1-13-18. හෙතුදුක-ආසවගොච්ඡකං

15. හෙතුං ආසවං ධම්මං පටිච්ච නහෙතු නආසවො ධම්මො උප්පජ්ජති හෙතුපච්චයා… හෙතුයා පඤ්ච.

හෙතුං නොආසවං ධම්මං පටිච්ච නනහෙතු නනොආසවො ධම්මො උප්පජ්ජති හෙතුපච්චයා… හෙතුයා පඤ්ච.

16. නහෙතුං සාසවං ධම්මං පච්චයා නනහෙතු නසාසවො ධම්මො උප්පජ්ජති හෙතුපච්චයා… හෙතුයා තීණි.

හෙතුං අනාසවං ධම්මං පටිච්ච නහෙතු නඅනාසවො ධම්මො උප්පජ්ජති හෙතුපච්චයා… හෙතුයා තීණි.

17. හෙතුං ආසවසම්පයුත්තං ධම්මං පටිච්ච නහෙතු නආසවසම්පයුත්තො ධම්මො උප්පජ්ජති හෙතුපච්චයා… හෙතුයා නව.

හෙතුං ආසවවිප්පයුත්තං ධම්මං පටිච්ච නහෙතු නආසවවිප්පයුත්තො ධම්මො උප්පජ්ජති හෙතුපච්චයා… හෙතුයා තීණි.

18. හෙතුං ආසවඤ්චෙව සාසවඤ්ච ධම්මං පටිච්ච නහෙතු නආසවො චෙව නඅනාසවො ච ධම්මො උප්පජ්ජති හෙතුපච්චයා… හෙතුයා පඤ්ච.

හෙතුං සාසවඤ්චෙව නො ච ආසවං ධම්මං පටිච්ච නනහෙතු නඅනාසවො චෙව නනො ච ආසවො ධම්මො උප්පජ්ජති හෙතුපච්චයා… හෙතුයා පඤ්ච.

19. හෙතුං ආසවඤ්චෙව ආසවසම්පයුත්තඤ්ච ධම්මං පටිච්ච නහෙතු නආසවො චෙව නආසවවිප්පයුත්තො ච ධම්මො උප්පජ්ජති හෙතුපච්චයා… හෙතුයා තීණි.

නහෙතුං ආසවසම්පයුත්තඤ්චෙව නො ච ආසවං ධම්මං පටිච්ච නනහෙතු නආසවවිප්පයුත්තො චෙව නනොආසවො ච ධම්මො උප්පජ්ජති හෙතුපච්චයා… හෙතුයා තීණි.

20. නහෙතුං ආසවවිප්පයුත්තං සාසවං ධම්මං පච්චයා නනහෙතු ආසවවිප්පයුත්තො නසාසවො ධම්මො උප්පජ්ජති හෙතුපච්චයා. (ලොකියසදිසං.)

හෙතුං ආසවවිප්පයුත්තං අනාසවං ධම්මං පටිච්ච නහෙතු ආසවවිප්පයුත්තො නඅනාසවො ධම්මො උප්පජ්ජති හෙතුපච්චයා. නහෙතුං ආසවවිප්පයුත්තං අනාසවං ධම්මං පටිච්ච නහෙතු ආසවවිප්පයුත්තො නඅනාසවො ධම්මො උප්පජ්ජති හෙතුපච්චයා. හෙතුං ආසවවිප්පයුත්තං අනාසවඤ්ච නහෙතුං ආසවවිප්පයුත්තං අනාසවඤ්ච ධම්මං පටිච්ච නහෙතු ආසවවිප්පයුත්තො නඅනාසවො ධම්මො උප්පජ්ජති හෙතුපච්චයා. හෙතුයා තීණි.