1-7. පටිච්චවාරාදි

හෙතුපච්චයො

105. නෙවදස්සනෙන නභාවනාය පහාතබ්බහෙතුකං කුසලං ධම්මං පටිච්ච නෙවදස්සනෙන නභාවනාය පහාතබ්බහෙතුකො කුසලො ධම්මො උප්පජ්ජති හෙතුපච්චයා. (සබ්බත්ථ එකං. සබ්බත්ථ විත්ථාරො.)

106. දස්සනෙන පහාතබ්බහෙතුකං අකුසලං ධම්මං පටිච්ච දස්සනෙන පහාතබ්බහෙතුකො අකුසලො ධම්මො උප්පජ්ජති හෙතුපච්චයා.

භාවනාය පහාතබ්බහෙතුකං අකුසලං ධම්මං පටිච්ච භාවනාය පහාතබ්බහෙතුකො අකුසලො ධම්මො උප්පජ්ජති හෙතුපච්චයා. (සංඛිත්තං.)

හෙතුයා ඡ, ආරම්මණෙ දස, අධිපතියා ද්වෙ…පෙ… අවිගතෙ දස. (සබ්බත්ථ විත්ථාරො.)

107. නෙවදස්සනෙන නභාවනාය පහාතබ්බහෙතුකං අබ්‍යාකතං ධම්මං පටිච්ච නෙවදස්සනෙන නභාවනාය පහාතබ්බහෙතුකො අබ්‍යාකතො ධම්මො උප්පජ්ජති හෙතුපච්චයා. (සබ්බත්ථ එකං.)