3-1. විපාකත්තික-කුසලත්තිකං

39. විපාකධම්මධම්මං කුසලං ධම්මං පටිච්ච නවිපාකධම්මධම්මො නකුසලො ධම්මො උප්පජ්ජති හෙතුපච්චයා… හෙතුයා තීණි.

විපාකධම්මධම්මං අකුසලං ධම්මං පටිච්ච නවිපාකධම්මධම්මො නඅකුසලො ධම්මො උප්පජ්ජති හෙතුපච්චයා… හෙතුයා තීණි.

නෙවවිපාකනවිපාකධම්මධම්මං අබ්‍යාකතං ධම්මං පච්චයා නනෙවවිපාකනවිපාකධම්මධම්මො නඅබ්‍යාකතො ධම්මො උප්පජ්ජති හෙතුපච්චයා… හෙතුයා තීණි.