1-7. පටිච්චවාරාදි
හෙතුපච්චයො
108. ආචයගාමිං කුසලං ධම්මං පටිච්ච ආචයගාමී කුසලො ධම්මො උප්පජ්ජති හෙතුපච්චයා. (1)
අපචයගාමිං කුසලං ධම්මං පටිච්ච අපචයගාමී කුසලො ධම්මො උප්පජ්ජති හෙතුපච්චයා. (1) (සබ්බත්ථ ද්වෙ. සබ්බත්ථ විත්ථාරො.)
ආචයගාමිං අකුසලං ධම්මං පටිච්ච ආචයගාමී අකුසලො ධම්මො උප්පජ්ජති හෙතුපච්චයා. (සබ්බත්ථ එකං.)
නෙවාචයගාමිනාපචයගාමිං අබ්‍යාකතං ධම්මං පටිච්ච නෙවාචයගාමිනාපචයගාමී අබ්‍යාකතො ධම්මො උප්පජ්ජති හෙතුපච්චයා. (සබ්බත්ථ එකං.)