1-6-12. හෙතුදුක-චූළන්තරදුකාදි

9. නහෙතු අප්පච්චයො ධම්මො නනහෙතුස්ස නඅප්පච්චයස්ස ධම්මස්ස ආරම්මණපච්චයෙන පච්චයො…පෙ… නහෙතු අප්පච්චයො ධම්මො නහෙතුස්ස නඅප්පච්චයස්ස ධම්මස්ස ආරම්මණපච්චයෙන පච්චයො. නහෙතු අප්පච්චයො ධම්මො නහෙතුස්ස නඅප්පච්චයස්ස ච නනහෙතුස්ස නඅප්පච්චයස්ස ච ධම්මස්ස ආරම්මණපච්චයෙන පච්චයො…පෙ…. (අසඞ්ඛතං අප්පච්චයසදිසං.)

10. නහෙතු සනිදස්සනො ධම්මො නනහෙතුස්ස නසනිදස්සනස්ස ධම්මස්ස ආරම්මණපච්චයෙන පච්චයො. නහෙතු සනිදස්සනො ධම්මො නහෙතුස්ස නසනිදස්සනස්ස ධම්මස්ස ආරම්මණපච්චයෙන පච්චයො. නහෙතු සනිදස්සනො ධම්මො නහෙතුස්ස නසනිදස්සනස්ස ච නනහෙතුස්ස නසනිදස්සනස්ස ච ධම්මස්ස ආරම්මණපච්චයෙන පච්චයො. ආරම්මණෙ තීණි.

හෙතුං අනිදස්සනං ධම්මං පටිච්ච නහෙතු නඅනිදස්සනො ධම්මො උප්පජ්ජති හෙතුපච්චයා… හෙතුයා තීණි.

11. නහෙතුං සප්පටිඝං ධම්මං පටිච්ච නහෙතු නසප්පටිඝො ධම්මො උප්පජ්ජති හෙතුපච්චයා… හෙතුයා එකං.

හෙතුං අප්පටිඝං ධම්මං පටිච්ච නහෙතු නඅප්පටිඝො ධම්මො උප්පජ්ජති හෙතුපච්චයා… හෙතුයා තීණි.

12. නහෙතුං රූපිං ධම්මං පටිච්ච නනහෙතු නරූපී ධම්මො උප්පජ්ජති හෙතුපච්චයා… හෙතුයා තීණි.

හෙතුං අරූපිං ධම්මං පටිච්ච නහෙතු නඅරූපී ධම්මො උප්පජ්ජති හෙතුපච්චයා… හෙතුයා තීණි.

13. නහෙතුං ලොකියං ධම්මං පච්චයා නනහෙතු නලොකියො ධම්මො උප්පජ්ජති හෙතුපච්චයා… හෙතුයා තීණි.

හෙතුං ලොකුත්තරං ධම්මං පටිච්ච නහෙතු නලොකුත්තරො ධම්මො උප්පජ්ජති හෙතුපච්චයා. නහෙතුං ලොකුත්තරං ධම්මං පටිච්ච නහෙතු නලොකුත්තරො ධම්මො උප්පජ්ජති හෙතුපච්චයා. හෙතුං ලොකුත්තරඤ්ච නහෙතුං ලොකුත්තරඤ්ච ධම්මං පටිච්ච නහෙතු නලොකුත්තරො ධම්මො උප්පජ්ජති හෙතුපච්චයා. හෙතුයා තීණි.

14. හෙතුං කෙනචි විඤ්ඤෙය්‍යං ධම්මං පටිච්ච නහෙතු නකෙනචි විඤ්ඤෙය්‍යො ධම්මො උප්පජ්ජති හෙතුපච්චයා… හෙතුයා නව.

හෙතුං නකෙනචි විඤ්ඤෙය්‍යං ධම්මං පටිච්ච නහෙතු නනකෙනචි විඤ්ඤෙය්‍යො ධම්මො උප්පජ්ජති හෙතුපච්චයා… හෙතුයා නව.