මං පටිච්ච නහෙතු නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා… ගණිතකෙන තීණි.
1-10. හෙතුදුක-ආචයගාමිත්තිකං
72. නහෙතුං නආචයගාමිං ධම්මං පච්චයා හෙතු ආචයගාමී ධම්මො උප්පජ්ජති හෙතුපච්චයා… හෙතුයා තීණි.
නහෙතුං නඅපචයගාමිං ධම්මං පච්චයා හෙතු අපචයගාමී ධම්මො උප්පජ්ජති හෙතුපච්චයා… හෙතුයා තීණි.