1-11. කුසලත්තික-රූපීදුකං
20. අබ්යාකතං රූපිං ධම්මං පටිච්ච නකුසලො නරූපී ධම්මො උප්පජ්ජති හෙතුපච්චයා. අබ්යාකතං රූපිං ධම්මං පටිච්ච නඅකුසලො නරූපී ධම්මො උප්පජ්ජති හෙතුපච්චයා. අබ්යාකතං රූපිං ධම්මං පටිච්ච නකුසලො නරූපී ච නඅකුසලො නරූපී ච ධම්මා උප්පජ්ජන්ති හෙතුපච්චයා. හෙතුයා තීණි.
කුසලං අරූපිං ධම්මං පටිච්ච තීණි. අකුසලං අරූපිං ධම්මං පටිච්ච තීණි. අබ්යාකතං අරූපිං ධම්මං පටිච්ච තීණි. හෙතුයා නව.