100-3. සරණදුක-විපාකත්තිකං

83. අරණං විපාකං ධම්මං පටිච්ච නසරණො නවිපාකො ධම්මො උප්පජ්ජති හෙතුපච්චයා. හෙතුයා එකං.

සරණං විපාකධම්මධම්මං පටිච්ච නසරණො නවිපාකධම්මධම්මො උප්පජ්ජති හෙතුපච්චයා. අරණං විපාකධම්මධම්මං පටිච්ච නසරණො නවිපාකධම්මධම්මො උප්පජ්ජති හෙතුපච්චයා. හෙතුයා ද්වෙ.

අරණං නෙවවිපාකනවිපාකධම්මධම්මං පටිච්ච නසරණො නනෙවවිපාකනවිපාකධම්මධම්මො උප්පජ්ජති හෙතුපච්චයා. හෙතුයා එකං.