ධම්මානුලොමෙ තිකතිකපට්ඨානං
1-1. කුසලත්තික-වෙදනාත්තිකං
1. සුඛායවෙදනායසම්පයුත්තපදං
1-7. පටිච්චවාරාදි
පච්චයචතුක්කං
හෙතුපච්චයො
1. කුසලං සුඛාය වෙදනාය සම්පයුත්තං ධම්මං පටිච්ච කුසලො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)
අකුසලං සුඛාය වෙදනාය සම්පයුත්තං ධම්මං පටිච්ච අකුසලො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)
අබ්‍යාකතං සුඛාය වෙදනාය සම්පයුත්තං ධම්මං පටිච්ච අබ්‍යාකතො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1) (සංඛිත්තං.)
2. හෙතුයා තීණි, ආරම්මණෙ තීණි…පෙ… අවිගතෙ තීණි. (සංඛිත්තං…පෙ… සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
3. කුසලො සුඛාය වෙදනාය සම්පයුත්තො ධම්මො කුසලස්ස සුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. (1)
අකුසලො සුඛාය වෙදනාය සම්පයුත්තො ධම්මො අකුසලස්ස සුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. (1)
අබ්‍යාකතො සුඛාය වෙදනාය සම්පයුත්තො ධම්මො අබ්‍යාකතස්ස සුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. (1)
කුසලො සුඛාය වෙදනාය සම්පයුත්තො ධම්මො කුසලස්ස සුඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො. (සංඛිත්තං.)
4. හෙතුයා තීණි, ආරම්මණෙ නව. (සංඛිත්තං.)
(යථා කුසලත්තිකෙ පඤ්හාවාරං එවං විත්ථාරෙතබ්බං.)
2. දුක්ඛායවෙදනායසම්පයුත්තපදං
1-7. පටිච්චවාරාදි
පච්චයචතුක්කං
හෙතු-ආරම්මණපච්චයා
5. අකුසලං දුක්ඛාය වෙදනාය සම්පයුත්තං ධම්මං පටිච්ච අකුසලො දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)
අකුසලං දුක්ඛාය වෙදනාය සම්පයුත්තං ධම්මං පටිච්ච අකුසලො දුක්ඛාය වෙදනාය සම්පයුත්තො ධම්මො උප්පජ්ජති ආරම්මණපච්චයා. (1)
අබ්‍යාකතං දුක්ඛාය වෙදනාය සම්පයුත්තං ධම්මං පටිච්ච අබ්‍යාකතො දුක්ඛාය වෙදනාය සම්පයුත්තො ධම්මො උප්පජ්ජති ආරම්මණපච්චයා. (1) (සංඛිත්තං.)
6. හෙතුයා එකං, ආරම්මණෙ ද්වෙ…පෙ… අවිගතෙ ද්වෙ. (සංඛිත්තං.) (සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
7. අකුසලො දුක්ඛාය වෙදනාය සම්පයුත්තො ධම්මො අකුසලස්ස දුක්ඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. (1)
අකුසලො දුක්ඛාය වෙදනාය සම්පයුත්තො ධම්මො අකුසලස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො. (1)
අබ්‍යාකතො දුක්ඛාය වෙදනාය සම්පයුත්තො ධම්මො අකුසලස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො. (1) (සංඛිත්තං.)
8. හෙතුයා එකං, ආරම්මණෙ ද්වෙ. (සංඛිත්තං. යථා කුසලත්තිකෙ පඤ්හාවාරං එවං විත්ථාරෙතබ්බං.)
3. අදුක්ඛමසුඛවෙදනායසම්පයුත්තපදං
1-7. පටිච්චවාරාදි
පච්චයචතුක්කං
හෙතුපච්චයො
9. කුසලං අදුක්ඛමසුඛාය වෙදනාය සම්පයුත්තං ධම්මං පටිච්ච කුසලො අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)
අකුසලං අදුක්ඛමසුඛාය වෙදනාය සම්පයුත්තං ධම්මං පටිච්ච අකුසලො අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)
අබ්‍යාකතං අදුක්ඛමසුඛාය වෙදනාය සම්පයුත්තං ධම්මං පටිච්ච අබ්‍යාකතො අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (1)
10. හෙතුයා තීණි, ආරම්මණෙ තීණි…පෙ… අවිගතෙ තීණි. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
11. කුසලො අදුක්ඛමසුඛාය වෙදනාය සම්පයුත්තො ධම්මො කුසලස්ස අදුක්ඛමසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. (1)
අකුසලො අදුක්ඛමසුඛාය වෙදනාය සම්පයුත්තො ධම්මො අකුසලස්ස අදුක්ඛමසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. (1)
අබ්‍යාකතො අදුක්ඛමසුඛාය වෙදනාය සම්පයුත්තො ධම්මො අබ්‍යාකතස්ස අදුක්ඛමසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. (1) (සංඛිත්තං.)
12. හෙතුයා තීණි, ආරම්මණෙ නව, අධිපතියා සත්ත, අනන්තරෙ සත්ත…පෙ… උපනිස්සයෙ නව, අවිගතෙ තීණි. (සංඛිත්තං. යථා කුසලත්තිකෙ පඤ්හාවාරං එවං විත්ථාරෙතබ්බං.)
1-2. කුසලත්තික-විපාකත්තිකං
1-7. පටිච්චවාරාදි
පච්චයචතුක්කං
13. අබ්‍යාකතං විපාකං ධම්මං පටිච්ච අබ්‍යාකතො විපාකො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං, ආරම්මණෙ එකං…පෙ… අවිගතෙ එකං. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
14. කුසලං විපාකධම්මධම්මං පටිච්ච කුසලො විපාකධම්මධම්මො උප්පජ්ජති හෙතුපච්චයා. (1)
අකුසලං විපාකධම්මධම්මං පටිච්ච අකුසලො විපාකධම්මධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ. (සංඛිත්තං.)
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
15. කුසලො විපාකධම්මධම්මො කුසලස්ස විපාකධම්මධම්මස්ස හෙතුපච්චයෙන පච්චයො. (1)
අකුසලො විපාකධම්මධම්මො අකුසලස්ස විපාකධම්මධම්මස්ස හෙතුපච්චයෙන පච්චයො. (1)
කුසලො විපාකධම්මධම්මො කුසලස්ස විපාකධම්මධම්මස්ස ආරම්මණපච්චයෙන පච්චයො. කුසලො විපාකධම්මධම්මො අකුසලස්ස විපාකධම්මධම්මස්ස ආරම්මණපච්චයෙන පච්චයො. (2)
අකුසලො විපාකධම්මධම්මො අකුසලස්ස විපාකධම්මධම්මස්ස ආරම්මණපච්චයෙන පච්චයො. අකුසලො විපාකධම්මධම්මො කුසලස්ස විපාකධම්මධම්මස්ස ආරම්මණපච්චයෙන පච්චයො. (2) (සංඛිත්තං.)
16. හෙතුයා ද්වෙ, ආරම්මණෙ චත්තාරි, අධිපතියා තීණි, අනන්තරෙ ද්වෙ…පෙ… සහජාතෙ ද්වෙ, උපනිස්සයෙ චත්තාරි…පෙ… අවිගතෙ ද්වෙ. (සංඛිත්තං. යථා කුසලත්තිකෙ පඤ්හාවාරං එවං විත්ථාරෙතබ්බං.)
17. අබ්‍යාකතං නෙවවිපාකනවිපාකධම්මධම්මං පටිච්ච අබ්‍යාකතො නෙවවිපාකනවිපාකධම්මධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං, ආරම්මණෙ එකං…පෙ… අවිගතෙ එකං. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
1-3. කුසලත්තික-උපාදින්නත්තිකං
1-7. පටිච්චවාරාදි
පච්චයචතුක්කං
18. අබ්‍යාකතං උපාදින්නුපාදානියං ධම්මං පටිච්ච අබ්‍යාකතො උපාදින්නුපාදානියො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
19. කුසලං අනුපාදින්නුපාදානියං ධම්මං පටිච්ච කුසලො අනුපාදින්නුපාදානියො ධම්මො උප්පජ්ජති හෙතුපච්චයා… තීණි.
අකුසලං අනුපාදින්නුපාදානියං ධම්මං පටිච්ච අකුසලො අනුපාදින්නුපාදානියො ධම්මො උප්පජ්ජති හෙතුපච්චයා… තීණි.
අබ්‍යාකතං අනුපාදින්නුපාදානියං ධම්මං පටිච්ච අබ්‍යාකතො අනුපාදින්නුපාදානියො ධම්මො උප්පජ්ජති හෙතුපච්චයා. (1)
කුසලං අනුපාදින්නුපාදානියඤ්ච අබ්‍යාකතං අනුපාදින්නුපාදානියඤ්ච ධම්මං පටිච්ච අබ්‍යාකතො අනුපාදින්නුපාදානියො ධම්මො උප්පජ්ජති හෙතුපච්චයා. (1)
අකුසලං අනුපාදින්නුපාදානියඤ්ච අබ්‍යාකතං අනුපාදින්නුපාදානියඤ්ච ධම්මං පටිච්ච අබ්‍යාකතො අනුපාදින්නුපාදානියො ධම්මො උප්පජ්ජති හෙතුපච්චයා. (1) (සංඛිත්තං.)
20. හෙතුයා නව, අවිගතෙ නව. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
21. කුසලො අනුපාදින්නුපාදානියො ධම්මො කුසලස්ස අනුපාදින්නුපාදානියස්ස ධම්මස්ස හෙතුපච්චයෙන පච්චයො… තීණි.
අකුසලො අනුපාදින්නුපාදානියො ධම්මො අකුසලස්ස අනුපාදින්නුපාදානියස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො අනුපාදින්නුපාදානියො ධම්මො අබ්‍යාකතස්ස අනුපාදින්නුපාදානියස්ස ධම්මස්ස හෙතුපච්චයෙන පච්චයො. (1)
22. කුසලො අනුපාදින්නුපාදානියො ධම්මො කුසලස්ස අනුපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි.
අකුසලො අනුපාදින්නුපාදානියො ධම්මො අකුසලස්ස අනුපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි.
අබ්‍යාකතො අනුපාදින්නුපාදානියො ධම්මො අබ්‍යාකතස්ස අනුපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි. (සංඛිත්තං.)
23. හෙතුයා සත්ත, ආරම්මණෙ නව, අවිගතෙ එකාදස. (සංඛිත්තං.)
(යථා කුසලත්තිකෙ පඤ්හාවාරං එවං විත්ථාරෙතබ්බං.)
24. කුසලං අනුපාදින්නඅනුපාදානියං ධම්මං පටිච්ච කුසලො අනුපාදින්නුපාදානියො ධම්මො උප්පජ්ජති හෙතුපච්චයා. (1)
අබ්‍යාකතං අනුපාදින්නඅනුපාදානියං ධම්මං පටිච්ච අබ්‍යාකතො අනුපාදින්නඅනුපාදානියො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ, අවිගතෙ ද්වෙ. (සංඛිත්තං, සහජාතවාරම්පි…පෙ… පඤ්හාවාරම්පි සබ්බත්ථ විත්ථාරො.)
1-4. කුසලත්තික-සංකිලිට්ඨත්තිකං
1-7. පටිච්චවාරාදි
පච්චයචතුක්කං
25. අකුසලං සංකිලිට්ඨසංකිලෙසිකං ධම්මං පටිච්ච අකුසලො සංකිලිට්ඨසංකිලෙසිකො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
26. කුසලං අසංකිලිට්ඨසංකිලෙසිකං ධම්මං පටිච්ච කුසලො අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා… තීණි.
අබ්‍යාකතං අසංකිලිට්ඨසංකිලෙසිකං ධම්මං පටිච්ච අබ්‍යාකතො අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. (1)
කුසලං අසංකිලිට්ඨසංකිලෙසිකඤ්ච අබ්‍යාකතං අසංකිලිට්ඨසංකිලෙසිකඤ්ච ධම්මං පටිච්ච අබ්‍යාකතො අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. (1)
27. හෙතුයා පඤ්ච, අවිගතෙ පඤ්ච. (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)
28. කුසලං අසංකිලිට්ඨඅසංකිලෙසිකං ධම්මං පටිච්ච කුසලො අසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා. (1)
අබ්‍යාකතං අසංකිලිට්ඨඅසංකිලෙසිකං ධම්මං පටිච්ච අබ්‍යාකතො අසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ…පෙ… අවිගතෙ ද්වෙ. (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං.)
1-5. කුසලත්තික-විතක්කත්තිකං
1-7. පටිච්චවාරාදි
පච්චයචතුක්කං
හෙතුපච්චයො
29. කුසලං සවිතක්කසවිචාරං ධම්මං පටිච්ච කුසලො සවිතක්කසවිචාරො ධම්මො උප්පජ්ජති හෙතුපච්චයා. (1)
අකුසලං සවිතක්කසවිචාරං ධම්මං පටිච්ච අකුසලො සවිතක්කසවිචාරො ධම්මො උප්පජ්ජති හෙතුපච්චයා. (1)
අබ්‍යාකතං සවිතක්කසවිචාරං ධම්මං පටිච්ච අබ්‍යාකතො සවිතක්කසවිචාරො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි, ආරම්මණෙ තීණි, අවිගතෙ තීණි. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
30. කුසලො සවිතක්කසවිචාරො ධම්මො කුසලස්ස සවිතක්කසවිචාරස්ස ධම්මස්ස හෙතුපච්චයෙන පච්චයො. (1)
අකුසලො සවිතක්කසවිචාරො ධම්මො අකුසලස්ස සවිතක්කසවිචාරස්ස ධම්මස්ස හෙතුපච්චයෙන පච්චයො. (1)
අබ්‍යාකතො සවිතක්කසවිචාරො ධම්මො අබ්‍යාකතස්ස සවිතක්කසවිචාරස්ස ධම්මස්ස හෙතුපච්චයෙන පච්චයො. (1) (සංඛිත්තං.)
31. හෙතුයා තීණි, ආරම්මණෙ නව, අවිගතෙ තීණි. (සංඛිත්තං.) (යථා කුසලත්තිකෙ පඤ්හාවාරං එවං විත්ථාරෙතබ්බං).
32. කුසලං අවිතක්කවිචාරමත්තං ධම්මං පටිච්ච කුසලො අවිතක්කවිචාරමත්තො ධම්මො උප්පජ්ජති හෙතුපච්චයා. (1)
අබ්‍යාකතං අවිතක්කවිචාරමත්තං ධම්මං පටිච්ච අබ්‍යාකතො අවිතක්කවිචාරමත්තො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ, අවිගතෙ ද්වෙ. (සංඛිත්තං.)
(සහජාතවාරෙපි…පෙ… සම්පයුත්තවාරෙපි පඤ්හාවාරෙපි සබ්බත්ථ විත්ථාරො.)
33. කුසලං අවිතක්කඅවිචාරං ධම්මං පටිච්ච කුසලො අවිතක්කඅවිචාරො ධම්මො උප්පජ්ජති හෙතුපච්චයා… තීණි.
අබ්‍යාකතං අවිතක්කඅවිචාරං ධම්මං පටිච්ච අබ්‍යාකතො අවිතක්කඅවිචාරො ධම්මො උප්පජ්ජති හෙතුපච්චයා. (1)
කුසලං අවිතක්කඅවිචාරඤ්ච අබ්‍යාකතං අවිතක්කඅවිචාරඤ්ච ධම්මං පටිච්ච අබ්‍යාකතො අවිතක්කඅවිචාරො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා පඤ්ච, ආරම්මණෙ ද්වෙ, අවිගතෙ පඤ්ච. (සංඛිත්තං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
1-6. කුසලත්තික-පීතිත්තිකං
1-7. පටිච්චවාරාදි
පච්චයචතුක්කං
හෙතුපච්චයො
34. කුසලං පීතිසහගතං ධම්මං පටිච්ච කුසලො පීතිසහගතො ධම්මො උප්පජ්ජති හෙතුපච්චයා. (1)
අකුසලං පීතිසහගතං ධම්මං පටිච්ච අකුසලො පීතිසහගතො ධම්මො උප්පජ්ජති හෙතුපච්චයා. (1)
අබ්‍යාකතං පීතිසහගතං ධම්මං පටිච්ච අබ්‍යාකතො පීතිසහගතො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි, ආරම්මණෙ තීණි, අවිගතෙ තීණි. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
35. කුසලො පීතිසහගතො ධම්මො කුසලස්ස පීතිසහගතස්ස ධම්මස්ස හෙතුපච්චයෙන පච්චයො. (1)
අකුසලො පීතිසහගතො ධම්මො අකුසලස්ස පීතිසහගතස්ස ධම්මස්ස හෙතුපච්චයෙන පච්චයො. (1)
අබ්‍යාකතො පීතිසහගතො ධම්මො අබ්‍යාකතස්ස පීතිසහගතස්ස ධම්මස්ස හෙතුපච්චයෙන පච්චයො. (1) (සංඛිත්තං.)
හෙතුයා තීණි, ආරම්මණෙ නව, අධිපතියා සත්ත, අනන්තරෙ පඤ්ච අවිගතෙ තීණි. (සංඛිත්තං.)
(යථා කුසලත්තිකෙ පඤ්හාවාරං එවං විත්ථාරෙතබ්බං.)
36. කුසලං සුඛසහගතං ධම්මං පටිච්ච කුසලො සුඛසහගතො ධම්මො උප්පජ්ජති හෙතුපච්චයා. (1)
අකුසලං සුඛසහගතං ධම්මං පටිච්ච අකුසලො සුඛසහගතො ධම්මො උප්පජ්ජති හෙතුපච්චයා. (1)
අබ්‍යාකතං සුඛසහගතං ධම්මං පටිච්ච අබ්‍යාකතො සුඛසහගතො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි, ආරම්මණෙ තීණි, අවිගතෙ තීණි. (සංඛිත්තං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
37. කුසලං උපෙක්ඛාසහගතං ධම්මං පටිච්ච කුසලො උපෙක්ඛාසහගතො ධම්මො උප්පජ්ජති හෙතුපච්චයා. (1)
අකුසලං උපෙක්ඛාසහගතං ධම්මං පටිච්ච අකුසලො උපෙක්ඛාසහගතො ධම්මො උප්පජ්ජති හෙතුපච්චයා. (1)
අබ්‍යාකතං උපෙක්ඛාසහගතං ධම්මං පටිච්ච අබ්‍යාකතො උපෙක්ඛාසහගතො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි, අවිගතෙ තීණි. (සංඛිත්තං.)
(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
1-7. කුසලත්තික-දස්සනත්තිකං
1-7. පටිච්චවාරාදි
පච්චයචතුක්කං
38. අකුසලං දස්සනෙන පහාතබ්බං ධම්මං පටිච්ච අකුසලො දස්සනෙන පහාතබ්බො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
39. අකුසලං භාවනාය පහාතබ්බං ධම්මං පටිච්ච අකුසලො භාවනාය පහාතබ්බො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං.)
40. කුසලං නෙවදස්සනෙන නභාවනාය පහාතබ්බං ධම්මං පටිච්ච කුසලො නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා… තීණි.
අබ්‍යාකතං නෙවදස්සනෙන නභාවනාය පහාතබ්බං ධම්මං පටිච්ච අබ්‍යාකතො නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. (1)
කුසලං නෙවදස්සනෙන නභාවනාය පහාතබ්බඤ්ච අබ්‍යාකතං නෙවදස්සනෙන නභාවනාය පහාතබ්බඤ්ච ධම්මං පටිච්ච අබ්‍යාකතො නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා පඤ්ච, අවිගතෙ පඤ්ච. (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)