1-7. පටිච්චවාරාදි
හෙතුපච්චයො
109. සෙක්ඛං කුසලං ධම්මං පටිච්ච සෙක්ඛො කුසලො ධම්මො උප්පජ්ජති හෙතුපච්චයා. (1)
නෙවසෙක්ඛනාසෙක්ඛං කුසලං ධම්මං පටිච්ච නෙවසෙක්ඛනාසෙක්ඛො කුසලො ධම්මො උප්පජ්ජති හෙතුපච්චයා. (1) (සබ්බත්ථ ද්වෙ. සබ්බත්ථ විත්ථාරො.)
නෙවසෙක්ඛනාසෙක්ඛං අකුසලං ධම්මං පටිච්ච නෙවසෙක්ඛනාසෙක්ඛො අකුසලො ධම්මො උප්පජ්ජති හෙතුපච්චයා. (සබ්බත්ථ එකං.)
සෙක්ඛං අබ්‍යාකතං ධම්මං පටිච්ච සෙක්ඛො අබ්‍යාකතො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව. (සබ්බත්ථ විත්ථාරෙතබ්බං.)