1-7. පටිච්චවාරාදි
හෙතුපච්චයො
110. පරිත්තං කුසලං ධම්මං පටිච්ච පරිත්තො කුසලො ධම්මො උප්පජ්ජති හෙතුපච්චයා. (1)
මහග්ගතං කුසලං ධම්මං පටිච්ච මහග්ගතො කුසලො ධම්මො උප්පජ්ජති හෙතුපච්චයා. (1)
අප්පමාණං කුසලං ධම්මං පටිච්ච අප්පමාණො කුසලො ධම්මො උප්පජ්ජති හෙතුපච්චයා. (1) (සබ්බත්ථ තීණි. සබ්බත්ථ විත්ථාරො.)
111. පරිත්තං අකුසලං ධම්මං පටිච්ච පරිත්තො අකුසලො ධම්මො උප්පජ්ජති හෙතුපච්චයා. (සබ්බත්ථ එකං.)
පරිත්තං අබ්‍යාකතං ධම්මං පටිච්ච පරිත්තො අබ්‍යාකතො ධම්මො උප්පජ්ජති හෙතුපච්චයා… තීණි.
මහග්ගතං අබ්‍යාකතං ධම්මං පටිච්ච මහග්ගතො අබ්‍යාකතො ධම්මො උප්පජ්ජති හෙතුපච්චයා… තීණි.
අප්පමාණං අබ්‍යාකතං ධම්මං පටිච්ච අප්පමාණො අබ්‍යාකතො ධම්මො උප්පජ්ජති හෙතුපච්චයා. (සංඛිත්තං.)
හෙතුයා තෙරස.