1-6. හෙතුගොච්ඡකං

1-7. පටිච්චවාරාදි

1. නහෙතුං ධම්මං පටිච්ච හෙතු ධම්මො උප්පජ්ජති හෙතුපච්චයා. නහෙතුං ධම්මං පටිච්ච නහෙතු ධම්මො උප්පජ්ජති හෙතුපච්චයා. නහෙතුං ධම්මං පටිච්ච හෙතු ච නහෙතු ච ධම්මා උප්පජ්ජන්ති හෙතුපච්චයා. (3)

නනහෙතුං ධම්මං පටිච්ච හෙතු ධම්මො උප්පජ්ජති හෙතුපච්චයා. නනහෙතුං ධම්මං පටිච්ච නහෙතු ධම්මො උප්පජ්ජති හෙතුපච්චයා. නනහෙතුං ධම්මං පටිච්ච හෙතු ච නහෙතු ච ධම්මා උප්පජ්ජන්ති හෙතුපච්චයා. (3)

නහෙතුඤ්ච නනහෙතුඤ්ච ධම්මං පටිච්ච හෙතු ධම්මො උප්පජ්ජති හෙතුපච්චයා. නහෙතුඤ්ච නනහෙතුඤ්ච ධම්මං පටිච්ච නහෙතු ධම්මො උප්පජ්ජති හෙතුපච්චයා. නහෙතුඤ්ච නනහෙතුඤ්ච ධම්මං පටිච්ච හෙතු ච නහෙතු ච ධම්මා උප්පජ්ජන්ති හෙතුපච්චයා. (3) (සංඛිත්තං.) හෙතුයා නව, ආරම්මණෙ නව…පෙ… අවිගතෙ නව.

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

2. නසහෙතුකං ධම්මං පටිච්ච සහෙතුකො ධම්මො උප්පජ්ජති හෙතුපච්චයා. නසහෙතුකං ධම්මං පටිච්ච අහෙතුකො ධම්මො උප්පජ්ජති හෙතුපච්චයා. නසහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා. තීණි.

නඅහෙතුකං ධම්මං පටිච්ච අහෙතුකො ධම්මො උප්පජ්ජති හෙතුපච්චයා. නඅහෙතුකං ධම්මං පටිච්ච සහෙතුකො ධම්මො උප්පජ්ජති හෙතුපච්චයා. නඅහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා. තීණි.

නසහෙතුකඤ්ච නඅහෙතුකඤ්ච ධම්මං පටිච්ච සහෙතුකො ධම්මො උප්පජ්ජති හෙතුපච්චයා. නසහෙතුකඤ්ච නඅහෙතුකඤ්ච ධම්මං පටිච්ච අහෙතුකො ධම්මො උප්පජ්ජති හෙතුපච්චයා. නසහෙතුකඤ්ච නඅහෙතුකඤ්ච ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා. තීණි. හෙතුයා නව.

3. නහෙතුසම්පයුත්තං ධම්මං පටිච්ච හෙතුසම්පයුත්තො ධම්මො උප්පජ්ජති හෙතුපච්චයා… හෙතුයා නව.

4. නහෙතුඤ්චෙව නඅහෙතුකඤ්ච ධම්මං පටිච්ච හෙතු චෙව සහෙතුකො ච ධම්මො උප්පජ්ජති හෙතුපච්චයා… හෙතුයා නව.

5. නහෙතුඤ්චෙව නහෙතුවිප්පයුත්තඤ්ච ධම්මං පටිච්ච හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා… හෙතුයා නව.

6. නහෙතුං නසහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා… හෙතුයා නව.