1-7. පටිච්චවාරාදි
හෙතුපච්චයො
102. නෙවදස්සනෙන නභාවනාය පහාතබ්බං කුසලං ධම්මං පටිච්ච නෙවදස්සනෙන නභාවනාය පහාතබ්බො කුසලො ධම්මො උප්පජ්ජති හෙතුපච්චයා. (සබ්බත්ථ එකං.)
103. දස්සනෙන පහාතබ්බං අකුසලං ධම්මං පටිච්ච දස්සනෙන පහාතබ්බො අකුසලො ධම්මො උප්පජ්ජති හෙතුපච්චයා. (1)
භාවනාය පහාතබ්බං අකුසලං ධම්මං පටිච්ච භාවනාය පහාතබ්බො අකුසලො ධම්මො උප්පජ්ජති හෙතුපච්චයා. (1) (සබ්බත්ථ ද්වෙ. සබ්බත්ථ විත්ථාරො.)
104. නෙවදස්සනෙන නභාවනාය පහාතබ්බං අබ්‍යාකතං ධම්මං පටිච්ච නෙවදස්සනෙන නභාවනාය පහාතබ්බො අබ්‍යාකතො ධම්මො උප්පජ්ජති හෙතුපච්චයා. (සබ්බත්ථ එකං.)