22-55. සනිදස්සනත්තික-සාරම්මණදුකං

111. අනිදස්සනඅප්පටිඝං සාරම්මණං ධම්මං පටිච්ච නඅනිදස්සනඅප්පටිඝො නසාරම්මණො ධම්මො උප්පජ්ජති හෙතුපච්චයා. අනිදස්සනඅප්පටිඝං සාරම්මණං ධම්මං පටිච්ච නසනිදස්සනසප්පටිඝො නසාරම්මණො ධම්මො උප්පජ්ජති හෙතුපච්චයා…පෙ… අනිදස්සනඅප්පටිඝං සාරම්මණං ධම්මං පටිච්ච නසනිදස්සනසප්පටිඝො නසාරම්මණො ච නඅනිදස්සනසප්පටිඝො නසාරම්මණො ච ධම්මා උප්පජ්ජන්ති හෙතුපච්චයා.

අනිදස්සනඅප්පටිඝං අනාරම්මණං ධම්මං පටිච්ච නසනිදස්සනසප්පටිඝො නඅනාරම්මණො ධම්මො උප්පජ්ජති හෙතුපච්චයා… හෙතුයා තීණි.