22-56. සනිදස්සනත්තික-චිත්තදුකං

112. අනිදස්සනඅප්පටිඝං චිත්තං ධම්මං පටිච්ච නඅනිදස්සනඅප්පටිඝො නොචිත්තො ධම්මො උප්පජ්ජති හෙතුපච්චයා. අනිදස්සනඅප්පටිඝං චිත්තං ධම්මං පටිච්ච නසනිදස්සනසප්පටිඝො නොචිත්තො ධම්මො උප්පජ්ජති හෙතුපච්චයා…පෙ… අනිදස්සනඅප්පටිඝං චිත්තං ධම්මං පටිච්ච නසනිදස්සනසප්පටිඝො නොචිත්තො ච නඅනිදස්සනසප්පටිඝො නොචිත්තො ච ධම්මා උප්පජ්ජන්ති හෙතුපච්චයා… හෙතුයා ඡ.

අනිදස්සනඅප්පටිඝං නොචිත්තං ධම්මං පටිච්ච නසනිදස්සනසප්පටිඝො නනොචිත්තො ධම්මො උප්පජ්ජති හෙතුපච්චයා… හෙතුයා තීණි.