2-1. වෙදනාත්තික-කුසලත්තිකං

36. සුඛාය වෙදනාය සම්පයුත්තං කුසලං ධම්මං පටිච්ච නසුඛාය වෙදනාය සම්පයුත්තො නකුසලො ධම්මො උප්පජ්ජති හෙතුපච්චයා. සුඛාය වෙදනාය සම්පයුත්තං කුසලං ධම්මං පටිච්ච නදුක්ඛාය වෙදනාය සම්පයුත්තො නකුසලො ධම්මො උප්පජ්ජති හෙතුපච්චයා. සුඛාය වෙදනාය සම්පයුත්තං කුසලං ධම්මං පටිච්ච නඅදුක්ඛමසුඛාය වෙදනාය සම්පයුත්තො නකුසලො ධම්මො උප්පජ්ජති හෙතුපච්චයා. සුඛාය වෙදනාය සම්පයුත්තං කුසලං ධම්මං පටිච්ච නසුඛාය වෙදනාය සම්පයුත්තො නකුසලො ච නඅදුක්ඛමසුඛාය වෙදනාය සම්පයුත්තො නකුසලො ච ධම්මා උප්පජ්ජන්ති හෙතුපච්චයා. සුඛාය වෙදනාය සම්පයුත්තං කුසලං ධම්මං පටිච්ච නදුක්ඛාය වෙදනාය සම්පයුත්තො නකුසලො ච නඅදුක්ඛමසුඛාය වෙදනාය සම්පයුත්තො නකුසලො ච ධම්මා උප්පජ්ජන්ති හෙතුපච්චයා. සුඛාය වෙදනාය සම්පයුත්තං කුසලං ධම්මං පටිච්ච නසුඛාය වෙදනාය සම්පයුත්තො නකුසලො ච නදුක්ඛාය වෙදනාය සම්පයුත්තො නකුසලො ච ධම්මා උප්පජ්ජන්ති හෙතුපච්චයා. සුඛාය වෙදනාය සම්පයුත්තං කුසලං ධම්මං පටිච්ච නසුඛාය වෙදනාය සම්පයුත්තො නකුසලො ච නදුක්ඛාය වෙදනාය සම්පයුත්තො නකුසලො ච නඅදුක්ඛමසුඛාය වෙදනාය සම්පයුත්තො නකුසලො ච ධම්මා උප්පජ්ජන්ති හෙතුපච්චයා. සත්ත.

අදුක්ඛමසුඛාය වෙදනාය සම්පයුත්තං කුසලං ධම්මං පටිච්ච නඅදුක්ඛමසුඛාය වෙදනාය සම්පයුත්තො නකුසලො ධම්මො උප්පජ්ජති හෙතුපච්චයා… සත්ත… හෙතුයා චුද්දස.

37. සුඛාය වෙදනාය සම්පයුත්තං අකුසලං ධම්මං පටිච්ච නසුඛාය වෙදනාය සම්පයුත්තො නකුසලො ධම්මො උප්පජ්ජති හෙතුපච්චයා… සත්ත.

දුක්ඛාය වෙදනාය සම්පයුත්තං අකුසලං ධම්මං පටිච්ච නදුක්ඛාය වෙදනාය සම්පයුත්තො නඅකුසලො ධම්මො උප්පජ්ජති හෙතුපච්චයා… සත්ත.

අදුක්ඛමසුඛාය වෙදනාය සම්පයුත්තං අකුසලං ධම්මං පටිච්ච නඅදුක්ඛමසුඛාය වෙදනාය සම්පයුත්තො නඅකුසලො ධම්මො උප්පජ්ජති හෙතුපච්චයා… සත්ත. (එකවීසති පඤ්හා.)

38. සුඛාය වෙදනාය සම්පයුත්තො අබ්‍යාකතො ධම්මො නසුඛාය වෙදනාය සම්පයුත්තස්ස නඅබ්‍යාකතස්ස ධම්මස්ස ආරම්මණපච්චයෙන පච්චයො. (සංඛිත්තං.)

ආරම්මණෙ එකවීසති. (දුක්ඛාය වෙදනාය සම්පයුත්තඅබ්‍යාකතමූලං අදුක්ඛමසුඛාය වෙදනාය සම්පයුත්තඅබ්‍යාකතමූලම්පි කාතබ්බං.)