100-2. සරණදුක-වෙදනාත්තිකං

81. සරණං සුඛාය වෙදනාය සම්පයුත්තං ධම්මං පටිච්ච නසරණො නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. සරණං සුඛාය වෙදනාය සම්පයුත්තං ධම්මං පටිච්ච නඅරණො නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. සරණං සුඛාය වෙදනාය සම්පයුත්තං ධම්මං පටිච්ච නසරණො නසුඛාය වෙදනාය සම්පයුත්තො ච නඅරණො නසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (3)

අරණං සුඛාය වෙදනාය සම්පයුත්තං ධම්මං පටිච්ච නසරණො නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)

හෙතුයා චත්තාරි.

82. සරණං දුක්ඛාය වෙදනාය සම්පයුත්තං ධම්මං පටිච්ච නසරණො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (සංඛිත්තං.)

හෙතුයා තීණි.

සරණං අදුක්ඛමසුඛාය වෙදනාය සම්පයුත්තං ධම්මං පටිච්ච නසරණො නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා….

හෙතුයා චත්තාරි.