1-12. කුසලත්තික-ලොකියදුකං
21. අබ්‍යාකතං ලොකියං ධම්මං පච්චයා නඅබ්‍යාකතො නලොකියො ධම්මො උප්පජ්ජති හෙතුපච්චයා. අබ්‍යාකතං ලොකියං ධම්මං පච්චයා නකුසලො නලොකියො ධම්මො උප්පජ්ජති හෙතුපච්චයා. අබ්‍යාකතං ලොකියං ධම්මං පච්චයා නඅකුසලො නලොකියො ධම්මො උප්පජ්ජති හෙතුපච්චයා. අබ්‍යාකතං ලොකියං ධම්මං පච්චයා නඅකුසලො නලොකියො ච නඅබ්‍යාකතො නලොකියො ච ධම්මා උප්පජ්ජන්ති හෙතුපච්චයා. අබ්‍යාකතං ලොකියං ධම්මං පච්චයා නකුසලො නලොකියො ච නඅකුසලො නලොකියො ච ධම්මා උප්පජ්ජන්ති හෙතුපච්චයා. හෙතුයා පඤ්ච.
කුසලං ලොකුත්තරං ධම්මං පටිච්ච නකුසලො නලොකුත්තරො ධම්මො උප්පජ්ජති හෙතුපච්චයා. කුසලං ලොකුත්තරං ධම්මං පටිච්ච නඅකුසලො නලොකුත්තරො ධම්මො උප්පජ්ජති හෙතුපච්චයා. කුසලං ලොකුත්තරං ධම්මං පටිච්ච නකුසලො නලොකුත්තරො ච නඅකුසලො නලොකුත්තරො ච ධම්මා උප්පජ්ජන්ති හෙතුපච්චයා. තීණි.
අබ්‍යාකතං ලොකුත්තරං ධම්මං පටිච්ච නකුසලො නලොකුත්තරො ධම්මො උප්පජ්ජති හෙතුපච්චයා. අබ්‍යාකතං ලොකුත්තරං ධම්මං පටිච්ච නඅකුසලො නලොකුත්තරො ධම්මො උප්පජ්ජති හෙතුපච්චයා. අබ්‍යාකතං ලොකුත්තරං ධම්මං පටිච්ච නකුසලො නලොකුත්තරො ච නඅකුසලො නලොකුත්තරො ච ධම්මා උප්පජ්ජන්ති හෙතුපච්චයා. තීණි.