1-7. පටිච්චවාරාදි
හෙතුපච්චයො
120. මග්ගාරම්මණං කුසලං ධම්මං පටිච්ච මග්ගාරම්මණො කුසලො ධම්මො උප්පජ්ජති හෙතුපච්චයා… තීණි.
මග්ගහෙතුකං කුසලං ධම්මං පටිච්ච මග්ගහෙතුකො කුසලො ධම්මො උප්පජ්ජති හෙතුපච්චයා… තීණි.
මග්ගාධිපතිං කුසලං ධම්මං පටිච්ච මග්ගාධිපති කුසලො ධම්මො උප්පජ්ජති හෙතුපච්චයා… පඤ්ච.
මග්ගාරම්මණං කුසලඤ්ච මග්ගාධිපතිං කුසලඤ්ච ධම්මං පටිච්ච මග්ගාරම්මණො කුසලො ධම්මො උප්පජ්ජති හෙතුපච්චයා… තීණි.
මග්ගහෙතුකං කුසලඤ්ච මග්ගාධිපතිං කුසලඤ්ච ධම්මං පටිච්ච මග්ගහෙතුකො කුසලො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා සත්තරස…පෙ… අවිගතෙ සත්තරස. (සංඛිත්තං.)
121. මග්ගාරම්මණං අබ්‍යාකතං ධම්මං පටිච්ච මග්ගාරම්මණො අබ්‍යාකතො ධම්මො උප්පජ්ජති හෙතුපච්චයා… තීණි.
මග්ගාධිපතිං අබ්‍යාකතං ධම්මං පටිච්ච මග්ගාධිපති අබ්‍යාකතො ධම්මො උප්පජ්ජති හෙතුපච්චයා… තීණි.
(සබ්බත්ථ විත්ථාරො.)